جماعت المسلمین جامعہ بنوریہ کے فتوی کی رو سے

عقل کا دائرہ کار از مفتی محمد تقی عثمانی

جلالہ کیا ہے اور اس کے احکام

جلاّلہ کے احکام: ”جلاّلہ“ ایسے حلال جان دار (از قسم مرغ یا چوپایہ) کو کہتے ہیں جس کی خوراک کا پورا یا بیشتر حصہ نجس (ناپاک) اشیاءپر مشتمل ہو۔

درج ذیل سطور میں جلالہ کے بارے میں دو احکام بیان کئے جا رہے ہیں۔ یہ فتاوی سعودی عرب کے جید عالم دین ڈاکٹر سلمان عودہ کی ویب سائیٹ سے حاصل کئے گئے ہیں اور اس غرض سے ایقاظ میں شائع کئے جا رہے ہیں کہ ہمارے ملک میں بھی برائیلر مرغ وسیع پیمانے پر فروخت ہوتی ہے اور جلالہ کے حکم میں آتی ہے

سائل: جلالہ (ایسی گائے جس کی خوراک کارخانے میں نجس اشیاءسے تیار کی جاتی ہو) کے دودھ پینے کا کیا حکم ہے۔ ہم یورپی ممالک میں مقیم ہیں اور ہمارے جیسے درمیانے طبقے کے مسلمان اس قسم کے گائے کے دودھ کو خریدنے کی استطاعت رکھتے ہیں جو بازار میں عام گائے کے دودھ سے کم قیمت پر دستیاب ہے اور سبز چارے پر پلنے والی گائے کا دودھ بازار میں گِراں قیمت ہے۔ جلالہ گائے کی خوراک مردہ جاندار کے گوشت سے کارخانوں میں تیار کی جاتی ہے۔

ڈاکٹر خالد بن علی پروفیسر امام محمد یونیورسٹی سعودی عرب اس سوال کا جواب دیتے ہیں

جلالہ کے احکام میں فقہاءکرام کے ہاں تفصیلات پائی جاتی ہیں۔ بعض اہل علم ایسے جانور کا حکم نجس خوراک کی کثرت اور قلت کو سامنے رکھ کر دیتے ہیں۔ برسبیل مثال اگر ایسے جانور کی خوراک کا %٧٥ نجس ہو تو اس کا گوشت یا دودھ حرام ہوگا۔ البتہ اگر حلال خوراک کا بیشتر حصہ یا آدھا حصہ نجس خوراک پر مشتمل ہو تو ان علمائے کرام کی تحقیق کے مطابق اس کا حکم حلال جانو رکا سا ہے۔

اہل علم کی ایک دوسری رائے یہ ہے کہ خوراک کی مقدار سے قطع نظر یہ دیکھا جائے گا کہ جانور کے گوشت اور دودھ پر اُس خوراک کا کیا اثر ہوا ہے۔ اگر دودھ یا گوشت اِس خوراک کی وجہ سے متغیر ہو گیا ہے تو اس کا دودھ یا گوشت خوراک کے لئے استعمال کرنا ناجائز ہوگا بصورت دیگر اگر گوشت اور دودھ متغیر نہیں ہوتا تو یہ جانور خود اور اس سے حاصل ہونے والی خوراک (دودھ / انڈا) بھی حلال ہوگی۔

ہمارے نزدیک اہلِ علم کی یہ دوسری رائے درست ہے اور قاعدے کی رو سے بھی یہ رائے قرین قیاس ہے کہ موسمی اثرات اور دوسری زمینی اثرات سے ناپاک چیزیں تبدیل ہو جاتی ہیں اور تبدیل ہو جانے کے بعد حلال چیز کے حکم میں آجاتی ہیں۔

بنا بریں گائے کو جو خوراک دی جاتی ہے وہ خون، گوشت اور دودھ میں تبدیل ہوجاتی ہے۔ لہٰذا ناپاک خوراک کا حکم اس تبدیل شدہ حلال اجزاءپر منطبق نہیں ہو سکتا۔

واﷲ اعلم بالصواب

سوال: کیا پالتو بلی کو حرام جانور کا گوشت کھلایا جا سکتا ہے؟

ڈاکٹر یوسف بن احمد مدرس شریعہ اکیڈیمی سعودی عرب جواب دیتے ہیں

الحمدﷲ وحدہ وبعد

بلی کو حرام گوشت کھلانے میں کوئی ممانعت نہیں ہے۔ فقہائے اسلام نے جلالہ کے احکام میں اس بات کو بڑی تفصیل سے بیان کیا ہے خواہ یہ نجس خوراک حلال جانور کو دی جائے یا از قسم بلی، کتا اور شکاری باز کو دی جائے ہر دو قسم کے جانوروں کے احکام پر سیر حاصل بحث فقہ کی کتب میں مذکور ہے۔علامہ کاسانی کہتے ہیں کہ امام ابوحنیفہ کے نزدیک ایسا آٹا جو نجس پانی سے گوندھا گیا تھا انسانی خوراک کیلئے استعمال میں نہیں لایا جائے گا البتہ کتے کو کھلانے میں کوئی حرج نہیں کیونکہ جو پاک خوراک کسی معلوم نجاست کے گرنے سے ناپاک ہوئی ہو تو اُس کا کھانا ناجائز ہے اور کوئی دوسرا فائدہ حاصل کرنا درست ہے۔ اور یہی بیشتر علمائے کرام کی رائے ہے۔

جہاں تک حلال جانور کو نجس خوراک کھلانے کا تعلق ہے تو اس کی تفصیلات کچھ یوں ہیں:

امام احمد کہتے ہیں کہ حلال جانور کو نجس خوراک کھلانا جائز ہے ان کا یہ قول کتاب الفروع ج ٦ ص ٢٧٢ میں مذکور ہے۔ المجموع ج ٩ ص ٧٢ میں شافعہ کا یہ قول نقل کیا گیا ہے کہ حلال جانور کو نجس خوراک کھلانا مکروہ ہے جبکہ نجس خوراک میں کوئی حلال اجزاءنہ ملائے گئے ہوں البتہ اگر اس میں پانی وغیرہ ملا لیا گیا ہو تو کچھ حرج نہیں۔

اِمام احمد کا ایک اور قول یہ بیان کیا جاتا ہے کہ حلال جانور کو نجس خوراک دی جاسکتی ہے جبکہ اُس سے فوری طور پر دودھ لینا مطلوب نہ ہو یا اِس نجس خوراک کے اثر کے دوران میں اُسے ذبح کرنا بھی مقصود نہ ہو۔ (الفروع ج ٦ ص ٢٧٢)

امام احمد سے ہی ایک اور قول ان الفاظ سے مذکورہ بالا کتاب میں نقل ہوا ہے کہ حلال جانور کو کسی صورت میں نجس خوراک نہ کھلائی جائے۔

ہمارے نزدیک حلال جانور کو نجس خوراک چند شرائط کے ساتھ جائز ہے۔ نجس خوراک کا اثر اگر جانور کے گوشت یا دودھ میں سرایت کر جائے تو اُسے چرنے کیلئے کھلا نہ چھوڑا جائے بلکہ اُسے باندھ کر عام خوراک کھلائی جائے یہاں تک کہ نجس خوراک کا اثر زائل ہو جائے۔ ہمارا استدلال حضرت عبداﷲ بن عمر کی اِس روایت سے ماخوذ ہے کہ اصحاب رسول حِجر کے مقام پر فروکش ہوئے جو کہ قوم ثمود کی ایک بستی کا نام ہے۔ اپنی اقامت کے دوران میں انہوںنے حجر کے کنویں سے سفر کے لئے پانی بھی محفوظ کرلیا اور آٹا بھی گوندھ لیا۔ نبی علیہ السلام کو جب معلوم ہوا تو آپ نے حکم دیا کہ مشکیزوں میں جو پانی ذخیرہ کیا گیا ہے وہ انڈیل دیں اور آٹا خوراک کے لئے اونٹوں کو کھلایا جائے۔ اس حدیث کو امام بخاری نے روایت کیا ہے۔

حجر کی بستی جہاں کے پانی کو اﷲ کے عذاب کی وجہ سے نبی علیہ السلام نے پینے سے منع کردیا تھا، انسان کیلئے تو حرام تھا لیکن حلال جانور کو اُس پانی سے گوندھے گئے آٹے سے کھلانا جائز قرار دیا تھا۔ جب اونٹ کو حرام پانی سے گوندھے گئے آٹے کی خوراک کھلائی جا سکتی ہے تو ایسا جانور جو حلال نہیں ہے اِس خوراک کو بالاولی کھا سکتا ہے۔

ابن مفلح وغیرہ نے بھی مذکورہ بالا حدیث سے یہی استدلال کیا ہے اور الفروع ج ٦ ص ٢٧٢ میں مذکور ہے۔

قضاء عمری

استحالہ اور اس کے احکام

  ^{الکوہل سے بنی ہوئی دواؤں کے بارے میں فرماتے ہیں: وحیث عمت البلوی فی ہذہ الأدویة فینبغي أن یوخذ فی ہذا الباب کمذہب الحنفیة أو الشافعی واللّٰہ اعلم․ ثم ہناک جہة أخری ینبغی أن یسأل عنہا خبراء الکیمیائی وہو أن ہذہ الکحول بعد ترکیبہا بأدویة أخری ہل تبقی علی حقیقتہا؟ أو تستحیل حقیقتہا وماہیتہا بعملیات کیمیاویة فان کانت ماہیتہا تستحیل بہذہ العملیات بحیث لا تبقی الکحل وانما تصیر شیئاً آخر فیظہر أن عند ذلک یجوز تناولہ باتفاق الأئمة لأن الخمر اذا صارت خلاً جاز تناولہا فی قولہم جمیعاً لاستحالة الحقیقة .}

          ^{(جب الکحل سے بنی ہوئی دواؤں کا استعمال عام ہوگیا اوراس قسم کی دوائیں تمام لوگوں کی ضرورت میں داخل ہوگئیں تو عموم بلوی والی فقہاء کی اصطلاح کے اعتبار سے بھی جائز ہوگا، پھر ایک اور رخ سے بھی مسئلہ پر بحث ہوسکتی ہے، جس سے کیمیاء کیمسٹری کے ماہروں سے دریافت کیا جاسکتا ہے ، وہ یہ کہ الکحل کو دوسری دواؤں سے ملانے کے بعد کیا وہ الکحل اپنی اصل شکل میں رہ جاتا ہے یا اس کی شکل اور حقیقت مختلف کیمیائی مراحل اور ادوار سے گذارنے کے بعد وہ شکل و حقیقت اس طرح بدل جاتی ہے کہ الکحل کچھ بھی نہ رہے، پس صرف دوسری چیز وہ دوائیاں (الکحل جس سے بدل گئی ہیں) رہ گئی ہیں اور ظاہر ہے کہ الکحل جب اپنی حقیقت کھودیااور صرف دوائیاں رہ گئیں تو تمام ائمہ کے نزدیک اس کا استعمال جائز ہے، جیسا کہ شراب جب سرکہ بن جائے تو تبدیلیٴ ماہیت کی وجہ سے بالاتفاق جائز ہے، پھر آگے خنزیر کے اجزاء سے بنے جلاٹین سے بحث کرتے ہوئے فرماتے ہیں: ان کان العنصر المستخلص من الخنزیر تستحیل ماہیتہ بعملیة کیمیاویة بحیث تنقلب حقیقتہ تماماً․ زالت حرمتہ ونجاستہ وان لم تنقلب حقیقتہ بقی علی حرمتہ ونجاستہ لأن انقلاب الحقیقة موثر فی زوال الطہارة والحرمة عند الحنفیة ․}

          ^{اگر خنزیر کے اجزاء سے بنا ہوا عنصر کیمیاوی تجزیہ سے اپنی پوری حقیقت بدل دے اور دوسری شکل اختیار کرلے تواس کی حرمت اور نجاست کا حکم بھی ختم ہوجائے گا اور اس کی اصلی شکل اور حقیقت باقی رہ جائے تو نجاست و حرمت کا حکم بھی باقی رہ جائیگا، اسلئے کہ طہارت و حرمت کے حکم کے بدل جانے میں حقیقت کا بدل جانا ہی اثرانداز ہوتا ہے۔ (بحوث فی قضایا فقہیة معاصرة:۳۴۱)}

^{الموسوعة الفقہیة کی صراحت}

          ^{عصر حاضر کی مشہور اور معتبر فقہی انسائیکلوپیڈیا الموسوعة الفقہیة میں استحالہ کی تعریف یہ بیان کی گئی ہے:}

          ^{الاستحالة - تغیر الشیء عن طبعہ ووصفہ (استحالة ایک چیز کے اپنی طبیعت اور صفت بدل دینے کا نام ہے) اس کے بعد استحالہ کی تفصیل اس طرح بیان کی گئی ہے: فالاستحالة قد تکون بمعنی التحول کاستحالة الأعیان النجسة من العذرة والخمر والخنزیر وتحولہا عن أعیانہا وتغیر أوصافہا وذلک با الاحتراق أو بالتخلیل أو بالوقوع فی شیء.}

          ^{ترجمہ: (استحالہ کبھی کسی چیز کے اپنی حالت بدل دینے سے ہوتا ہے، جیسے گوبر شراب اور سور جیسی ناپاک چیزوں کا اپنی ذات سے پھرجانا اوران کی صفات کا بدل جانا، اور یہ تبدیلی کبھی چیز کے جلادینے سے یا شراب کو سرکہ بنانے سے یا کسی چیز میں ڈال دینے سے ہوتی ہے، پھر استحالہ کاحکم اس طرح بیان کیاگیا ہے: تحول العین وأثرہ فی الطہارة والحل (ایک چیز کے بدل جانے کا اثر اور حکم پاک اور حلال ہونے میں) ذہب الحنفیة والمالکیة وہو روایة عن أحمد الی أن نجس العین یطہر بالاستحالة فرماد النجس لایکون نجساً - ولا یعتبر نجسا ملح کان حماراً أو خنزیرا أو غیرہما ․․․․ ولأن الشرع رتب وصف النجاسة علی تلک الحقیقة فینتفی بانتفائہا فاذا صار العظم واللحم ملحاً أخذ حکم الملح لأن الملح غیر العظم واللحم ونظائر ذلک فی الشرع کثیرة. (الموسوعة الفقہیة:۱۰/۲۷۸)}

          ^{ترجمہ: (حنفیہ مالکیہ اور (باعتبار ایک روایت کے) امام احمد اس طرف گئے ہیں کہ کوئی بھی نجس العین چیز اپنی حالت بدل دے تو پاک ہوجاتی ہے، ناپاک چیز کی راکھ ناپاک نہیں ہوتی اور وہ گدھا یا خنزیر یا کوئی بھی ناپاک جانورنمک بن جائے تو پھر ناپاک شمار نہیں ہوتا، کیونکہ شریعت نے ناپاکی کاحکم اس گندگی کی حقیقت پرلگایا تھا، جب وہ گندگی باقی نہیں رہی پوری طرح مٹ گئی تو گندگی کا حکم بھی ختم ہوجائے گا، پس جب وہ ناپاک گوشت اور پوست نمک بن جائے تواس پر نمک ہی کاحکم لگے گا، اس لئے کہ اب یہ صرف نمک رہ گیا ہے، گوشت پوست وغیرہ کچھ نہیں رہا کہ اس کا حکم لگے اس طرح کی مثالیں شریعت میں بہت سی ہیں۔}

          ^{حضرات فقہاء و مفتیان کی ان روایات اور فتاویٰ سے صورت مسئولہ بالکل نکھر جاتی اور صاف ہوجاتی ہے کہ اگر صابون یا پیسٹ یا کیک اور بسکٹ یااسی طرح دیگر ماکولات و مشروبات میں اگر ناپاک چربی یا اسی قسم کی ناپاک اشیاء کی ملاوٹ ہوتی بھی ہے تو تین وجوہات کی وجہ سے اس کے جائز اور حلال ہونے میں کوئی شبہ یا خلجان نہیں رہ جاتا۔}

          ^{پہلی بات یہ کہ دلائل شرعیہ کے ثبوت کے بغیر ملاوٹ مسلم نہیں، یعنی تسلیم نہیں کی جائے گی، جس کو حضرت مفتی نظام الدین صاحب نے بیان فرمایا کہ جب تک دلائل شرعیہ سے ملاوٹ ثابت نہ ہو اور یقینی نہ ہوجائے اس کا اعتبار نہیں کیا جائے گا، مولانا خالد سیف اللہ صاحب نے اس کی طرف یوں اشارہ فرماکہ جب تک معتبراوریقینی اطلاع نہیں ملتی، بات محض ظن و گمان کے درجہ کی چیز ہوتی ہے اور شریعت اس قسم کے محض احتمالی اور شکی باتوں پر احکام کا دارومدار نہیں رکھتی، اس لئے بھی کہ اصل اشیاء میں اباحت ہی ہے، تو تحریم کے لئے معقول اور قوی وجہ پایا جانا ضروری ہے، نیز الیقین لایزول بالشک ․}

          ^{دوسری وجہ اگر ملاوٹ ہوئی بھی ہو اور ثابت بھی ہوجائے تو شرعی اصول استہلاک اور استحالہ، یعنی ایک چیز کا اپنی حالت بدل دینا نیز انقلاب العین اور تغیر ماہیت و حقیقت کا اصول نافذ ہوگا، جس کی تفصیلات دلائل و شواہد سمیت گذرچکی ہیں۔}

          ^{اس بحث کے اختتام سے پہلے مناسب معلوم ہوتا ہے کہ مفتی کفایت اللہ صاحب کے فتویٰ سے چند اقتباسات پیش کردئیے جائیں جو بڑا مبسوط تشفی بخش اور بحث کے تمام گوشوں کو محیط ہے، نیز مفتی اعظم مفتی عزیز الرحمن صاحب اور علامہ انور شاہ کشمیری جیسی عبقری شخصیتوں کے تائیدی دستخط سے بھی مزین ہے۔}

^{مفتی کفایت اللہ صاحب –رحمة الله عليه- کا فتویٰ}

          ^{(سوال) آج کل ولایتی صابون عموما استعمال کیاجاتا ہے، بعض لوگ کہتے ہیں کہ اس میں خنزیر کی چربی پڑتی ہے، اس وجہ سے اس کے استعمال میں تردد پیداہوگیا ہے، شرعی حکم سے مطلع فرماکر ممنون فرمایا جائے۔ وأجرکم علی اللّٰہ ․}

          ^{(۳۵۲) جواب: اوّل تو یہ امر محقق نہیں کہ صابون میں خنزیر کی چربی پڑتی ہے، اگرچہ نصاریٰ کے نزدیک خنزیر کا استعمال جائز ہے، اور انہیں اس سے کوئی پرہیز واجتناب نہیں ہے، لیکن پھر بھی یہ ضروری نہیں کہ صابون میں اس کی چربی ضرور ڈالی جاتی ہو، ظاہر ہے کہ یورپین کارخانے تجارت کی غرض سے صابون بناتے ہیں، اورایسے ذرائع مہیا کرتے ہیں جن سے ان کی مصنوعہ اشیاء کی تجارت میں ترقی ہو۔}

          ^{آپ نے اکثر یورپین چیزوں کے اشتہاروں میں یہ الفاظ ملاحظہ فرمائے ہوں گے کہ "اس چیز میں بنانے کے وقت ہاتھ نہیں لگایا گیا ہے، اس چیز میں کسی مذہب کے خلاف کوئی چیز نہیں ڈالی گئی ہے، اس چیز کو ہر مذہب کے لوگ استعمال کرسکتے ہیں" وغیرہ وغیرہ۔}

          ^{ان باتوں سے ان کا مقصود کیاہوتا ہے؟ صرف یہی کہ اہل عالم کی رغبتیں اس چیز کی طرف مائل ہوں اوران کے مذہبی جذبات اور قومی خیالات ان اشیاء کے استعمال میں مزاحم نہ ہوں، اور ان کی تجارت ہرقوم میں عام ہوجائے، اور یہی ہر تجارت کرنے والے کے لئے پہلا مہتم بالشان اصول ہے کہ وہ اپنی تجارت کو پھیلانے کے لئے ان لوگوں کے مذہبی جذبات اور قومی خیالات کا لحاظ کرے، جن میں اس کی تجارت فروغ پذیر ہوسکتی ہے، اوراس کے مال کی کھپت ہے، اہل یوروپ جو ہندوستان اوراکثر اطراف عالم میں اپنا مال پھیلانا چاہتے ہیں، اس بات سے بخوبی واقف ہیں کہ مسلمان ہر حصہ عالم میں بکثرت موجود ہیں، اور یہ کہ مسلمان خنزیر اور اس کے اجزاء کے استعمال کو حرام مطلق سمجھتے ہیں، پس موافق اصول تجارت ان کا اولین فرض یہ ہے کہ اشیاء تجارتی میں جن کی اشاعت و ترویج ان کا مطمح نظر ہے، ایسی چیزیں نہ ڈالیں جن کی خبر ہوجانے پر مسلمان ان چیزوں کے استعمال کو حرام سمجھیں اور ان کی تجارت کو ایک بڑا صدمہ پہنچے۔}

          ^{میرا یہ مطلب نہیں کہ یورپین اشیاء میں ایسی چیزوں کا استعمال جو مسلمانوں کے نزدیک حرام ہیں غیرممکن ہے، بلکہ غرض صرف یہ ہے کہ یقینی طور پر معلوم نہ ہونے کی صورت میں گمان غالب یہ ہے کہ اصول تجارت کے موافق وہ ایسی چیزیں نہ ڈالتے ہوں گے، پس صرف اس بنا پر کہ یہ چیزیں یوروپ سے آتی ہیں اور اہل یوروپ کے نزدیک خنزیر حلال ہے، یہ خیال قائم کرلینا کہ ان میں ضروری طورپر خنزیر کی چربی پڑتی ہوگی یا پڑنے کا غالب گمان ہے صحیح نہیں، ہندو جن کے ہاتھ میں ہندوستان کی اکثر تجارت کی باگ ہے، بہت سی ناپاک چیزوں کو پاک اور پوتر سمجھتے ہیں، گائے کا گوبر اور پیشاب ان کے نزدیک نہ صرف پاک بلکہ متبرک بھی ہے، باوجود اس کے ان کے ہاتھ کی بنی مٹھائیاں اور بہت سی خوردنی چیزیں عام طورپر مسلمان استعمال کرتے ہیں اوراستعمال کرنا شرعا جائز بھی ہے، یہ کیوں! صرف اس لئے کہ چونکہ ہندو دکاندار جانتے ہیں کہ ہمارے خریدار ہندومسلمان اور دیگر اقوام کے لوگ ہیں، اور ہندوؤں کے علاوہ دوسرے لوگ گائے کے گوبر اور پیشاب کو ناپاک سمجھتے ہیں، اس لئے وہ تجارتی اشیاء کو ایسی چیزوں سے علیحدہ اور صاف رکھتے ہیں، تاکہ خریداروں کو ان سے خریدنے میں تامل نہ ہو، اور خریداروں کے مذہبی جذبات ان کی تجارتی اغراض کی مزاحمت نہ کریں۔}

          ^{یہ ایک قاعدہ کلیہ ہے،جس پر بہت سے جزئیات کا حکم متفرع ہوتاہے، اور نہ صرف صابون بلکہ یوروپ کی تمام مصنوعات کی طہارت و نجاست اسی قاعدہ کے نیچے داخل ہے، ولایتی کپڑے اور بالخصوص رنگین کپڑے جو مسلمان عموماً استعمال کرتے ہیں، کسے خبر ہے کہ ان رنگوں میں کیا کیا چیزیں ملائی جاتی ہیں، اور کن پاک یا ناپاک اشیاء کی آمیزش ہوتی ہے، لیکن قاعدئہ مذکورہ کی بنا پر ان چیزوں کا حکم بھی یہی ہے کہ جب تک یقینی طورپر یا بہ گمان غالب یہ ثابت نہ ہو کہ کوئی ناپاک چیز ملائی جاتی ہے، ناپاکی کا حکم نہیں دیا جاسکتا۔}

          ^{اولاً: طہارت ونجاست کے باب میں کتب فقہیہ میں بہت سی ایسی نظیریں موجود ہیں، جن میں محض گمان اور شک کاکوئی اعتبار نہیں کیاگیا، ماہرین کتبِ فقہ پر یہ امر واضح ہے۔}

          ^{ثانیاً : اگر اس امر کا ثبوت اورکوئی دلیل بھی موجود ہو کہ صابون میں خنزیر کی چربی پڑتی ہے، تاہم صابون کا استعمال جائز ہے، کیونکہ صابون میں جو ناپاک تیل یا چربی پڑتی ہے، وہ صابون بن جانے کے بعد پاک ہوجاتی ہے۔}

          ^{اس کے بعد فقہ کی کتابوں سے بہت سی روایات کی تخریج کے بعد (جن میں سے کچھ روایات پہلے گذرچکی ہیں) فرماتے ہیں:}

          ^{ان روایات منقولہ سے امور ذیل بصراحت ثابت ہوگئے۔}

          ^{(۱) انقلاب حقیقت سے طہارت و نجاست کا حکم بدل جاتا ہے۔}

          ^{(۲) یہ حکم طہارت بانقلاب حقیقت امام محمد کا قول ہے، اوراسی پر فتویٰ ہے، اوراکثر مشائخ نے اسی کو اختیار کیا ہے۔}

          ^{(۳) صابون میں روغن نجس یا چربی کی حقیقت بدل جاتی ہے، اورانقلاب عین حاصل ہوجاتا ہے (درمختار اور مجتبیٰ کی عبارتیں دیکھو)۔}

          ^{پس اب سوال کاجواب واضح ہوگیا کہ صابون خواہ کسی چیز کی چربی یا روغن نجس سے بنایا جائے صابون بن جانے کے بعد وہ پاک ہوجاتا ہے، اور اس کااستعمال جائز ہے، کیونکہ انقلاب حقیقت کی وجہ سے وہ چربی چربی اور روغن روغن نہ رہا، بلکہ صابون ہوکر پاک ہوگیا، جیسے مشک ہے کہ اصل میں خون ناپاک ہوتا ہے، لیکن مشک بن جانے کے بعد وہ پاک اور جائز الاستعمال ہوجاتا ہے، پس ولایتی صابون کے استعمال کے لئے اس تحقیقات کی کچھ ضرورت نہیں کہ اس کے اجزاء کیا ہیں؟ وہ پاک ہیں یا ناپاک؟ کیونکہ حقیقت صابونیہ اس کی طہارت کی کفیل ہے، جیسے کہ حقیقت مسکیہ اس کی طہارت کی ضامن ہے۔}

          ^{اگر کسی کو یہ شبہ ہو کہ روایات مذکورہ سابقہ سے روغن نجس کے صابون کا پاک ہونا ثابت ہوتا ہے، لیکن ممکن ہے کہ یہ حکم روغن کے ساتھ خاص ہو کیونکہ اصل اس کی پاک ہے، ناپاکی باہر سے اسے عارض ہوئی ہے، پس اس سے خنزیر کی چربی کے صابون کا حکم نکالنا صحیح نہیں ہے، کیونکہ خنزیر اوراس کے اجزاء نجس العین ہیں، تو اس شبہ کا جواب یہ ہے کہ انقلاب عین سے پاک ہوجانا نجس العین اور غیر نجس العین دونوں میں یکساں طور پر جاری ہوتے ہیں، خون بھی نجس العین ہے، مشک بن جانے سے پاک ہوجاتا ہے، خود خنزیر کا انقلاب حقیقت کے بعد پاک ہوجانا بھی روایات ذیل سے ثابت ہے: ولا ملح کان حمارا أو خنزیرا ولا قذر وقع في بئر فصار حمأة لانقلاب العین بہ یفتی (درمختار) یعنی وہ نمک ناپاک نہیں جو دراصل گدھا یا خنزیر تھا۔ اور وہ پلیدی بھی جو کنویں میں گرکر کیچڑ بن جائے ناپاک نہیں، کیونکہ انقلاب حقیقت ہوگیا اسی پر فتویٰ ہے۔}

          ^{قولہ لانقلاب العین علة للکل وہذا قول محمد وذکر معہ فی الذخیرة والمحیط أبا حنیفة (حلیة) (یعنی مصنف کا قول کہ انقلاب عین موجب طہارت ہے یہ گدھے اور خنزیر کے نمک اور پلیدی کے کیچڑ بن جانے کے بعد پاک ہوجانے کی دلیل ہے اور یہ امام محمد کا قول ہے، اور ذخیرہ اور محیط میں امام ابوحنیفہ کو بھی امام محمد کے ساتھ ذکر کیا ہے:}

          ^{قال فی الفتح: وکثیر من المشائخ اختاروہ وہو المختار لأن الشرع رتب وصف النجاسة علی تلک الحقیقة وتنتفی الحقیقة بانتفاء بعض اجزاء مفہومہا فکیف بالکل فان الملح غیر العظم واللحم فاذا صار ملحا ترتب حکم الملح ونظیرہ في الشرع: النطفة نجسة وتصیر علقة وہی نجسة وتصیر مضغة فتطہر والعصیر طاہر فیصیر خمرا فینجس ویصیرخلاً یطہر فعرفنا أن استحالة العین تستتبع زوال الوصف ․}

          ^{ان نصوص فقہیہ سے امور ذیل ثابت ہوتے ہیں:}

          ^{(۱) گدھا، خنزیر، کتا، انسان انقلاب حقیقت کے حکم میں سب برابر ہیں کچھ تفاوت نہیں۔}

          ^{(۲) یہ نمک کی کان میں گرکر مریں یا مرے ہوئے گریں، دونوں حالتوں میں یکساں حکم ہے، یعنی میتہ جو بہ نص قرآنی حرام اورنجس ہے وہ بھی اسی حکم میں شامل ہے۔}

          ^{(۳) انسان جس کے اجزاء سے بوجہ کرامت انتفاع حرام ہے اور خنزیر وہ میتہ جن سے بوجہ نجاست انتفاع حرام ہے، انقلاب حقیقت کے بعد ان پر انسان اور خنزیر و میتہ کا حکم باقی نہیں رہتا، بلکہ بعد انقلاب حقیقت پاک اورجائز الانتفاع ہوجاتے ہیں، جبکہ انقلاب حقیقت طاہرہ کی طرف ہو۔}

          ^{(۴) نمک کی کان میں گرنے اور صابون کے دیگ میں گرنے کاحکم یکساں ہے، کیونکہ یہ دونوں صورتیں موجب انقلاب حقیقت ہیں، جیسا کہ کبیری شرح منیة کی عبارت میں صراحتاً مذکور ہے، ان امور کے ثبوت کے بعد کوئی وجہ نہیں کہ خنزیر یا میتہ یاکتے کی چربی سے بنے ہوئے صابون کے جواز استعمال میں تردد کیا جائے، اور یہ شبہ کچھ وقعت نہیں رکھتا کہ خنزیر بہ نص قرآنی حرام اور نجس ہے، پس صابون بن جانے کے بعد اس کی طہارت کا حکم کرنا نص قرآنی کا معارضہ ہے، جواب اسکا یہ ہے کہ یہ معارضہ نہیں، نص قرآنی نے خنزیر یا میتہ کو نجس بتایا ہے، لیکن نمک یا صابون بن جانے کے بعد وہ خنزیر یا میتہ ہی کہاں رہے، دیکھو شراب بہ نص قرآنی حرام و نجس ہے،اور سرکہ بن جانے کے بعد بالاتفاق وہ پاک و حلال ہوجاتی ہے، پس جس طرح کہ شراب منصوص النجاسة پر سرکہ بن جانے کے بعد طہارت و حلت کا حکم کرنا نص قرآنی کا معارضہ نہیں، اسی طرح خنزیر کے صابون بن جانے کے بعد اس کی طہارت کا حکم نص قرآنی کا معارضہ نہیں، اصل یہ ہے کہ شریعت نے جس حقیقت پر نجاست کا حکم لگایا تھا وہ حقیقت ہی نہیں رہی اور بعد انقلاب جو حقیقت متحقق ہوئی وہ شریعت کے نزدیک پاک ہے، پس یہ حکم طہارت بھی حکم شرعی ہے نہ غیر۔}

          ^{تنبیہ اول: یہ بات ضروری طور پر یاد رکھنے کے قابل ہے کہ اگرچہ خنزیر و میتہ وغیرہ کی چربی سے بنے ہوئے صابون کا استعمال جائز ہے، لیکن کسی مسلمان کو یہ حلال نہیں ہے، کہ وہ خنزیر وغیرہ کی چربی سے صابون بنائے، کیونکہ قصدا ان چیزوں کو صابون بنانے کے لئے استعمال کرنا جائز نہیں اوریہ جدا بات ہے کہ غیرمسلموں کے بنانے اور صابون بن جانے کے بعد استعمال جائز ہوجائے․․․․․ واللّٰہ اعلم وعلمہ اتم ․}

^{کتبہ الراجی رحمة ربہ محمد کفایت اللہ غفرلہ مدرس المدرسة الامینیہ}

 ^{ہذا التحقیق صحیح، عزیز الرحمن عفے عنہ مفتی مدرسہ دیوبند}

 ^{الجواب صحیح ، محمد انور عفا اللہ عنہ، دارالعلوم دیوبند}

^{امام بخاری-رحمه الله- کا مذہب}

          ^{امام بخاری نے ما یقع من النجاسات باب باندھا ہے اور مختلف صورتوں سے بحث کرتے ہوئے اس صورت سے بھی بحث کی ہے، ایک ناپاک چیز جب اپنی ہیئت بدل کر پاک چیز بن جائے تو وہ پاک اورجائز ہوجاتی ہے اور مشک والی روایت سے استدلال کیا ہے کہ شہید کے خون کے بارے میں حدیث میں آیا ہے کہ قیامت میں شہید اس طرح آئے گا کہ اس کے بدن سے بظاہر خون بہتاہوگا، لیکن اس سے مشک کی خوشبو پھوٹتی ہوگی:}

          ^{وقال بعضہم مقصود البخاری أن یبین طہارة المسک ردا علی من یقول بنجاستہ لکونہ دما انعقد فلما تغیر عن الحالة المکروہة من الدم وہي الزہم وقبح الرائحة الی الحالة الممدوحة وہي طیب الرائحة المسک دخل علیہ الحل وانتقل من الحالة النجاسة الی حال الطہارة کالخمرة اذا تخللت (فتح الباری: ۱/۲۳۶)}

          ^{ترجمہ: امام بخاری کا مقصد ان لوگوں پر رد ہے جو مشک کو اس لئے ناجائز کہتے ہیں کہ وہ بندھا ہوا خون ہے، ان کاجواب مقصود ہے کہ یہ ناپاک جما ہوا خون تھا، لیکن ناپاک حالت اور بدبو سے نکل گیا اور پاک اور خوشبو والی حالت میں بدل گیا، تو اب یہ بلاشبہ پاک اورجائزہے، جیسے کہ جب شراب سرکہ بن جائے۔}

          ^{مذکورہ اشیاء میں ظاہر ہے کہ بسکٹ چاکلیٹ اور بیکری کی مصنوعات میں چربی کی صورت شکل مزہ کچھ نظر نہیں آتا، اس لئے یہ مسئلہ بالکل واضح ہے ان کے استعمال کو بلاتحقیق حرام قرار دینا اور اس پر زبردستی اوراصرار کرنا خواہ مخواہ کی زیادتی ہے اوراحکام شرعیہ کے ساتھ مخول اور ٹھٹھا ہے، البتہ شکوک و شبہات سے بچتے ہوئے احتیاط اور تقویٰ کو اپنانا اولیٰ اور بہتر رہے گا۔}

          ^{تیسری چیز جس کی طرف اخیر فتویٰ میں اشارہ کیاگیاکہ ان اشیاء کے استعمال کی اس قدر کثرت ہے کہ اس سے احتراز کرنا تقریباً ناممکن یا دشوار ضرور ہے،اس عموم البلوی میں داخل ہوگا یا (الحرج مدفوع المشقة تجلب التیسیر) کے ضمن میں داخل ہوگا۔}

^{ملاوٹ کی تیسری صورت}

          ^{تیسری صورت یہ کہ محض احتمال اور شبہ ہو ملاوٹ کاکوئی شرعی ثبوت نہ ہو، اس کا حکم دوسری صورت کے ضمن میں تفصیل سے گذرچکا ہے کہ ملاوٹ جب تک یقینی ثابت نہ ہوجائے محض گمان پر کوئی حکم شریعت نہیں لگاتی۔}

^{ملاوٹ کی چوتھی صورت}

          ^{چوتھی صورت یہ کہ کمپنیوں کی طرف سے مختلف چربیوں (حلال وحرام) ملانے کا احتمال ہو اس کی وضاحت نہ ہو کہ کس چیز میں کونسی چربی ملائی جارہی ہے۔}

          ^{مذکورہ بالا صورت بظاہر مخدوش اور مشتبہ ہے، اس لئے احتیاطاً یہاں بھی یہی کہاجائے گا کہ انفرادی طورپر آدمی حتی المقدور پرہیز اوراحتیاط کو اپنائے، یہی بہتر اورمناسب ہے لیکن شرعی قانون کی بات وہی ہے جو اوپر مذکور ہوچکی ہے کہ محض شبہات کی بنیاد پر ساری چیزوں پر بے تحقیق حکم لگاکر امت کو مشقت میں ڈالنا عقل کے بھی خلاف ہے اور شریعت تو ویسے بھی بے بنیاد حکم لگانے کی ہرگز اجازت نہیں دیتی، اوریہ مسئلہ بہت پرانے زمانہ سے چلا آرہا ہے۔}

^{فرنگی پنیر کے بارے میں ابن تیمیہ-رحمة الله عليه-  کی تحقیق}

          ^{علامہ ابن تیمیہ نے بھی اس پر بحث فرمائی ہے کہ افرنچ (یعنی فرنگی اوریورپی ممالک) سے آئے ہوئے پنیر کے بارے میں اسی وقت سے دو باتیں مشہور تھیں، ایک یہ کہ اس میں خنزیر کے دودھ کا استعمال یا غیر مذبوحہ جانور کے پیٹ سے جما ہوا دودھ جودہی کی شکل کا ہوتا ہے، اس سے پنیر (Cheese) بنایا جاتا ہے تو اس کے بارے میں علامہ نے یہ فرمایا کہ امت میں اس کا استعمال بلانکیر چلا آرہا ہے، حتی کہ صحابہ کے زمانہ میں مجوسیوں کا بنایا ہوا پنیر استعمال کیاجانا بھی عام ہوگیا تھا، جب کہ ان کے بارے میں یقینی معلوم تھا کہ وہ جانور ذبح نہیں کرتے اور باقی افرنگی اہل کتاب کا معاملہ مشکوک تھا کہ وہ کبھی ذبح کرتے ہیں کبھی ذبح نہیں کرتے اور پھر خنزیر کے پیٹ کا مادہ بھی اس میں استعمال کئے جانے کی خبر تھی،اس کے باوجود علماء اور فقہاء اور بزرگان دین نے اس کے جواز پر کبھی نکیر نہیں فرمائی۔}

          ^{الثانی أنہم لایذکون ما تضع منہ الأنفخة بل یضربون رأس البقر ولا یذکونہ وأما الوجہ الثانی فقد علم أنہ لیس کل یعقرونہ من الأنعام یترکون ذکوٰتہ بل قد قیل انہم انما یفعلون ہذا بالبقر وقیل انہم یفعلون ذلک حتی یسقط ثم یذکونہ ومثل ہذا لایوجب تحریم ذبائحہم بل اذا اختلط الحلال بالحرام فی عدد لا ینحصر کاختلاط أختہ بأہل البلد واختلاط المیتة والمغضوب بأہل بلدة لم یوجب ذلک تحریم ما فی البلد کما اذا اختلط الاخت بالأجنبیة والمذکی بالمیتة فہذا القدر المذکور لا یوجب تحریم ذبائحہم المجہولة الحال وبتقدیر أن یکون الجبن مصنوعا من أنفخة میتة فہذہ المسئلة فیہا قولان أحدہما أن ذلک مباح طاہر کما ہو قول أبی حنیفة و أحمد احدی الروایتین، والثانی أنہ حرام نجس کقول مالک والشافعی الخ والمطہرون احتجوا بأن الصحابة أکلواجبن المجوس مع کون ذبائحہم میتة ․ (فتاویٰ ابن تیمیہ ۱۲/۵۳۳)}

          ^{ترجمہ: دوسری صورت یہ ہے کہ افرنگی انفخہ بچھڑے کے پیٹ سے نکالے جانے والے رینٹ اور پنیر کے بارے میں یہ اشکال ہوتا ہے کہ وہ لوگ جانورکو ذبح نہیں کرتے، بلکہ اس کا سرزمین سے یا دیوار سے زور سے مارتے ہیں، جس کی وجہ سے وہ مردار ہوجاتا ہے، اس کا جواب یہ ہے کہ وہ تمام جانوروں کو اس طرح نہیں مارڈالتے، بلکہ صرف گائے کے ساتھ کرتے ہیں، باقی جانور (بکری وغیرہ) ذبح کرتے ہیں اور یوں بھی کہاجاتا ہے کہ سرٹکرانا صرف گرانے کیلئے ہوتا ہے، پھرجب وہ سست ہوتا ہے تو پھر ذبح کرتے ہیں،اس طرح کے مخلوط اور مشتبہ چیزوں کو حرام نہیں کہا جائے گا، بلکہ جب حلال و حرام مخلوط ہوجائے اور امتیاز مشکل ہوجائے تو یہ بالکل اسی طرح ہے، جیسے کسی شہر میں مردار اور چوری اور غصب کے کچھ جانور عام جانوروں میں رل مل جائیں تو ظاہر ہے کہ ان چند غلط جانوروں کے مل جانے کی وجہ سے پورے جانوروں کو حرام نہیں کہا جائے گا، پھر اگریہ تسلیم کرلیا جائے کہ یہ پنیر مردار جانوروں سے بنا ہے، تب بھی اس مسئلہ میں دو قول ہیں، ایک امام ابوحنیفہ اورامام احمد کی ایک روایت کہ یہ جائز اور پاک ہے، دوسرا قول امام شافعی ومالک کا کہ ناپاک اور ناجائز ہے، جائز قرار دینے والے اس روایت سے استدلال کرتے ہیں کہ صحابہ مجوس کے بنے ہوئے پنیر کو استعمال کرتے تھے، جبکہ وہ ذبح کرنے کے عادی نہیں تھے۔}

^{ولایتی پنیر کے بارے میں مفتی نظام الدین صاحب-رحمة الله عليه- کا فتویٰ}

          ^{افریقہ سے آئے ہوئے اسی قسم کی صورت حال کے بارے میں استفسار کے جواب میں حضرت فرماتے ہیں:}

          ^{(سوال) جس طرح ملک میں اکثر کھانے پینے کی چیزیں غیرمسلم عیسائیوں یہودیوں کی فیکٹریوں میں بنتی ہے اور مسلمان ان کو خریدکر کھاتے ہیں، اسی طرح پنیر اپنے تمام اقسام کے ساتھ انہیں غیرمسلموں کے فیکٹریوں میں بنتا ہے اور مسلمان انہیں خریدکر کھاتے ہیں، الی أن․․․․․}

          ^{اب سوال یہ ہے کہ غیرمسلم کے ذبیحہ سے کشیدہ انفخہ سے بنایا ہوا پنیر مسلمان کے لئے حلال ہے یا نہیں؟}

          ^{(جواب) البیضة اذا وقعت من الدجاجة فی الماء والمرقة لا تفسدہ وکذا سبخلة وکذا الأنفخة وہی ماتکون فی معدة الرضیع من أجزاء اللبن طاہرة عند أبی حنیفة لاتفسد الماء ولاغیرہ واذا خرجت من شاة میتة سواء کانت جامدة أو مائعة وعندہما المائعة نجسة والجامدة متنجسة طہر بالغسل فیفسدان فی الماء وغیرہ الا اذ اغتسلت الجامدة أما لو خرجت من مذکاة فلا خلاف فی طہارتہا․ الخ}

          ^{اس عبارت سے معلوم ہوا ہے کہ انفخہ جو گائے کے بچہ کے شکم سے یا بکری وغیرہ کسی بھی ایسے جانور سے جس کا گوشت حلال ہے وہ انفخہ اس جانور کے شکم سے شرعی طریقہ سے ذبح کرکے نکالا جائے تو وہ بالاتفاق حلال و پاک ہوتا ہے اس کا کھانا اور استعمال کرنا درست ہوتا ہے اورجو انفخہ ماکول اللحم ہی سے نکالا جائے، مگر بغیر شرعی ذبیحہ کے (مردار) جانور سے نکال دیا جائے تو صاحبین کے نزدیک حلال ہوتا ہے، امام صاحب کے نزدیک ہرحال میں اس کا استعمال درست ہوتا ہے۔}

          ^{آگے فرماتے ہیں:}

          ^{(سوال) یہ کہ محکمہ زراعت و اقتصادیات کے ذمہ دار شخص نے بتلایا کہ پنیر بناتے وقت دودھ کو منجمد کرنے کے لئے خنزیر کے پیٹ سے کوئی سیال مادہ بھی استعمال ہوتا ہے، مگر یہ نہیں بتایا کہ اس ملک میں بھی استعمال ہوتا ہے یا نہیں؟ اور بعض ذمہ دار شخص نے بتایا کہ اب حیوانی رینٹ کے بجائے نباتاتی رینٹ استعمال ہوتاہے، تو کیا ایسی صورت حال میں پنیر کو مشکوک ٹھہراکر حرام سمجھا جائے یا دوسرے ذمہ دار کے انکار کی بنا پر اسے حلال ٹھہرایا جائے؟}

          ^{(جواب) خنزیر مثل غلاظت کے ناپاک یعنی نجس العین اورحرام ہے، ذبح کے بعد بھی یہ پاک نہیں ہوتا، اس کے پیٹ سے کشید کیا ہوا کوئی مادہ سیال ہو یا منجمد پاک و حلال نہ ہوگا، ناپاک و حرام ہی رہے گا اوراس کا استعمال جس کھانے وغیرہ میں ہوجائے گا، وہ بھی ناپاک و حرام ہوجائے گا اوراس کا کھانا اوراس کا استعمال کرنا بھی درست اورجائز نہ رہے گا، البتہ جب تک حرام و ناپاک کی آمیزش کا ثبوت یقینی نہ ہوجائے اس وقت تک قطعی حرمت کا حکم نہیں دیا جائے گا لیکن احتیاط اولیٰ اور بہتر رہے گی مکروہ یا حرام نہ کہہ سکیں گے۔}

          ^{اس طرح کے مخلوط حرام اور حلال دونوں قسم کے دودھ سے بنایا ہوا مشکوک اورمشتبہ پنیر کا استعمال جائز ہے یا نہیں اس کے بارے میں آگے فرماتے ہیں۔ (حرمت کیلئے قطعی ثبوت ضروری ہے محض اندازہ سے حکم لگانے سے تمام علماء نے پرہیز کیا ہے)}

          ^{غرض جب پنیر بنانے میں دونوں قسم کے (حرام و ناپاک اورحلال) رینٹ استعمال کرتے ہیں اور دراصل اشیاء میں حلت اوراباحت ہی ہے تو جب تک کسی پنیر کے بارے میں دلیل سے متحقق نہ ہوجائے کہ اس میں حرام و ناپاک رینٹ استعمال ہوا ہے، اس وقت تک اس پر حرام و ناپاک ہونے کا حکم نہیں لگائیں گے۔ ہاں جب دلیل سے یقین ہوجائے اور ثبوت مل جائے کہ اس میں کوئی حرام یا ناپاک چیز ملی ہے جیسے یہ کہ پیکٹ وڈبہ پر ہی لکھا ہو یہ پنیر کسی حرام یا ناپاک چیز سے تیار شدہ ہے تواس کو ہرگز استعمال نہ کیا جائے یا مثلاً معتبر شہادت مل جائے کہ اس میں حرام وناپاک چیز ملی ہوئی ہے۔}

          ^{نیز اس سلسلہ میں تجارتی اصول کے ماتحت ذمہ دار اشخاص کے بیان پر اعتماد کیا جائے گا، کیونکہ دنیوی اصول کے مطابق بھی تجارت کو سچائی اور دیانت ہی سے فروغ ہوتا ہے اس لئے بغیر وجہ شرعی کے کسی کو جھوٹا و دغاباز سمجھنا یا کہنا صحیح نہیں ہوگا ( منتخبات نظام الفتاویٰ: ۱/۴۲)}

          ^{پنیر کا مسئلہ اگرچہ کہ گوشت اور چربی کے مسئلہ سے جدا ہے، لیکن حلال وحرام کی آمیزش کی وجہ سے صورت حال چونکہ مشترک ہے، اس لئے مشتبہ ہونے کی صورت میں کس بات کااعتبار کیا جائے اورکونسی بات غیر معتبر ہوگی، اس کے اصول کو اس میں واضح کردیاگیا ہے۔}

          ^{خلاصہ یہ کہ ناپاک چربی کی آمیزش والی چیزیں اگر اپنی حقیقت بدل دیں اور کسی پاک چیز کی شکل اپنالیں تو یہ دوسری صورت میں شامل ہوگا، جس کی تفصیل گذرچکی ہے اور ظاہر ہے کہ وہ بسکٹ کیک اور پیسٹ کی شکل میں بدل چکی ہے اور ناپاک چربی کی حقیقت بالکل ختم ہوچکی ہے، تو اب نہ اس کا رنگ روپ باقی ہے، نہ ہی ذائقہ اور شائبہ تو اس کے کھانے میں کوئی قباحت نہیں ہے، لیکن حقیقت یہ ہے کہ یہ اس پنیر والی صورت سے ملتی جلتی شکل ہے کہ جن چیزوں کا استعمال کیاجارہا ہے، ان میں ناپاک چیزوں کی ملاوٹ کا ثابت ہونا شرعی دلائل سے ثابت ہی نہیں ہے، جب کہ کمپنیوں سے ہر طرح کی سینکڑوں قسم کی چیزیں (پاک اور ناپاک ملاوٹ والی) تیار ہوکر نکلتی رہتی ہیں تو کسی کے بارے میں جب تک کمپنی کی طرف سے یا عینی شاہدین کی طرف سے متعین طور پر نہ کہہ دیا جائے کہ اس میں ملاوٹ ہے، اس وقت تک ملاوٹ کا دعویٰ محض بلادلیل ہونے کی وجہ سے غیر معتبر ہے اور متعین طور پر ثابت ہونے کی صورت میں تبدیلی ماہیت کے ہونے کی وجہ سے جائز ہے، (بہت سے لوگ خود پنیر کا استعمال کرتے ہیں، اس مسئلہ میں ان کے لئے بھی مستقل رہنمائی ہے)}

          ^{خلاصہ کلام یہ ہے حضرات علماء کرام مفتیان عظام کے سامنے کئی اصول و ضوابط ہیں، ان سب کا لحاظ کرنا ان کیلئے ضروری ہوتا ہے، ورنہ ایک ضابطہ کو لے کر باقی اصول سے صرف نظر کرنے کی صورت میں امت کیلئے دشواریاں اور مشکلات کھڑی ہوجانے کا خدشہ ہے تو دوسری طرف شریعت کے بہت سے مصالح اور فوائد سے محرومی کا خطرہ ہے، اس لئے مسئلہ کے سارے پہلوؤں کو مدنظر رکھتے ہوئے انتہائی تفکر و تدبر کے ساتھ ساری صورتوں کو انھوں نے واضح کردیا ہے۔}

          ^{یہ بات ملحوظ رہے کہ ملاوٹ ثابت ہوجائے، تب بھی اصول وضوابط کی رو سے مسئلہ شرعیہ وہی ہے جو مذکور ہوا، اس لئے کہ فتویٰ میں سہولت و آسانی اور یسر مطلوب ہوتاہے، لوگوں کو مشقت تنگی و دشواری اورحرج میں ڈالنا ہرگز پسندیدہ نہیں ہوسکتا۔ ﴿یُرِیْدُ اللّٰہُ بِکُمُ الْیُسْرَ وَلاَ یُرِیْدُ بِکُمُ الْعُسْرَ وَمَا جَعَلَ عَلَیْکُمْ فِي الدِّیْنِ مِنْ حَرَج﴾ (یسروا ولاتعسروا) لیکن عموما یہ دیکھنے میں آتا ہے کہ ناعاقبت اندیشی اور جلد بازی کا شکارہوکر یا جذبات سے مغلوبیت کے نتیجہ میں لوگ بائیکاٹ کی اور حرام ہونے کی باتیں کرتے رہتے ہیں، لیکن عملی میدان میں جب بازار کی صورت حالی یہ سامنے آتی ہے کہ مارکیٹ پر انہیں یہودی، عیسائیوں کاقبضہ ہے اور یہی مخدوش و مشتبہ کمپنیاں ہرطرف چھائی ہوئی ہیں، ان کی مصنوعات سے ان شبہات والی مشتبہ چیزوں سے بچنا اپنے قبضہ سے باہر معلوم ہوتا ہے تو بے بسی کا شکار ہوجاتے ہیں، انجام کار شرعی مسئلہ ایک تماشہ اور اضحوکہ یا عجوبہ بن جاتا ہے، اس کا علاج اور تیربہدف نسخہ یہی ہے، جس کو قرآن وحدیث نے بتایا ہے کہ مسلمان خصوصاً یہود و نصاریٰ سے دوستی، ان پر بھروسہ، ان سے لین دین اور معاملات سے حتی الامکان بالکلیہ پرہیز کریں اوراپنے طور پر یا حکومتوں کے تعاون سے میدان عمل میںآ گے بڑھ کر ذرائع اور وسائل کو اپنے ہاتھ میں لیں، مارکیٹ پر اپنا قبضہ کریں اور جہاں تک ہوسکے خودکفیل ہونے کی کوشش کریں اورحکومتوں کو بھی بیدار کریں، بیداری کی تحریک چلائیں، عوام اور حکومتوں کو تفصیل سے بتائیں کہ ان ملٹی نیشنل کمپنیوں کا مارکیٹ پر قبضہ ملک و قوم کے لئے اور ملک کی اقتصادی حالت کیلئے انتہائی تباہ کن اور غربت اور بے روزگاری کو بڑھاوادینے والا ہے،تو دوسری طرف نت نئی بیماریوں کا جنم دینے والا ہے۔}

          ^{خلاصہ کلام یہ ہے کہ مسلمانوں کو ملّی، دینی غیرت و حمیت کا اور ملکی و قومی مصالح کا مقتضا یہی ہے کہ ملک و قوم اورملت ان دشمنوں کے چنگل سے چھٹکارا حاصل کرے اوراپنی مصنوعات کو فروغ دے اور بیرونی مصنوعات یعنی یہود و نصاریٰ جو شروع سے سازشی طور پر دنیا کے مارکیٹ پر قبضہ کئے ہوئے اور ساری دنیا سے دولت سمیٹ کر ان کے کھاتوں میں منجمد ہورہی ہے، تو عوام کی اسی دولت سے وہ دنیا میں بدامنی انتشار اور خوں ریزی پھیلارہے ہیں۔}

          ^{ان سب کا علاج یہی ہے کہ ان کے مقابلہ میں اپنی مصنوعات کو ہرطرف پھیلایا جائے تاکہ ماحول میں شفافیت برقرار رہے اور معاشرے کو سکون ملے۔ وما علینا الا البلاغ۔}

          ^{اللہم ارنا الاشیاء کما ہی اللہم فقہنا فی الدین وآخر دعوانا ان الحمد للّٰہ رب العالمین .}

 

اقسام مطہرات اور ان کے احکام

مطھرات کسے کھتے ھیں ؟

وہ چیزیں جو نجاست کو پاک کرتی ھیں انھیں مُطھرات کھا جاتا ھے اور وہ بارہ ھیں ۔

(۱) پانی (۲) زمین (۳) سورج (۴) استحالہ (۵) انقلاب (۶) انتقال (۷) اسلام (۸) تبعیت(۹) عین نجاست کا زائل ھو جانا (۱۰) نجاست کھانے والے حیوان کا استبراء (۱۱) مسلمان کا غائب ھو جانا (۱۲) ذبح کئے گئے جانور کے بدن سے خون کا نکل جانا ۔

۱۔ پانی    

پانی چار شرطوں کے ساتہ نجس چیز کو پاک کرتا ھے :

پانی مطلق ھو ۔ مضاف پانی مثلاً عرق گلاب وغیرہ سے نجس چیز پاک نھیں ھوتی ۔

پاک پانی ھو ۔

نجس چیز کو دھونے کے دوران پانی مضاف نہ بن جائے ۔ جب کسی چیز کو پاک کرنے کے لئے پانی سے دھویا جائے اور اس کے بعد مزید دھونا ضروری نہ ھو تو یہ لازم ھے کہ اس پانی میں نجاست کی بُو ، رنگ یا ذائقہ موجود نہ ھو لیکن اگر دھونے کی صورت اس سے مختلف ھو (یعنی وہ آخری دھونا نہ ھو ) اور پانی کی بُو ، رنگ یا ذائقہ بدل جائے تو اس میں کوئی حرج نھیں ۔ مثلاً اگر کوئی چیز کر پانی یا قلیل پانی سے دھوئی جائے اور اسے دو مرتبہ دھونا ضروری ھو تو خواہ پانی کی بُو ، رنگ یا ذائقہ پھلی دفعہ دھونے کے وقت بدل جائے لیکن دوسری دفعہ استعمال کئے جانے والے پانی میں ایسی کوئی تبدیلی رو نما نہ ھو تو وہ چیز پاک ھو جائے گی ۔

 

نجس چیز کو پانی سے دھونے کے بعد اس میں عین نجاست کے ذرّات باقی نہ رھیں ۔ نجس چیز کو قلیل پانی یعنی ایک کُر سے کم پانی سے پاک کرنے کی کچھ اور شرائط بھی ھیں جن کا ذکر کیا جا رھا ھے ۔

نجس اشیاء کو کس طرح پاک کیا جائے؟

نجس برتن کو قلیل پانی سے دو طریقے سے دھویا جا سکتا ھے :

1۔ برتن کو تین دفعہ بھرا جائے اور ھر دفعہ خالی کر دیا جائے ۔

2۔ برتن میں تین دفعہ مناسب مقدار میں پانی ڈالیں اور ھر دفعہ پانی کو یوں گھمائیں کہ وہ تمام نجس مقامات تک پھنچ جائے اور پھر اسے گرا دیں ۔

دیگر نجس اشیاء کو پاک کرنے کا طریقہ:

٭ اگر کسی نجس چیز کو کُر یا جاری پانی میں ایک دفعہ یوں ڈبو دیا جائے کہ پانی اس کے تمام نجس مقامات تک پھنچ جائے تو وہ چیز پاک ھو جائے گی اور قالین یا دری اور لباس وغیرہ کو پاک کرنے کے لئے اسے نچوڑنا اور اسی طرح سے ملنا یا پاؤں سے رگڑنا ضروری نھیں ھے ۔ اور اگر بدن یا لباس پیشاب سے نجس ھو گیا ھو تو اسے کُر پانی میں دو دفعہ دھونا بھی لازم ھے ۔

٭      اگر کسی ایسی چیز کو جو پیشاب سے نجس ھو گئی ھو قلیل پانی سے دھونا مقصود ھو تو اس پر ایک دفعہ یوں پانی بھا دیں کہ پیشاب اس چیز میں باقی نہ رھے تو وہ چیز پاک ھو جائے گی ۔ البتہ لباس اور بدن پر دو دفعہ پانی بھانا ضروری ھے تاکہ پاک ھو جائیں ۔ لیکن جھاں تک لباس ، قالین ، دری اور ان سے ملتی جلتی چیزوں کا تعلق ھے انھیں ھر دفعہ پانی ڈالنے کے بعد نچوڑنا چاھئے تاکہ غُسَالہ ان میں نکل جائے ۔ ( غُسَالہ یا دھوون اس پانی کو کھتے ھیں جو کسی دھوئی جانے والی چیز سے دُھلنے کے دوران یا دھل جانے کے بعد خود بخود یا نچوڑنے سے نکلتا ھے ۔

٭ اگر کوئی چیز پیشاب کے علاوہ کسی نجاست سے نجس ھو جائے تو نجاست دور کرنے کے بعد ایک دفعہ قلیل پانی اس پر ڈالا جائے ۔ جب وہ پانی بھہ جائے تو وہ چیز پا ک ھو جاتی ھے البتہ لباس اور اس سے ملتی جلتی چیزوں کو نچوڑ لینا چاھئے تاکہ ان کا دھوون نکل جائے ۔

٭     اگر گندم ، چاول ، صابن وغیرہ کا اوپر والاحصہ نجس ھو جائے تو وہ کُر یا جاری پانی میں ڈبونے سے پاک ھو جائے گا لیکن اگر ان کا اندرونی حصہ نجس ھو جائے تو کُر یا جاری پانی ان چیزوں کے اندر تک پھنچ جائے اور پانی مطلق ھی رھے تو یہ چیزیں پاک ھو جائیں گی لیکن ظاھر یہ ھے کہ صابن اور اس سے ملتی جلتی چیزوں کے اندر آب مطلق بالکل نھیں پھنچتا ۔

٭ جب تک عین نجاست کسی نجس چیز سے الگ نہ ھو وہ پاک نھیں ھو گی لیکن اگر بُو یا نجاست کا رنگ اس میں باقی رہ جائے تو کوئی حرج نھیں ۔ لھذا اگر خون لباس پر سے ھٹا دیا جائے اور لباس دھو لیا جائے اور خون کا رنگ لباس پر باقی بھی رہ جائے تو لباس پاک ھو گا لیکن اگر بُو یا رنگ کی وجہ سے یہ یقین یا احتمال پیدا ھو کہ نجاست کے ذرّے اس میں باقی رہ گئے ھیں تو وہ نجس ھو گی ۔

٭    اگر برتن یا بدن نجس ھو جائے اور بعد میں اتنا چکنا ھو جائے کہ پانی اس تک نہ پھنچ سکے اور برتن یا بدن کو پاک کرنا مقصود ھو تو پھلے چکنائی دور کرنی چاھئے تاکہ پانی ان تک (یعنی برتن یا بدن تک ) پھنچ سکے ۔

٭   جو نل کُر پانی سے متصل ھو وہ کُر پانی کا حکم رکھتا ھے ۔

٭    اگر کسی چیز کو دھویا جائے اور یقین ھو جائے کہ پا ک ھو گئی ھے لیکن بعد میں شک گزرے کہ عین نجاست اس سے دور ھوئی ھے یا نھیں تو ضروری ھے کہ اسے دوبارہ پانی سے دھولیا جائے اور یقین کر لیا جائے کہ عین نجاست دور ھو گئی ھے ۔

8   اگر وہ زمین جس کا فرش پتھر یا اینٹوں کا ھو یا دوسری سخت زمین جس میں پانی جذب نہ ھوتا ھو نجس ھو جائے تو قلیل پانی سے پا ک ھو سکتی ھے لیکن ضروری ھے کہ اس پر اتنا پانی گرایا جائے کہ بھنے لگے ۔ جو پانی ڈالا جائے اگر وہ کسی گڑھے سے باھر نہ نکل سکے اور کسی جگہ جمع ھو جائے تو اس جگہ کو پاک کرنے کا طریقہ یہ ھے کہ جمع شدہ پانی کو کپڑے یا برتن سے باھر نکال دیا جائے ۔

٭     اگرمعدنی نمک کا ڈَلایا اس جیسی کوئی اور چیز اوپر سے نجس ھو جائے تو قلیل پانی سے پاک ھو سکتی ھے ۔

۲۔ زمین

زمین پاؤں کے تلوے اور جوتے کے نچلے حصہ کو چار شرطوں سے پاک کرتی ھے ۔

1۔ زمین پاک ھو ۔

2۔ خشک ھو  (احتیاط کی بنا ء پر)۔

3۔ احتیاط لازم کی بناء پر نجاست زمین پر چلنے سے لگی ھو ۔

4۔ عین نجاست مثلا خون اور پیشاب یا متنجس چیز مثلاً مٹی پاؤں کے تلوے یا جوتے کے نچلے حصے میں لگی ھو وہ راستہ چلنے سے یا پیر زمین پر رگڑنے سے دور ھو جائے لیکن اگر عین نجاست زمین پر چلنے یا زمین پر رگڑنے سے پھلے ھی دور ھو گئی ھو تو احتیاط لازم کی بنا ء پر پاک نھیں ھوں گے ۔ البتہ یہ ضروری ھے کہ زمین مٹی یا پتھر یا اینٹوں کے فرش یا ان سے ملتی جلتی چیز پر مشتمل ھو ۔ پاؤں یا جوتے کے نجس تلوے کا تر ھونا ضروری نھیں بلکہ خشک بھی ھوں تو زمین پر چلنے سے پاک ھو جاتے ھیں ۔

۳۔ سو رج

سورج ۔ زمین ، عمارت اور دیوار کو پانچ شرطوں کے ساتہ پاک کرتا ھے :

1۔ نجس چیز اس طرح تر ھو کہ اگر دوسری چیز اس سے لگے تو تر ھو جائے لھذا اگر وہ چیز خشک ھو تو اسے کسی طرح تَر کر لینا چاھئے تاکہ دھوپ سے خشک ھو ۔

2۔ اگر کسی چیز میں عین نجاست ھو تو دھوپ سے خشک کرنے سے پھلے اس چیز سے نجاست کو دور کر لیا جائے ۔

3۔ کوئی چیز دھوپ میں رکاوٹ نہ ڈالے ۔ پس اگر دھوپ پر دے ، بادل یا ایسی ھی کسی چیز کے پیچھے سے نجس چیز پر پڑے اور اسے خشک کر دے تو وہ چیز پاک نھیں ھو گی البتہ اگر بادل اتنا ھلکا ھو کہ دھوپ کو نہ روکے تو کوئی حرج نھیں ۔

4۔ فقط سورج نجس چیز کو خشک کرے ۔ لھذا مثال کے طور پر اگر نجس چیز ھوا اور دھوپ سے خشک ھو تو پاک نھیں ھوتی ۔ ھاں اگر ھوا اتنی ھلکی ھو کہ یہ نہ کھا جا سکے کہ نجس چیز کو خشک کرنے میں اس نے بھی کوئی  مدد کی ھے تو پھر کوئی حرج نھیں ۔

5۔ بنیاد اور عمارت کے جس حصے میں نجاست سرایت کر گئی ھے دھوپ سے ایک ھی مرتبہ خشک ھو جائے ۔ پس اگر ایک دفعہ دھوپ نجس زمین اور عمارت پر پڑے اور اس کا سامنے والا حصہ خشک کرے اور دوسری دفعہ نچلے حصے کو خشک کرے تو اس کا سامنے والا حصہ پاک ھو گا اور نچلا حصہ نجس رھے گا ۔

۴۔ استحالہ

اگر کسی نجس چیز کی جنس یوں بدل جائے کہ ایک پاک چیز کی شکل اختیار کر لے تو وہ پاک ھو جاتی ھے ۔ مثال کے طور پر نجس لکڑی جل کر راکھ ھو جائے یا کتّا نمک کی کان میں گر کر نمک بن جائے ۔ لیکن اگر اس چیز کی جنس نہ بدلے مثلا ً نجس گھیوں کا آٹا پیس لیا جائے یا ( نجس آٹے کی ) روٹی پکائی جائے تو وہ پاک نھیں ھو گی ۔

ایسی نجس چیز جس کے متعلق علم نہ ھو کہ آیا اس کا استحالہ ھوا یا نھیں ( یعنی جنس بدلی ھے یا نھیں ) تونجس ھے ۔

۵۔ انقلاب

اگر شراب خود بخود یا کوئی چیز ملانے سے مثلاً سر کہ اور نمک ملانے سے سرکہ بن جائے تو پاک ھو جاتی ھے ۔

نجس انگور ، نجس کشمش اور نجس کھجور سے جو سرکہ تیار کیا جائے وہ نجس ھے ۔

۶۔ انتقال

اگر انسان کا خون یا اچھلنے والا خون رکھنے والے حیوان کا خون، کوئی ایسا کیڑا جس میں عرفاً خون نھیں ھوتا اس طرح چوس لے کہ وہ خون اس کیڑا کے بدن کا جز ھو جائے مثلا ً مچھر ، انسان یا حیوان کے بدن سے اس طرح خون چوسے تو وہ خون پاک ھو جاتا ھے اور اسے انتقال کھتے ھیں

اگر کوئی شخص اپنے بدن پر بیٹھے ھوئے مچھر کو مار دے اور وہ خون جو مچھر نے چوسا ھو اس کے بدن سے نکلے تو ظاھر یہ ھے کہ وہ خون پاک ھے کیونکہ وہ خون اس قابل تھا کہ مچھر کی غذا بن جائے اگرچہ مچھر کے خون چوسنے اور مارے جانے کے درمیان وقفہ بھت کم ھو ۔ لیکن احتیاط مستحب یہ ھے کہ اس خون سے اس حالت میں پرھیز کرے ۔

۷۔ اسلام

اگر کوئی کافر "شھادتین " پڑھ لے یعنی کسی بھی زبان میں اللہ کی وحدانیت اور اور خاتم الانبیاء حضرت محمد  (ص) کی نبوت کی گواھی دیدے تو مسلمان ھو جاتا ھے ۔ اور اگرچہ وہ مسلمان ھونے سے پھلے نجس کے حکم میں تھا لیکن مسلمان ھو جانے کے بعد اس کا بدن ، تھوک ، ناک کا پانی اور پسینہ پاک ھو جاتا ھے لیکن مسلمان ھونے کے وقت اگر اس کے بدن پرکوئی عین نجاست ھو تو اسے دور کرنا اوراس مقام کو پانی سے دھونا ضروری ھے بلکہ اگر مسلمان ھونے سے پھلے ھی عین نجاست دور ھو چکی ھو تب بھی احتیاط ِ واجب یہ ھے کہ اس مقام کو پانی سے دھو ڈالے ۔

۸۔ تبعیت

تبعیت کا مطلب ھے کہ کوئی نجس چیز کسی دوسری چیز کے پاک ھونے کی وجہ سے پاک ھو جائے ۔

٭    جو کافر مرد مسلمان ھو جائے اس کا بچہ طھارت میں اس کا تابع ھے ۔ اور اسی طرح بچے کے ماں یا دادی یا دادا مسلمان ھو جائیں تب بھی یھی حکم ھے ۔ لیکن اس صورت میں بچے کی طھارت کا حکم اس سے مشروط ھے کہ بچہ اس نَومسلم کے ساتہ اور اس کے زیر کفالت ھو نیز بچے کا کوئی کافر رشتہ دار اس بچے کے ھمراہ نہ ھو ۔

٭   وہ تختہ یا سِل جس پر میت کو غسل دیا جائے اور وہ کپڑا جس سے میت کی شرمگاہ ڈھانپی جائے نیز غسال کے ھاتہ غسل مکمل ھونے کے بعد پاک ھو جاتے ھیں ۔

٭     اگر کوئی شخص کسی چیز کو پانی سے دھوئے تو اس چیز کے پاک ھونے پر اس شخص کا وہ ھاتہ بھی پاک ھو جاتا ھے جس سے وہ اس چیز کو دھوتا ھے ۔

٭    اگر لباس یا اس جیسی کسی چیز کو قلیل پانی سے دھویا جائے اور اتنا نچوڑ دیا جائے جتنا عام طور پر نچوڑا جاتا ھے تاکہ جس پانی سے دھویا گیا ھے اس کا دھوون نکل جائے تو جو پانی اس میں رہ جائے وہ پاک ھے ۔

۹۔ عین نجاست کا دور ھونا

اگر کسی حیوان کا بدن عین نجاست مثلا خون یا نجس شدہ چیز مثلا نجس پانی سے آلودہ ھو جائے تو جب وہ نجاست دور ھو جائے حیوان کا بدن پاک ھو جاتا ھے اور یھی صورت انسانی بدن کے اندرونی حصوں مثال کے طور پر منہ یا ناک اورکان کے اندر والے حصوں کی ھے کہ وہ باھر سے نجاست لگنے سے نجس ھو جائیں گے اور جب نجاست دور ھو جائے تو پاک ھو جائیں گے لیکن داخلی نجاست مثلا ً دانتوں کے ریخوں سے خون نکلنے سے بدن کا اندرونی حصہ نجس نھیں ھوتا اور یھی حکم ھے جب کسی خارجی چیز سے بدن کے اندرونی حصہ میں نجاست داخلی لگ جائے تو وہ چیز نجس نھیں ھوتی ۔ اس بنا پر اگر مصنوعی دانت منہ کے اندر دوسرے دانتوں کے ریخوں سے نکلے ھوئے خون سے آلودہ ھو جائیں تو ان دانتوں کو دھونا لازم نھیں ھے لیکن اگر ان مصنوعی دانتوں کو نجس غذا لگ جائے تو ان کو دھونا لازم ھے ۔

۱۰۔ نجاست کھانے والے حیوان کا استبراء

جس حیوان کو انسانی نجاست کھانے کی عادت پڑ گئی ھو اس کا پیشاب اور پاخانہ نجس ھے اور اگر اسے پاک کرنا مقصود ھو تو اس کا اسبتراء کرنا ضروری ھے ۔ یعنی ایک عرصے تک اسے نجاست نہ کھانے دیں اور پاک غذا دیں حتیٰ کہ اتنی مدت گزر جائے کہ پھر اسے نجاست کھانے والا نہ کھا جا سکے ۔

۱۱۔ مسلمان کا غائب ھو جانا

٭  اگر بالغ اور پاکی ۔ ناپاکی کی سمجھ رکھنے والے مسلمان کا بدن یا لباس یا دوسری اشیاء مثلا برتن اور دری وغیرہ جو اس کے استعمال میں ھوں نجس ھو جائیں اور پھر وہ وھاں سے چلا جائے تو اگر کوئی انسان یہ سمجھے کہ اس نے یہ چیزیں دھوئی تھیں تو وہ پاک ھوں گی۔

٭ اگر کسی شخص کی یہ حالت ھو جائے کہ اسے کسی نجس چیز کے دھوئے جانے کا یقین ھی نہ آئے اگر وہ اس چیز کو جس طرح لوگ عام طور پر دھوتے ھیں دھو لے تو کافی ھے ۔

۱۲۔ معمول کے مطابق ( ذبیحہ کے ) خون کا بہ جانا

کسی جانور کو شرعی طریقے سے ذبح کرنے کے بعد اس کے بدن سے معمول کے مطابق ( ضروری مقدار میں ) خون نکل جائے تو جو خون اس کے بدن کے اندر باقی رہ جائے وہ پاک ھے ۔

 

المہد العالم الاسلامی حیدر آباد انڈیا میں لکھے گئے سندی مقالات

قرآن مجید میں عبادات کے احکام
قرآن و حدیث اسلام کے دو بنیادی مصادر ہیں، اسلامی احکام کے استنباط و استخراج میں ان دونوں مصادر کو مرکزی حیثیت حاصل ہے ، تاہم اسلام کے بہت سے احکام ایسے بھی ہیں جو صریح نصوص کے بجائے دلالۃ النص، اشارۃ النص یا اقتضاء النص کے ذریعہ ثابت کئے جاتے ہیں ؛ چنانچہ زیرنظر مقالہ میں قرآن مجید میں بیان کئے گئے عبادات یعنی طہارت، نماز، روزہ، حج اور زکوٰۃ کے ان احکام کو جمع کرنے کی کوشش کی گئی ہے ، جن کا ثبوت صریح آیات سے ہو، واقعی یہ اپنی نوعیت کا منفرد کام ہے، یہ مقالہ معہد کے ایک فاضل محمد الیاس امیر بغدادی نے اپنے سندی سال کے لئے مرتب کیا ہے، مقالہ تقریباً ۱۵۰ صفحات پر مشتمل ہے ، مقالہ کی تیاری میں آیات احکام کے تفسیری مراجع کے علاوہ حدیث و فقہ کے اہم مراجع سے بھی استفادہ کیا گیا ہے، موصوف نے ۱۴۲۳ ھ معہد کے تخصص فی التفسیر کے سال دوم سے فراغت حاصل کی اوراسی سال یہ مقالہ مرتب کیا ہے۔
اقسام القرآن
قرآن مجید میں بہت سی چیزوں کی قسمیں کھائی گئیں ہیں، ظاہر ہے کہ قرآن مجید میں جن چیزوں کی قسم کھائی گئی ہے ، ان چیزوں کو مؤکد کرنا اور ان کی اہمیت بیان کرنا مقصود ہے ؛ چنانچہ ان چیزوں کی اہمیت کے پیش نظر ضرورت تھی کہ اس طرح کی آیتوں کو جمع کردیا جائے اوراس طرح کے تاکیدی احکام کی قدرے وضاحت بھی کی جائے ، عربی زبان میں تو اس موضوع پر کام ہوچکا ہے ؛ لیکن اردو زبان میں اس سلسلہ میں کوئی قابل ذکر کام نہیں ہوا تھا ، اسی پس منظر میں معہد کے شعبہ تفسیر کے ایک فاضل محمد صلاح الدین اشاعتی کو ۱۴۲۳ ھ میں یہ کام سپرد کیا گیا اور انھوں نے کام کو کیا، اس مقالہ میں قسم کی اہمیت، قرآن و حدیث میں قسم سے متعلق ہدایات، جن اشیاء کی قسم کھائی گئی ہے ان کی اہمیت، جن چیزوں پر قسم کھائی گئی ہے دین و شریعت میں ان کی عظمت و اہمیت وغیرہ پر تفصیل سے روشنی ڈالی گئی ہے ، یہ مقالہ تقریباً ۲۰۰ صفحات پر مشتمل ہے، جس کی طباعت نہیں ہوسکی ہے ۔
امثال القرآن
کسی بات کو اگر مثال کے ذریعہ واضح کیا جائے تو اسے سمجھنا زیادہ آسان ہوجاتا ہے، اسی لئے درس و تدریس کے میدان میں علمی دقائق کو سمجھانے کے لئے اس سے کافی کام لیا جاتا ہے ، قرآن پاک جس کا نزول اسی لئے ہوا کہ بندے اس کو سمجھیں اور اس پر عمل پیرا ہوں، اس میں بھی اللہ تعالیٰ نے اس انسانی مزاج کی رعایت کی ہے اور بڑے بڑے حقائق کو چھوٹی چھوٹی مثالوں کے ذریعہ واضح فرمایا اور اس کا مقصد خود اللہ تعالیٰ نے بیان کیا ہے تمہارے غور وفکر کے لئے ایسا کیا گیا ہے : ''وتلک الأمثال نضربھا للناس لعلھم یتفکرون''۔ (الممتحنہ:۲۱)
قرآن پاک کی اس طرح کی آیتوں کو منتخب کرکے اس کے ادبی اور تذکیری پہلو کو واضح کرنا یقیناًایک اہم کام تھا ؛ چنانچہ معہد کے ایک فاضل محمد عمر فاروق فلاحی نے ''أمثال القرآن'' کو ہی اپنے مقالہ کا موضوع بنایا اور تقریباً ۲۳ بڑی آیتوں کو منتخب کرکے تفسیر کے ۱۹ اہم مراجع سے استفادہ کرتے ہوئے اچھا مواد جمع کردیا ہے، یہ مقالہ ۱۲۰ صفحات پر مشتمل ہے ، موصوف کی فراغت معہد سے ۱۴۲۴ ھ کی ہے۔
امام ابوبکر جصاص رازی کی ''احکام القرآن'' کی فقہی ابواب پر ترتیب
قرآن پاک اللہ تعالیٰ کی طرف سے بندوں کے لئے ہدایت نامہ ہے، دنیا و آخرت کی کامیابی اسی کے اصولوں کے مطابق چل کر حاصل کی جاسکتی ہے، حضور اکرم صلی اللہ علیہ و سلم کی رسالت کی ذمہ داریوں میں سے ایک یہ بھی تھی کہ لوگوں کے سامنے تلاوت قرآن و تشریح آیات کی جائے : '' یتلو علیھم آیاتہ'' (آل عمران :۱۶۴) ''لتبین للناس مانزل إلیھم'' (النحل : ۴۴) آپ ا کی اُمت کے علماء نے بھی شروع ہی سے اس جانب خصوصی توجہ دی اورالحمدللہ تفسیر قرآن پر ایک پورا کتب خانہ تیار ہوچکا ہے، تفسیر قرآن میں علماء نے اپنے اپنے علمی ذوق کے مطابق آیات کی تفسیر پر خصوصی توجہ دی ہے، مثلاً لغت و بلاغت کے پہلو سے ''کشاف'' کلامی مباحث کے تعلق سے تفسیر رازی وغیرہ اسی طرح بہت سی تفسیریں ایسی ہیں جن میں یا تو فقہی احکام پر خصوصی توجہ دی گئی ہے یا صرف انھیں آیات کی تفسیر و تشریح کی گئی ہے جن کا تعلق فقہی احکام سے ہے ؛ چنانچہ چوتھی صدی ہجری کے مشہور عالم دین امام ابوبکر جصاص رازی (متوفی ۳۷۰ھ) کی کتاب ''أحکام القرآن'' فقہی احکام سے متعلق آیات کی تفسیر وتشریح میں بہت اہم مانی گئی ہے ؛ بلکہ بعض مدارس میں اس کے کچھ مباحث نصاب درس میں بھی شامل ہیں، ذیل میں ان فضلاء کے نام اور کام کی نوعیت ذکر کی جاتی ہے ۔
۱۔
اقبال احمد ندوی
قسم العبادات
فراغت : ۱۴۲۶ھ
۲۔
محمدناصر سجاد قاسمی
؍؍
فراغت : ۱۴۲۷ ھ
۳۔
محمد میران مظاہری
احوال شخصیہ
فراغت : ۱۴۲۳ھ
۴۔
عبدالعزیز کوثر قاسمی
معاملات
فراغت : ۱۴۲۸ھ
۵۔
ہارون رشید ندوی
؍؍
فراغت : ۱۴۲۶ھ
انسانی بنیادی حقوق اور قرآنی تعلیمات
اسلام کی آمد سے پہلے انسانی حقوق مفقود تھے، غلاموں یتیموں اور عورتوں کو حقوق نہیں ملتے تھے ؛ لیکن اسلام سارے عالم کے لئے پیام رحمت بن کر آیا، جس نے زندگی کے تمام شعبہ جات کی اصلاح کی اور تمام لوگوں کو عادلانہ حقوق دینے کے ساتھ ظلم و نا انصافی سے گریز کرنے کی تلقین کی ؛ چنانچہ قرآن پاک میں اللہ تبارک و تعالیٰ نے اس طرح کے حقوق کو تفصیل کے ساتھ بیان کیا ہے ، اسی پس منظر میں مولوی محمد عمر اشاعتی نے ''انسانی بنیادی حقوق اورقرآنی تعلیمات'' کے عنوان سے ایک مقالہ ترتیب دیا ہے ، جس میں انسانی حقوق سے متعلق قرآنی تعلیمات کی تشریح کی گئی ہے ، موصوف کا مقالہ ۱۰۰ صفحات پر مشتمل ہے ، موصوف کی فراغت معہد سے ۱۴۲۸ ھ میں ہے ۔
۲۴
آیتوں کا ہندی ترجمہ
اسلام دشمن طاقتوں کی ہمیشہ سے یہ کوشش رہی ہے کہ وہ اسلام اور مسلمانوں کے تعلق سے غلط فہمیاں پھیلانے کی کوشش کرتے رہے ہیں ؛ تاکہ لوگ اسلام کے قریب نہ ہوجائیں ، اِدھر کچھ سالوں سے اعداء اسلام نے اپنے تمام تر وسائل کو اسلام دشمنی میں جھونک دیا ہے۔
ہندوستان میں بھی چند انتہاپسند تنظیمیں ہیں جنھوں نے ایسا لگتا ہے کہ اسلام کو بدنام کرنے کی قسم کھا رکھی ہو ؛ چنانچہ ہندؤں کی ایک بدنام زمانہ دہشت پسند تنظیم نے ایک موقع پر قرآن کی ۲۴ آیتوں کی غلط تشریحات پر مشتمل ایک رسالہ تیار کیا اور اسلامی تعلیمات کو بگاڑ کر پیش کرنے کی کوشش کی ، اسی پس منظر میں حضرت مولانا خالد سیف اللہ رحمانی دامت برکاتہم نے اس موقع سے ان آیتوں کی صحیح تشریح عوام کے سامنے پیش کرنا مناسب سمجھا ؛ تاکہ اسلامی تعلیمات سے متعلق لوگوں کا ذہن صاف رہے ،آپ کی یہ تشریحات روزنامہ ' منصف ' (حیدرآباد ) میں قسط وار چھپی، اور بعد میں مجموعی شکل میں بھی ،اسی کا ہندی ترجمہ معہد کے ایک طالب علم عبدالحسیب فلاحی نے کیا ہے ، یہ ترجمہ تقریباً ۱۰۰ صفحات پر مشتمل ہے ، موصوف ۱۴۲۵ ھ میں معہد سے فارغ ہوئے۔
التحقیق والتعلیق علی التفسیرات الاحمدیہ
ابتدائے اسلام سے لے کر آج تک مختلف علماء نے مختلف انداز سے قرآن مجید کی تفسیریں لکھی ہیں، ان ہی میں سے ملاجیون کی مشہور تصنیف ''التفسیرات الاحمدیہ'' بھی ہے ، یہ تفسیر قرآن مجید کی مکمل تفسیر نہیں ہے ؛ بلکہ اس میں صرف آیات احکام کی توضیح کی گئی ہے ، یعنی ان آیات کو خاص توجہ کا مرکز بنایا گیا ہے ، جن سے فقہی مسائل واضح ہوتے ہیں، اس تفسیر میں قرآن مجید کی ۶۱ سورتوں سے ۲۷۷ احکام پر بحث کی گئی ہے ، مصنفؒ نے اس تفسیر میں قرآن وحدیث اور کتب فقہ سے بھی استفادہ کیا ہے ؛ مگر چوں کہ اس میں دلائل کے حوالے نہیں ذکر کئے گئے ہی؛ اس لئے مآخذ سے مراجعت میں کافی دقت اور پریشانی کا سامنا کرنا پڑتا ہے ، اسی پس منظر میں اس کتاب پر تحقیق و تعلیق کی ضرورت محسوس کی گئی ؛ چنانچہ معہد کے فقہ سال دوم ۱۴۲۶ ھ کے پانچ اسکالرس نے یہ کام انجام دیا، ربع اول کی تحقیق مولانا فہیم احمد قاسمی ، ربع دوم کی تحقیق شیخ فرقان احمد فلاحی اور ربع سوم کی تحقیق مولانا احمد علی قاسمی نے کی ہے، ربع چہارم کی تحقیق مولوی انعام اللہ قاسمی اور ظفر احمد فلاحی نے کی ہے، ان پانچوں اسکالرس کے کاموں کے صفحات کی تعداد پندرہ سو کے قریب ہے ، اس تحقیق و تعلیق میں جن اُمور پر خاص توجہ دی گئی ہے ، ان میں سے ایک یہ ہے کہ جس مسئلہ میں مختلف اقوال ہیں اور مصنفؒ نے ان میں سے کسی ایک کو ہی ذکر کرنے پر اکتفا کیا یا راحج قول کو ذکر نہیں کیا تو وہاں دیگر اقوال بھی ذکر کردیئے گئے ہیں اور راحج قول کے ذکر کرنے کا بھی اہتمام کیا گیا ہے، مثلاً مصنفؒ نے '' فتحاً قریباً''کی تفسیر میں فتح سے مراد فتح خیبر کو ذکر کیا ہے ، پھر کسی اور قول کو ذکر نہیں کیا ؛ حالاں کہ اس میں تین اقوال ہیں (۱) فتح مکہ (۲) فتح خیبر (۳) صلح حدیبیہ ، راحج قول یہ ہے کہ اس سے مراد صلح حدیبیہ ہے ، اسی طرح جن الفاظ کے حل کرنے کی طرف صاحب تفسیر کی توجہ نہ ہوسکی تھی ، ان اسکالرس نے ان الفاظ کالغوی حل بھی پیش کیا ہے ۔
تحقیق و تعلیق علی أحکام القران للجصاصؒ
قرآن پاک اللہ کی طرف سے بندوں کے لئے ہدایت نامہ ہے، دنیا و آخرت کی کامیابی اس کے اصولوں کے مطابق چل کر ہی حاصل کی جاسکتی ہے، حضور پاک ا کی نبوی ذمہ داریوں میں سے ایک یہ بھی تھی کہ لوگوں کے سامنے تلاوت قرآن و تشریح آیات کی جائے : ''یتلو علیھم آیاتہ''(آل عمران : ۱۶۴) '' لتبین للناس مانزل إلیھم''(النحل : ۴۴)آپ ا کی اُمت کے علماء نے بھی شروع سے اس ذمہ داری کو بخوبی نبھایا اور الحمدللہ تفسیر قرآن پر ایک پورا کتب خانہ تیار ہوچکا ہے ، تفسیر قرآن میں علماء نے اپنے اپنے علمی ذوق کے مطابق آیات کی تفسیر میں خصوصی توجہ دی ؛ چنانچہ بہت سی تفسیریں ایسی ہیں جن میں فقہی احکام پر خصوصی توجہ دی گئی اور انھیں آیات کی تفسیر و تشریح کی گئی ہے جن کا تعلق فقہی احکام سے ہے، چوتھی صدی ہجری کے مشہور عالم دین امام ابوبکر جصاص رازی (متوفی ۳۷۰ھ) کی کتاب ''احکام القرآن'' اس حوالہ سے بہت اہم مانی گئی ہے ، یوں تو یہ کتاب عبدالسلام محمد علی شاہین کی تحقیق کے ساتھ چھپ چکی ہے ؛ لیکن موصوف نے صرف آیات کی تخریج اور ضبط نصوص کا کام انجام دیا ہے ؛ چنانچہ معہد کے ایک فاضل حافظ محمد ضیاء القمر فلاحی نے اس کتاب پر تفصیلی انداز سے کام کا آغاز کیا تھا ، موصوف کے کام کا انداز یہ تھا کہ انھوں نے جگہ جگہ ذیلی عنوانات قائم کئے، آیات و احادیث کی تخریج کی، فقہی مسائل کی دوسرے اہم مراجع سے توثیق کی اور مشکل الفاظ کی تشریح کی ؛ لیکن یہ کام اپنے پھیلاؤ کی وجہ سے پورا نہیں ہوسکا ، کام مکمل ہونے کے بعد کئی جلدوں میں اس کی طباعت متوقع ہے ، مؤلف نے معہد سے ۱۴۲۲ھ میں فراغت حاصل کی ہے ۔
جمع قرآن اور اس پر ہونے والے اعتراضات کا مفصل جائزہ
قرآن حکیم کی حفاظت کی ذمہ داری خود ذات باری تعالیٰ نے لی ہے ؛ چنانچہ قرآن پاک اپنے نزول کے زمانے سے اب تک من و عن اسی طرح محفوظ چلا آرہا ہے جیسا کہ اللہ نے اس کو نازل فرمایا تھا، خود حضور ا کے زمانے میں زبانی یاد کرنے والوں کے علاوہ باقاعدہ جو حضرات کتابت وحی کے لئے متعین تھے ان کی تعداد کم و بیش ۴۱ بتائی جاتی ہے، انسانی تاریخ میں شاید ہی کسی چیز کا محفوظ ہونا اتنا بے غبار ہو جیسا کہ قرآن پاک ہے ؛ لیکن اس کے باوجود بعض مستشرقین نے اس تعلق سے شبہ پیدا کرنے کی کوشش کی ہے ؛ چنانچہ اسلامی علوم کے ماہرین نے اس کا بھرپور جواب دیا ہے اور مستقل اس عنوان کے تحت یا علوم قرآن کے مباحث کے ضمن میں جمع قرآن کے تعلق سے بحث کی ہے، عربی میں اس عنوان کے تحت کافی لٹریچر موجود ہے، اردو میں ''تدوین قرآن از مناظر احسن گیلانی'' اسی طرح علوم القرآن از مولانا تقی عثمانی مدظلہٗ میں بھی اس سلسلہ میں مواد موجود ہے ؛ لیکن ضرورت اس بات کی تھی کہ اس سلسلہ میں تفصیلی انداز میں تحقیق کی جائے ، اسی پس منظر میں معہد کے ایک فاضل مولانا یحییٰ قمر فلاحی کو ''جمع قرآن ۔۔ اور اس پر ہونے والے اعتراضات'' کے عنوان سے ایک مقالہ کا کام سپرد کیا گیا اور انھوں نے بڑی حد تک اسے انجام دے دیا ؛ البتہ یہ مقالہ ابھی طبع نہیں ہوا ہے ، معہد سے موصوف کی فراغت ۱۴۲۶ ھ کی ہے۔
قرآنی اصطلاحات
قرآن مجید میں بعض الفاظ بطور اصطلاحات کے استعمال ہوتے ہیں، ان الفاظ کو خصوصی اہمیت حاصل ہے ؛ چنانچہ انیسویں صدی میں عالم عرب اور برصغیر کے بعض اہل علم کے درمیان کچھ اصطلاحات کی بابت علمی اختلافات بھی ہوئے ہیں، اسی پس منظر میں حضرت مولانا خالد سیف اللہ رحمانی مدظلہٗ ناظم المعہد العالی الاسلامی حیدرآباد نے شعبہ قرآن کے ایک فاضل مولانا مبین احمد فلاحی کو ۱۴۲۳ ھ میں قرآن مجید کی ۲۵ منتخب اصطلاحات پر کام کرنے کو کہا گیا ؛ چنانچہ انھوں نے قرآن و حدیث ، لغت اور مفسرین وشراح حدیث کی آراء سے استفادہ کرتے ہوئے ان اصطلاحات پر تفصیلی روشنی ڈالی ہے ، اس مقالہ کی ضخامت ( ۲۰۰ ) صفحات ہے ، جس کی طباعت ابھی نہیں ہوسکی ۔
مامورات قرآن مجید
دین دراصل اوامر و نواہی کا نام ہے ، اللہ تبارک و تعالیٰ نے جن چیزوں کا حکم دیا ہے ان کو ''اوامر'' یا ''مامورات'' کہا جاتا ہے اور جن چیزوں سے منع فرمایا ہے ، انھیں ''نواہی'' کہا جاتا ہے ،ڈ اللہ تعالیٰ نے کہیں پر خطاب ایمان والوں سے کیا ہے اور کہیں پر عام خطاب ساری انسانیت کے لئے ہے تو قرآن مجید میں جتنے مامورات ہیں ان کو محمد شرف الدین عمران شرفی نے جمع کردیا ہے ، آیات کو جمع کرنے کے ساتھ ساتھ ان آیات کا ترجمہ اور تشریح بھی کی ہے ، موصوف کی یہ کاوش ۱۵۰ صفحات پر مشتمل ہے، موصوف نے ۱۴۲۲ھ میں المعہد کے شعبۂ تخصص فی القرآن دوم سے فراغت حاصل کی ہے۔
معاشرتی زندگی سے متعلق قرآنی تعلیمات
معاشرتی زندگی سے متعلق اسلام کی تعلیمات پر اگر عمل پیرا ہوجائے تو ایسا صالح معاشرہ وجود میں آتا ہے جہاں ہر طرف امن و سکون کی فضاء قائم رہتی ہے، عفت و پاکدامنی کا چلن ہوتا ہے، حقوق و فرائض کی ادائیگی کا شعور بیدار رہتا ہے۔
یورپ آج اپنی تمام تر صنعتی ترقیوں کے باوجود معاشرتی نظام میں جس بحران کا شکار ہے وہ روز روشن کی طرح عیاں ہے، وہاں خاندانی نظام مکمل طور سے بکھراؤ کا شکار ہے، بے حیائی و بدچلنی عام ہے، جنسی استحصال کی شرح روز بروز بڑھتی ہی جارہی ہے ، اس کی واحد وجہ یہ ہے کہ معاشرتی زندگی کے لئے یورپ کے پاس کوئی آئیڈیل اور نمونہ نہیں ہے۔
اب ضرورت اس بات کی ہے کہ معاشرتی زندگی سے متعلق اسلامی تعلیمات عصری اُسلوب میں پیش کیا جائے تاکہ یہ چیز غیروں کے لئے اسلام سے تعارف کا ذریعہ بنے ، معاشرتی زندگی سے متعلق بہت سی اہم کتابیں منظر عام پر آچکی ہیں جس میں '' معاشرتی زندگی دین فطرت کی روشنی میں'' از مولانا برہان الدین صاحب سنبھلی دامت برکاتہم نہایت اہم ہے۔
معہد کے ایک فاضل محمد ذبیح اللہ قاسمی نے بھی ''معاشرتی زندگی سے متعلق قرآنی تعلیمات'' کے عنوان سے ایک مقالہ مرتب کیا ہے، مقالہ ۲۴۳ صفحات پر مشتمل ہے ، موصوف نے مقالہ میں تفسیر، حدیث اور فقہ اسلامی کے اہم مراجع سے استفادہ کیا ہے، موصوف کی فراغت معہد سے ۱۴۲۸ ھ کی ہے۔
منہیات قرآن
اللہ تعالیٰ نے انسانوں کی ہدایت کے لئے حضرت محمد صلی اللہ علیہ و سلم پر قرآن مجید کو نازل فرمایا اور بندوں کی ہدایت کے لئے بہت سے احکام نازل فرمائے ہیں، ان احکام میں کچھ تو وہ ہیں جن میں کسی کام کے کرنے کا حکم دیا گیا ہے ، ان کو اوامر کہا جاتا ہے اور کچھ وہ ہیں جن میں کسی کام سے ممانعت آئی ہے ، ان کو منہیات کہا جاتا ہے ؛چنانچہ قرآن پاک کی منہیات سے متعلق جو آیات ہیں ان کو مولانا فہیم الدین رشادی نے جمع کیا ہے۔
مولانا کا یہ سندی مقالہ ہے ، جسے انھوں نے ۱۴۲۲ھ میں معہد کے شعبہ تخصص فی التفسیر کے لئے لکھا تھا ، اس مقالہ میں سب سے پہلے آیات منہیات اور ان کے تراجم پیش کئے گئے ہیں ، پھر مختصر تشریح کی گئی ہے ، پھر ان آیات سے متعلق مفسرین اور فقہاء کی آراء کو تفصیل سے پیش کیا گیا ہے ، اس مقالہ کی ضخامت ( ۲۵۰ ) صفحات ہے ۔
ابن شہاب زہریؒ اور مستشرقین
روایت حدیث میں جو اہمیت عہد صحابہ میں حضرت ابوہریرہ ص کو حاصل ہے ، وہی درجہ عہد تابعین میں ابن شہاب زہریؒ کا ہے ، مستشرقین نے احادیث کو ضعیف و نامعتبر ثابت کرنے کے لئے ان دونوں اہم شخصیتوں کو خاص طور سے نشانہ بنایا ہے اور ان کی پاکیزہ زندگی پر غبار ڈالنے کی کوشش کی ہے ، اسی پس منظر میں حضرت ابوہریرہ صکی حیات پر حضرت الاستاذ مولانا خالد سیف اللہ رحمانی مدظلہ نے ممتاز فاضل مولانا سید حسنین احمد ندوی سے تفصیلی کام کرایا ، جو معہد کے زیراہتمام کتب خانہ نعیمیہ دیوبند سے شائع ہوچکاہے اور ابن شہاب زہریؒ کے سلسلہ میں آپ نے شعبۂ حدیث میں زیرتعلیم ایک دوسرے مولانا فاضل شاہ عالم فلاحی کو کام کرنے کا حکم دیا ؛ چنانچہ انھوں نے بڑی محنت سے اس کام کو انجام دیا ہے ؛ لیکن ابھی یہ مقالہ مکمل نہیں ہوسکا ہے ، اس مقالہ میں ابن شہاب زہریؒ کی حیات، ان کی خدمات ، ان کے بارے میں ان کے معاصرین کی آراء اور ان پر کی جانے والی بے جا اور نامعقول جرح کے رد وغیرہ پر تفصیلی بحث کی گئی ہے۔
احادیث نبوی پر عقلی شبہات
اسلام میں جس طرح جان و مالاور عزت و آبرو کی اہمیت ہے ، اسی طرح عقل کی بھی بڑی اہمیت ہے ، اسی اہمیت کا نتیجہ ہے کہ قرآن وسنت میں عقل و فہم، سوجھ بوجھ اور دور اندیشی کو مختلف انداز میں سراہا گیا ہے ، قرآن پاک میں جگہ جگہ ''أفلا یعقلون'' ، ''أفلا یتدبرون'' ، ''فھم لایعقلون'' جیسے الفاظ سے عقل و شعور کو بیدار کیا گیا ہے؛ لیکن اس کی ایک حد ہے اوروہ حد وحی الٰہی ہے؛ جہاں پر عقل کی پرواز ختم ہوجاتی ہے ؛ لہٰذا جس جگہ پر وحی الٰہی آتی ہے وہاں عقل کا استعمال کرنا ایسا ہی ہے جیسے سورج کی روشنی میں چراغ جلانا اسلام کا نظام ، زندگی کے ہر شعبہ پر مشتمل ہے اور اس کا ہر حکم مستحکم اور انسانی فطرت کے عین مطابق ہے ؛ اس لئے اس میں شبہ کی کوئی گنجائش نہیں ، اس کے باوجود اس میں شبہ کرنا یقیناًبے عقلی و گمراہی کی دلیل ہے ۔
اسی پس منظر میں مولانا محمد نسیم اختر ندوی نے احادیث نبوی پر عقلی شبہات کے عنوان سے ایک مقالہ تیار کیا ہے ، جس میں آپ صلی اللہ علیہ و سلم کے ان اقوال پر روشنی ڈالی ہے ، جو بظاہر عقل کے خلاف معلوم ہوتے ہیں ، اس مقالہ کو تیار کرنے میں موصوف نے تفسیر و احادیث کے علاوہ عقائد کی کتابوں سے بھی استفادہ کیا ہے ، موصوف کا یہ مقالہ تقریباً سو۱۰۰ صفحات پر مشتمل ہے ، موصوف ۱۴۲۵ ھ میں معہد کے شعبہ حدیث میں داخل تھے۔
أقوال سید البشر فی إثبات عذاب القبر
اہل سنت والجماعت کا یہ متفقہ عقیدہ ہے کہ عذاب قبر برحق ہے ، آپ صلی اللہ علیہ و سلم عذابِ قبر سے پناہ مانگتے تھے اور اُمت سے آپ ا کا ارشاد ہے کہ عذابِ قبر سے پناہ مانگو ، عذاب قبر سے متعلق ایسی صاف اور صریح روایات ہونے کے باوجود بعض لوگوں نے عذاب قبر سے انکار کیا ہے ، اسی پس منظر میں اس بات کی ضرورت محسوس ہوئی کہ عذاب قبر سے متعلق جتنی احادیث ہیں ان سب کو ایک جگہ جمع کردیا جائے ؛تاکہ ان احادیث کو پڑھ کر عبرت حاصل کرنے والے عبرت حاصل کریں اور ان چیزوں سے بچیں جن کی وجہ سے خاص طور پر عذاب قبر کی وعید آئی ہے ، اس اہم موضوع پر مولوی محمد عرفان نے قلم اٹھایا اور عذاب قبر سے متعلق تمام احادیث کو جمع کردیا ہے ، موصوف نے احادیث کو جمع کرنے میں صحابہ کے نام کا اعتبار کرتے ہوئے ابجدی ترتیب کو ملحوظ رکھا ہے ، نیز جو احادیث ائمۂ فن کے نزدیک کسی اعتبار سے ضعیف ہیں ، ان کی طرف بھی اشارہ کردیا گیا ہے ، موصوف کی یہ کاوش تقریباً سو صفحات پر مشتمل ہے ، موصوف ۱۴۲۷ ھ میں معہد کے شعبہ تخصص فی الحدیث سال دوم میں داخل تھے ۔
احادیث احکام کے چند رُواۃ اور ان کے درجات
اس میں کوئی شک نہیں کہ روایت بیان کرنے والوں کے احوال کی تحقیق پر ہی اس کی صحت و ضعف کا دار و مدار ہوتا ہے ؛ چنانچہ اسی کے پیش نظر مولانا محمد منیرالحق قاسمی نے بعض راویوں کے درجات کے بارے میں تفصیلی بحث کی ہے ، راویوں کے نام الف بائی ترتیب سے ذکر کئے ہیں اور پھر ان پر جرح و تعدیل کے سلسلہ میں تفصیلی بحث کی ہے ، موصوف نے اس مقالہ کو تیار کرنے میں اسماء رجال کی متعدد کتابوں سے استفادہ کیا ہے ، موصوف کا مقالہ تقریباً ۵۰ صفحات پر مشتمل ہے ، موصوف ۱۴۲۴ ھ میں معہد کے شعبہ تخصص فی الحدیث کے سال دوم میں داخل تھے ۔
چند فضیلت والے دنوں اور راتوں سے متعلق احادیث
اللہ تبارک و تعالیٰ نے اس کائنات کو پیدا فرمایا اور پھر اس میں طرح طرح کی مخلوقات کو پیدا کیا، چاند، سورج اور ستارے پیدا کئے ، اللہ تعالیٰ نے دن اور رات میں سے بعض دنوں کو دوسرے دنوں پر فضیلت دی اور راتوں میں سے بعض راتوں کو دوسری راتوں پر، جیسے کہ شب قدر کے بارے میں اللہ تعالیٰ کا ارشاد ہے : '' لیلۃ القدر خیرمن الف شھر'' ۔۔۔ کہ شب قدر ہزار مہینوں سے افضل ہے ۔۔۔ جس سے معلوم ہوتا ہے کہ ان دنوں کو دوسرے دنوں پر ایک فوقیت حاصل ہے ، اسی پس منظر میں حضور اکرم صلی اللہ علیہ و سلم نے خاص دنوں اور راتوں کے جو فضائل بیان کئے ہیں ان سب کو مولانا فرقان احمد فلاحی نے جمع کیا ہے اور ان تمام احادیث کی تخریج بھی کی ہے ، موصوف کا یہ مقالہ تقریباً ۸۰ صفحات پر مشتمل ہے ، موصوف ۱۴۲۷ھ میں شعبہ حدیث میں داخل تھے ۔
تخریج أحادیث مراقی الفلاح
''نورالإیضاح'' فقہ حنفی کی مشہور ترین کتابوں میں سے ہے، برصغیر کے اکثر مدارس میں یہ کتاب ابتدائی درجوں میں پڑھائی جاتی ہے ، اس کی ایک شرح مراقی الفلاح (شیخ حسن بن عمار بن علی الشرنبلالی الحنفی متوفی ۱۰۶۹ کی ) ہے ، مراقی الفلاح میں واقع احادیث کی تخریج ایک اہم علمی کام تھا ؛ چنانچہ معہد کے تین فضلاء محمد عرفان ندوی ، عمران عبداللہ اور پرویز عالم ندوی نے مل کر اس اہم کام کو انجام دیا، احادیث کی تخریج کتب ستہ کے علاوہ مستدرک حاکم، مسند احمد، مصنف عبدالرزاق، مصنف ابن ابی شبیہ وغیرہ کتابوں سے کی ہے ، تینوں فضلاء کے کام کے مجموعی صفحات ۲۰۰ کے قریب ہیں ، معہد سے ان حضرات کی فراغت ۱۴۲۶ ھ کی ہے۔
تخریج أحادیث ''العرف الوردی فی أخبار المہدی '' للعلامہ السیوطی
احادیث کے ذخیرہ سے معلوم ہوتا ہے اور ہم لوگوں کا ایمان ہے کہ قیامت کے قریب حضرت مہدی ں تشریف لائیں گے اورحضرت عیسیٰ ں کے ساتھ مل کر برائیوں کا خاتمہ کریں گے اور دنیا میں اسلامی حکومت قائم کریں گے ؛ چنانچہ نویں صدی ہجری کے کثیرالتصانیف عالم دین امام سیوطی کی ایک کتاب ''العرف الوردی فی أخبار المھدی''اسی موضوع پر ہے ، جس میں انھوں نے حضرت مہدی ں کے تعلق سے جو حدیثیں آئی ہیں ان سب کو جمع فرمادیا ہے ، معہد کے ایک فاضل مولانا حسن الزماں المظاہری نے انھیں احادیث کی تخریج کو اپنے سندی مقالہ کا موضوع بنایا ، موصوف نے اس موضوع سے متعلق تقریباً ۱۹۶ صفحات پر مشتمل اپنا مقالہ تیار کیا ہے ، موصوف نے صحاحِ ستہ ، مسند احمد ، مصنف ابن ابی شیبہ ، مستدرک حاکم ، کنزالعمال وغیرہ حدیث کی معتبر کتابوں سے تخریج کا کام کیا ہے ، موصوف کی فراغت ۱۴۲۷ ھ کی ہے۔
تخریج أحادیث ''مختصر الحزب الاعظم''
اللہ تعالیٰ کو کبھی تو عملی احکام کے ذریعہ یاد کیا جاتا ہے اور کبھی زبانی تسبیح و تہلیل کے ذریعہ ؛ چنانچہ اللہ نے قرآن کی شکل میں جو صحیفہ انسانوں کو عطا کیا، اس میں اللہ نے اپنے بندوں کو وہ کلمات بھی سکھائے ہیں ، جن کے ذریعہ وہ اللہ کی تعریف کرسکیں ، اسی طرح احادیث رسول کا بھی ایک بڑا حصہ دُعاء پر مشتمل ہے ، جس میں انسانوں کو اپنے رب کی تعریف وتوصیف کرنا اور اس کے سامنے اپنی ضرورت پیش کرنے کا ڈھنگ سکھایا گیا ہے ، ہمارے علمائے کرام نے آیات و احادیث کے اس حصے کو بھی الگ سے جمع کرنے کا اہتمام کیا ہے ؛ چنانچہ اس موضوع کی ایک اہم کتاب '' مختصر الحزب الاعظم '' ہے ، اس کتاب میں جو احادیث وارد ہوئی ہیں ان کی تخریج کا کام معہد کے ایک فاضل مولانا محمد امیرالدین قاسمی نے انجام دیا ہے ، موصوف نے صرف انھیں احادیث کی تخریج کی ہے ، جن کے الفاظ کسی مصدر حدیث میں مذکور ہیں ، موصوف کا مقالہ کل ۶۸ صفحات پر مشتمل ہے ، موصوف کی معہد سے فراغت ۱۴۲۴ ھ کی ہے۔
تخریج أحادیث ''حجۃ اﷲ البالغۃ''
اللہ کی شریعت کلی طور سے حکمت و مصلحت سے پُر ہے، کوئی حکم ایسانہیں ہے جس میں بندہ کا کوئی دینی و دنیوی فائدہ نہ ہو ، اس لئے شریعت اسلامی کے بہت سے مامورات ایسے ہیں ، جن کے مطلوب ہونے اور بہت سی منہیات ایسی ہیں ، جن کے ممنوع ہونے کے سبب کی طرف بھی اشارہ کردیا گیا ہے ، اس کا مقصد دراصل یہی ہے کہ بندہ پورے اطمینان کے ساتھ شریعت اسلامی پر یہ سمجھتے ہوئے عمل کرے کہ ان احکام کی بجاآوری میں خود اِسی کا فائدہ ہے، ہمارے علمائے کرام نے بھی شروع سے احکام کے مقاصد کے تعلق سے بحث کی ہے ؛ لیکن سب سے زیادہ تفصیل کے ساتھ اس فن پر قلم اٹھانے والے شاہ ولی اللہ محدث دہلویؒ ہیں ، انھوں نے مصلحت شریعت کا مطالعہ بحیثیت ایک فن کے کیا اور شرعی مصالح کی عقدہ کشائی بڑے اچھوتے انداز سے کی ہے، یہی وجہ ہے کہ ان کی اس کتاب کو علماء نے ہمیشہ اپنی توجہ کا مرکز بنایا اور بعض مدارس میں اسے شامل نصاب بھی کیا گیا۔
اس کتاب میں کثرت سے احادیث رسول ذکر کی گئی ہیں ؛ لیکن ان کے حوالے ذکر نہیں کئے گئے تھے ؛ چنانچہ معہد کے چار فاضل مولانا محمد اظہر حسین ندوی، مولانا محمد عمر ناصحی ندوی (فراغت : ۱۴۲۵ھ) مولانا زبیر احمد اور مولانا عمران عاکف (فراغت : ۱۴۲۷ھ) نے کتاب میں آنے والی احادیث کی تخریج کو اپنے مقالہ کا موضوع بنایا اور بڑے اچھے انداز سے اس کام کو انجام دیا ، احادیث کی تخریج صحاح ستہ، مسند أحمد اور مستدرک حاکم وغیرہ کو سامنے رکھ کر کی گئی ہے ، مقالہ کی ضخامت ہزار صفحات کے قریب ہے ۔
تذکرۂ محدثین احناف
فنِ حدیث کی خدمت میں یوں تو تمام مسالک کے علماء کا حصہ ہے ؛ لیکن علماء احناف پر یہ الزام عائد کیا جاتا ہے کہ فن حدیث میں ان کی زیادہ خدمات نہیں ہیں ؛ لہٰذا ضرورت تھی کہ محدثین احناف کی ان خدمات کا جائزہ بھی لیا جائے ، جو حدیث سے متعلق ہیں ، نیز فن حدیث میں فقہاء احناف کے مقام و مرتبہ کو بھی واضح کیا جائے ؛ معہد کے ایک فاضل مولانا محمد مختار عالم قاسمی نے ''تذکرۂ محدثین احناف'' کے عنوان سے ۵۷ محدثین احناف کاسوانحی خاکہ اور ان کی خدمات حدیث پر ایک مقالہ تیار کیا ہے ، مقالہ ۲۲۶ صفحات پر مشتمل ہے ، مقالہ کی تیاری میں موصوف نے اسماء الرجال کی اہم کتابوں مثلاً تہذیب التہذیب، تذکرۃ الحفاظ ، البدایۃ والنہایہ وغیرہ سے استفادہ کیا ہے ، معہد سے موصوف کی فراغت ۱۴۲۴ ھ کی ہے۔
کتبِ احادیث ۔۔ تعارف اور اہمیت
اللہ تعالیٰ نے قرآن مجید کو نازل کیا اور اس میں انسانوں کی رہنمائی کے لئے احکامات بیان کئے ہیں ، حضور اکرم صلی اللہ علیہ و سلم نے احادیث کے ذریعہ ان احکام کی وضاحت فرمائی ہے ، اسی لئے کتاب اللہ کے بعد احادیث کا ہی درجہ ہے ؛ چنانچہ محدثین عظام نے احادیث کی مختلف انداز سے خدمت کی ہے اور اس موضوع پر بہت سی کتابیں لکھی ہیں ؛ تاکہ اُمتِ محمدیہ اس سے فائدہ اٹھائے اور اپنی زندگی اسلامی طریقہ پر لائے ، اسی پس منظر میں فقیہ العصر حضرت مولانا خالد سیف اللہ رحمانی دامت برکاتہم نے ضرورت محسوس کی کہ کتبِ احادیث کا تعارف کیاجائے ؛ چنانچہ اس کام کومولانا محمد ذوالفقار ندوی کے سپرد کیا گیا جو ۱۴۲۴ ھ میں معہد کے شعبہ تخصص فی الحدیث کے سال دوم میں داخل تھے ، موصوف نے تعارف کتب احادیث کے عنوان سے یہ مقالہ تیار کیا ، جس میں احادیث کی کتابوں کو حروف تہجی کے طریقے پر ترتیب دیا ہے ، موصوف نے کل ۴۵ کتابوں کا تعارف کرایا ہے ، کتابوں کے تعارف میں مصنف کتاب کا نام ، کتاب کا مقام و مرتبہ ، کتاب کی خصوصیت اوراستفادہ کے طریقہ وغیرہ کا ذکر کیا ہے ، موصوف کا مقالہ ۶۵ صفحات پر مشتمل ہے ۔
جزء کتابت حدیث ( کتابت حدیث سے متعلق روایات)
پچھلے کچھ زمانہ سے مستشرقین اور منکرین حدیث کی جانب سے ایک اعتراض اُٹھایا جارہا ہے کہ عر ب کے لوگ لکھنا پڑھنا نہیں جانتے تھے اور آنحضرت صلی اللہ علیہ و سلم نے حدیثیں لکھنے سے منع بھی فرمادیا تھا ؛ چنانچہ رسول اللہ صلی اللہ علیہ و سلم کی وفات کے کم و بیش دو سو سال تک حدیثوں کے لکھنے کا سلسلہ نہیں رہا اور تیسری صدی میں کہیں جاکر یہ حدیثیں تحریر میں لائی گئیں ؛ لہٰذا حدیثیں اپنی اصلی حالت میں اور اعتماد واستدلال کے قابل نہ رہیں ،اسی اعتراض کے پس منظر میں مولوی محمد ساجد مفتاحی نے ایک مقالہ تیار کیا ، جس میں صرف ان احادیث مبارکہ کو جمع کرنے کا اہتمام کیا گیا ہے ، جن کو رسول اللہ صلی اللہ علیہ و سلم کی حیاتِ مبارکہ ہی میں لکھ لینے کا ثبوت ملتا ہے ، یہ مقالہ ایک اعتبار سے مستشرقین اور منکرین حدیث کا جواب ہے تو دوسرے اعتبار سے یہ حدیث کی گرانقدر خدمت بھی ہے ، موصوف کا یہ مقالہ ۲۲۰ صفحات پر مشتمل ہے ، موصوف ۱۴۳۰ ھ میں معہد کے شعبہ حدیث کے سال دوم میں داخل تھے۔
جمع الأحادیث والآثار فی نزول المسیح
حضرت عیسیٰ ں کی بہت سی فضیلتیں ہیں ، جن میں سے ایک فضیلت یہ بھی ہے کہ آپ کی وفات نہیں ہوئی ، آپ زندہ آسمان پر اُٹھالئے گئے اور قیامت کے قریب اس دنیا میں تشریف لائیں گے ، عیسائیوں کا یہ عقیدہ ہے کہ حضرت عیسیٰ ں کو سولی دی گئی ہے اور وفات پاچکے ہیں ؛ جب کہ قرآن اس کی سختی کے ساتھ نفی کرتا ہے : '' وما قتلوہ وما صلبوہ'' اوراحادیث میں مختلف مواقع پر حضور اکرم صلی اللہ علیہ و سلم نے حضرت عیسیٰ ں کے نزول کی خبر بھی دی ہے۔
اسی پس منظر میں مولوی بلال احمد آکولوی نے نزول مسیح ں سے متعلق احادیث اورآثار کو جمع کردیا ہے ، اس میں حضرت عیسیٰ ں کی صفات سے متعلق احادیث اور نزول اوربعد النزول سے متعلق جو احادیث و آثار ہیں ان سب کو جمع کیا گیا ہے ، موصوف کی یہ کاوش سو صفحات پر مشتمل ہے ، موصوف ۱۴۲۷ ھ میں شعبہ حدیث میں داخل تھے۔
جمع أحادیث أشراط الساعۃ
المعہد العالی الاسلامی حیدرآباد کے قیام کا اصل مقصد علمی موضوعات پر تحقیق ہے ،اس ادارہ کے بانی فقیہ العصر حضرت مولانا خالد سیف اللہ رحمانی دامت برکاتہم کا ایک انداز یہ ہے کہ آپ کسی ایک موضوع سے متعلق تمام احادیث کو جمع کراتے ہیں ؛ تاکہ بوقت ضرورت اس سے استفادہ آسان ہو ، علامات قیامت سے متعلق احادیث کا جمع کرانا اور اس پر تحقیق و تعلیق کا کام بھی ایک اہم کام تھا ، آپ نے اس کام کو معہد کے دو فضلاء مولانا سراج احمد ندوی اور مولانا منصور احمد اشاعتی کے سپرد فرمایا ، ان دونوں حضرات نے بڑی محنت سے علامات قیامت سے متعلق تمام احادیث کو جمع کردیا ہے ، اس مقالہ میں وہ احادیث بھی لائی گئی ہیں ، جن میں قیامت کی چھوٹی چھوٹی نشانیوں کو بیان کیا گیا ہے ، اسی طرح وہ احادیث بھی ذکر کی گئی ہیں ، جن میں قیامت کی بڑی بڑی نشانیوں کا ذکر ہے ، یہ مقالہ ۱۵۰ صفحات پر مشتمل ہے ، دونوں مقالہ نگار ۱۴۲۷ ھ میں معہد کے شعبہ حدیث میں داخل تھے۔
حجیتِ حدیث پر بے جا اعتراضات
قرآن کریم کے بعد اسلامی شریعت کا ماخذ احادیثِ رسول ہے ، احادیث کا یہ مقام صدیوں سے مسلم اور غیر متنازعہ رہا ہے ، اسلامی قوانین کی تدوین ، مسائل کے استنباط اوردلائل اخذ کرنے میں احادیث سے بہت زیادہ کام لیا جاتا ہے ، یوں توفقہی آراء کے بارے میں مسلمانوں کا مختلف نقطہ نظر رہا ہے ؛مگر کسی بھی ماہر قانون نے سنت نبوی ا کی حجیت کا کبھی انکار نہیں کیا ؛ لیکن پچھلی صدی سے کچھ لوگوں نے یہ کوشش کی ہے کہ حدیث کی حجیت یا اس کی استنادی حیثیت کے بارے میں ذہنوں میں شکوک و شبہات پیدا کئے جائیں ، جیسا کہ شروع زمانہ میں اس کام کو خوارج و معتزلہ نے کیا ، حالانکہ حدیث کا حجت شرعی ہونا خود قرآن کریم، احادیث رسول ، اجماع اور عقل و قیاس کے ذریعہ ثابت ہے ؛ چنانچہ ضرورت تھی کہ حجیت حدیث پر جو اعتراضات ہیں ان کو ذکر کرکے ان کے جوابات دلائل کے ساتھ دیئے جائیں ، اس اہم کام کو معہد کے ایک فاضل مولانا ثاقب شمیم مظاہری نے انجام دیا اور اس عنوان پر ایک جامع مقالہ تیار کیا ، موصوف نے اپنے مقالہ میں حجیت حدیث اور ان پر اعتراضات کے جوابات کو بیان کیا ہے ، بعض صحابہ اور محدثین پر جو اعتراضات ہیں ، اسی طرح خصوصی طور پر امام ابو حنیفہ پر کئے جانے والے اعتراضات کا بھی جائزہ لیا گیا ہے ، یہ مقالہ چار ابواب ۲۷۵ صفحات پر مشتمل ہے ، موصوف ۱۴۲۶ ھ میں معہد سے فارغ ہوئے۔
حدیثیں ۔۔ جن پر اعتراض کیا جاتا ہے !
شریعت اسلامی کے احکامات ہر طرح کے تعارض و تناقض سے پاک ہیں ؛ کیوں کہ یہ اللہ کی طرف سے نازل کردہ ہیں ، بسا اوقات قرآنی آیات کے مفہوم یا احادیث کے معنی میں بظاہر تعارض معلوم ہوتا ہے ، اس کی بنیاد ، عام طور پر قلت تدبر ہوتا ہے ، اگر تھوڑا غور کرلیا جائے تو وہ اشکال خود بخود رفع ہوجاتا ہے ؛ چنانچہ معہد کے ایک فاضل مولانا محمد نہال اختر قاسمی نے ''حدیثیں ۔۔ جن پر اعتراض کیا جاتا ہے'' کے عنوان سے یہ مقالہ مرتب کیا ہے ،جس میں موصوف نے ان احادیث کو جمع کر دیا ہے ، جن کے معنی کسی قرآنی آیت یا حدیث سے ٹکراتے ہوں ، یا جن پر عقلی نقطۂ نظر سے کوئی اعتراض ہوتا ہے ، یہ مقالہ تقریباً ۲۰۰ صفحات پر مشتمل ہے ، مقالہ کی تیاری میں موصوف نے شروح حدیث کے علاوہ خصوصی طور پر ابن قتیبہ کی ''تأویل مختلف الحدیث'' سے استفادہ کیا ہے ، معہد سے موصوف کی فراغت ۱۴۲۳ ھ کی ہے۔
خواتین اور احادیثِ نبوی ا
مغرب کے غیر منطقی نعروں میں سے ایک نعرہ مساوات مرد و زن کا بھی ہے، یہ نعرہ بظاہر تو بڑا حسین معلوم ہوتا ہے ؛ لیکن حقیقی معنوں میں یہ صنف نازک کا استحصال ہے ؛ لہٰذا ضرورت تھی کہ اسلام نے عورتوں کو جو حقوق دیئے ہیں اور اس کی فطری تقاضوں کو سامنے رکھ کر بعض احکام میں جو فرق کیا گیا ہے ، ان کی وضاحت عقلی و نقلی دلائل اور مغربی معاشرہ کی روشنی میں پیش کیا جائے ؛ تاکہ مسلم خواتین پورے اطمینان سے شرعی احکام پر عمل پیرا ہوں ؛چنانچہ معہد کے ایک فاضل مولانا نور عالم ندوی نے ''خواتین اور احادیثِ نبوی ا '' کے عنوان سے یہ مقالہ تیار کیا ہے ، جس میں خواتین کی عظمت ، خواتین کے حقوق ، خواتین سے متعلق حدیثیں مثلاً ناقصات العقل ، عورت کاٹیڑھی پسلی سے پیدا کیا جانا وغیرہ کی صحیح وضاحت اور مختلف شعبہ ہائے زندگی سے متعلق ان کے خصوصی احکام پر تفصیلی بحث کی گئی ہے ، موصوف نے مقالہ کی تیاری میں تفسیر ، احادیث اور فقہ کی متعدد کتابوں سے استفادہ کیا ہے ، موصوف نے ۱۴۲۵ ھ میں معہد کے شعبۂ حدیث سے فراغت حاصل کی ہے ۔
فن حدیث میں علماءِ دیوبند کی خدمات
ہندوستان سے اسلامی حکومت کے خاتمہ کے بعد ملت اسلامیہ ہندیہ پر گویا ایک امتحانی گھڑی آگئی تھی ؛لیکن اللہ جزاء خیر دے ہمارے بزرگوں کو جنھوں نے بڑی دور اندیشی سے کام لیا اور حکومت اسلامی کے زوال سے اُمت کو جو نقصان پہنچا تھا ، اس کے تدارک کے لئے سرزمین دیوبند میں ایک اسلامی قلعہ کی بنیاد ڈالی ، جس کا مقصد یہ تھا کہ اس میں ایسے افراد پیدا کئے جائیں جو اسلام پر ہونے والے فکری، تہذیبی اور عسکری حملہ کاجواب دے سکیں ؛ چنانچہ اس ادارہ کے فارغین نے جو نمایاں دینی خدمات انجام دی ہیں وہ تاریخ کا ایک زریں باب ہے ، جسے ملتِ اسلامیہ ہندیہ کبھی فراموش نہیں کرسکتی ۔
اگر موضوع کے حساب سے دیکھا جائے تو دیوبند کے علماء کرام کا اصل موضوع فقہ وفتاویٰ رہا ہے؛ لیکن اس کا یہ مطلب نہیں ہے کہ دوسرے علوم میں وہاں کے فضلاء کا حصہ نہیں ؛ بلکہ حقیقت یہ ہے کہ فقہ کے علاوہ حدیث ، تفسیر ، تاریخ، سیرت اور ادب کے موضوع کو بھی وہاں کے فضلاء نے اپنایا ؛ بلکہ حدیث و تفسیر کے میدانوں میں بھی وہاں سے بہت سی ایسی شخصیات پیدا ہوئیں جن کا دنیا نے لوہا مانا ، بانی دارالعلوم مولانا محمد قاسم نانوتویؒ ، مولانا رشید احمد گنگوہیؒ ، مولانا حسین احمد مدنیؒ ، شیخ الہند مولانا محمودحسن دیوبندیؒ ، علامہ انور شاہ کشمیریؒ ، علامہ شبیر احمد عثمانیؒ ، مولانا خلیل احمد سہارنپوریؒ ، مولانا یوسف بنوریؒ ، یہ وہ نمایاں نام ہیں ، جنھیں دنیا اساتذہ فن کی حیثیت سے جانتی ہے اور آج بھی دنیا میں پھیلے ہوئے نہ جانے کتنے خادمین حدیث کا سلسلہ انھیں بزرگوں تک پہنچتا ہے ؛ چنانچہ علماء دیوبند کے حدیثی خدمات کا جائزہ یقیناًایک اہم علمی کام تھا ،جس کو معہد کے ایک فاضل مولانا محمد شمس عالم قاسمی نے بڑی خوبی کے ساتھ انجام دیا ، یہ مقالہ تقریباً ۲۰۰ صفحات پر مشتمل ہے ، جس میں متن حدیث ، شرح حدیث، حواشی حدیث، رجال حدیث وغیرہ الگ عناوین پر علماء دیوبند کی خدمات کا جائزہ لیا گیا ہے ، موصوف کی فراغت معہد سے ۱۴۲۹ ھ مطابق ۲۰۰۸ء کی ہے۔
محدثین بہار اور ان کی حدیثی خدمات
صوبہ بہار شروع ہی سے اپنی مردم خیزی میں بڑا مشہور رہا ہے ،ہر دور میں وہاں ایسے علماء و فضلاء پیدا ہوئے جنھوں نے علم و فن کو سیکھا ہی نہیں ؛ بلکہ استاذ فن رہے ؛ چنانچہ فتاویٰ ہندیہ کے مرتبین میں چار لوگوں کا تعلق سرزمین بہار سے تھا ، مولانا ظہیر احمد شوق نیموی ؒ ، علامہ محب اﷲ بہاری ؒ ، علامہ سید سلیمان ندویؒ ، مولانا منت اللہ رحمانیؒ ، قاضی مجاہد الاسلام قاسمیؒ اوران کے علاوہ دیگر بہت سے علماء کرام اسی صوبہ سے تعلق رکھتے تھے ؛ چنانچہ معہد کے ایک فاضل مولانا عبید اختر رحمانی نے اپنے سندی مقالہ کے لئے '' محدثین بہار اور ان کی حدیثی خدمات'' کا عنوان منتخب کیا ، موصوف نے سرزمین بہار میں ہونے والی حدیثی خدمات اوروہاں کے محدثین کے تذکرہ پر مشتمل تقریباً ۲۰۰ صفحات پر مشتمل یہ مقالہ تیار کیا ہے ، جس میں صوبۂ بہار کے تقریباً ۳۰ محدثین کا تذکرہ آگیا ، بعض تذکرہ مختصر اور بعض طویل ہے ، موصوف نے نزہۃ الخواطر ، تذکرہ علماء بہار اور ان کے علاوہ دیگر اہم کتابوں سے استفادہ کیا ہے ، موصوف کی فراغت معہد شعبہ حدیث سے ۱۴۲۴ ھ کی ہے۔
مختصر شرح معانی الآثار للطحاوی (ابن رشد مالکی)
فن حدیث میں امام ابو جعفر طحاوی کی شرح معانی الآثار نہایت اہم ، مفید اور اپنی نوعیت کی منفرد کتاب ہے ، علامہ ابن رشد مالکی نے اس کی تلخیص مختصر شرح معانی الآثار للطحاوی کے نام سے کی ہے ؛ چنانچہ استاذ محترم مولانا خالد سیف اللہ رحمانی نے شعبہ تخصص فی الحدیث (۱۴۳۰ھ) کے طلبہ کو مختصر شرح معانی الآثار للطحاوی کے مخطوطہ پر کام کی ذمہ داری سونپی ؛ چنانچہ مولانا محمد صادق مہاراشٹری، مولانا محمد صلاح الدین ندوی، مولانا جاوید حسین رشادی، مولانا محمد ملت عالم، مولانامحمد نجاب بن احمد، مولانا محمد سعیدپالن پوری نے اس مخطوطہ پر تحقیق کا کام کیا اور کتاب الطہارۃ کو مکمل کرلیا ہے ، جو تقریباً ۳۳۰ صفحات پر مشتمل ہے۔
مختصر شرح معانی الآثار مع تخریج احادیثہ و تحقیق رجالہ
فن حدیث میں امام ابو جعفر طحاویؒ کی شرح معانی ا لآثار نہایت اہم، مفید اور اپنی نوعیت کی منفرد کتاب ہے ، اس کتاب کی تلخیص، احادیث کی تخریج اور راویوں کی تحقیق کا کام '' مختصر شرح معانی الاثار مع تخریج احادیثہ و تحقیق رجالہ '' کے عنوان سے حضرت مولانا خالد سیف اللہ رحمانی نے ۱۴۲۳ ھ میں شروع کروایا تھا ، الحمدللہ یہ کام پایہ تکمیل کو پہنچ چکا ہے ، جسے مولانا ضیاء الدین ندوی اور مولانا محمد سفیان قاسمی نے کتاب الطہارۃ کے ختم تک کیاہے ، یہ دونوں حضرات ۱۴۲۳ ھ میں معہد کے شعبہ حدیث میں داخل تھے ، جب کہ کتاب الصلاۃ پر مولانا منظور احمد قاسمی ، مولانا خلیل الرحمن ، مولانا محمد رضوان ، مولانا ضیاء الدین خان، مولانا شمس عالم قاسمی، مولانا تحسین الاسلام قاسمی اور مولانا ثاقب شمیم مظاہری نے کام کیاہے اور بقیہ کتاب کا کام مولانا ساجد مفتاحی ، مولانا راشد سہارنپوری ، مولانا ہاشم انور، مولانا ضیاء اللہ نیپالی، مولانا جنید احمد، مولانا غلام مصطفےٰ، مولانا عامر نعمانی، مولانا ضیاء اللہ سہرساوی نے انجام دیا ہے ، ان فضلاء میں سے اکثر کی فراغت ۱۴۲۹ میں ہوئی ہے ، یہ تحقیق تقریباً (۱۰۰۰) صفحات پر مشتمل ہے ۔
مرویات علی ص فی التفسیر
چوتھے خلیفۂ راشد حضرت علی ص حضور اکرم ا کے چچازاد بھائی ہیں ، آپ اکے داماد اور شروع میں اسلام قبول کرنے والوں میں ہیں ،آپؓ ایک طویل عرصہ تک حضور ا کی صحبت میں رہے ؛ اس لئے حضور صلی اللہ علیہ و سلم بہت سی روایات حضرت علی صسے منقول ہیں ، اسی مناسبت سے معہد کے ایک فاضل ملوانا محمد شرف الدین عمران شرفی جو تخصص فی علوم القرآن دوم (۱۴۲۲ھ) کے طالب تھے، انھوں نے تفسیر سے متعلق حضرت علی صکی روایات پر مرویات علی صکے عنوان سے ایک مقالہ ترتیب دیا ،جس میں حضرت علی صکی مرویات کو جمع بھی کیا اورپھران مرویات کی تخریج بھی کردی ہے ، موصوف کا یہ مقالہ ۱۳۰ صفحات پر مشتمل ہے۔
موضوع روایات ۔۔ علامات و احکام اور مثالیں
نبی اکرم صلی اللہ علیہ و سلم کی احادیث شریعت اسلامی کا ماخذ ہیں ؛ لہٰذا ضروری تھا کہ وہ احادیث موضوع اور من گھڑت روایات سے پاک ہوں ، محدثین نے جو اُصول مقرر کئے ہیں، ان کا مقصدبھی یہی ہے کہ احادیث حشو و زوائد سے پاک ہوں ، خود حضور صلی اللہ علیہ و سلم نے احادیث گڑھنے والوں کے لئے سخت وعید بیان فرمائی ہے ، آپ کا ارشاد ہے : '' من کذب علی متعمدا فلیتبوأ مقعدہ من النار'' ۔
اسی پس منظر میں مولانا ساجدالرب مظاہری نے اس موضوع پر ایک مقالہ تیار کیا ، جس میں موصوف نے حدیث کی اہمیت و ضرورت ، وحی کی تعریف اور اس کی قسمیں ، تدوین حدیث ، حدیث موضوع اور اس کے محرکات ، احادیث موضوعہ کی شناخت کا طریقہ ، موضوع احادیث کا حکم اور اس سلسلے میں محدثین کے ارشادات ، نیز اس کا نقصان اور احادیث ضعیفہ و موضوع میں فرق جیسے عنوانات پر تفصیلی گفتگو کی گئی ہے ، آخر میں موصوف نے ان موضوع احادیث کو بھی ذکر کیا ہے جو زبان زد عوام و خواص ہیں ، غرض اس موضوع پر یہ تفصیلی مقالہ ہے ، جس کی ضخامت ۶۰۰ صفحات سے زائد ہے ، موصوف نے یہ مقالہ ۱۴۲۹ ھ میں شعبہ نصوص دوم میں مرتب کیا ہے۔
نواسخ الحدیث علی منہج الفقہاء الحنفیۃ
اللہ تبارک و تعالیٰ نے بندوں کو جو احکام دیئے ہیں وہ سارے کے سارے بندوں کی مصلحتوں پر مبنی ہیں ، چاہے وہ مصلحتیں ہماری سمجھ میں آئیں یا نہ آئیں ، اللہ تبارک و تعالیٰ کبھی ایک حکم ختم کرکے دوسرا حکم دیتے ہیں تو یہ بھی بندوں کی مصلحت اور فائدے کے لئے ہی ہوتا ہے کہ پہلے اُس حکم میں مصلحت تھی تووہ حکم تھا اور اب اِس حکم میں مصلحت ہے تو یہ حکم ہے ، ایک حکم کو ختم کرکے دوسرا حکم دینا یہ نسخ ہے اور نسخ بندوں کامفاد ہی ہے ، امام شافعی ؒ کا قول ہے کہ نسخ اللہ کی رحمت ہے بندوں کے لئے اور اللہ کی طرف سے تخفیف ہے ، نسخ کی مختلف قسمیں ہیں: قرآن کا نسخ قرآن کے ذریعہ ، قرآن کا نسخ حدیث کے ذریعہ ، حدیث کا نسخ قرآن کے ذریعہ اور کبھی حدیث کا نسخ حدیث کے ذریعہ ، جیسے حضور صلی اللہ علیہ و سلم نے قبور کی زیارت سے منع فرمایا تھا ، پھر بعد میں آپ ا نے اجازت دے دی ؛ چنانچہ اسی پس منظر میں نسخ کے جو اصول و احکام اور شرائط ہیں ان کو مولانا محمدحفیظ اللہ قاسمی نے جمع کیا ہے اور ایک جامع مقالہ اس موضوع پر تیار کیا ہے ، جس میں فقہاء احناف کے منہج کے مطابق احادیث کے نسخ کو بیان کیا گیاہے ، موصوف کا یہ مقالہ ۱۲۰ صفحات پر مشتمل ہے ، موصوف ۱۴۲۳ ھ میں معہد کے شعبہ تخصص فی الحدیث سال دوم سے فارغ ہوئے۔
اجتہاد اور تقلید
اجتہاد کی اجازت قرآن و حدیث سے ثابت ہے ؛ کیوں کہ اگر اجتہاد کی اجازت نہ ہوتی تو قرآن و حدیث میں کلیات مذکور نہ ہوتیں ؛ بلکہ جزئیات ہیمذکور ہوتیں ؛ لہٰذا کلیات کا مذکور ہونا اور جزئیات کا زیادہ مذکور نہ ہونا اجازت اجتہاد کی دلیل ہے ؛ لیکن اس کی حد کیا ہے اورکیا آج بھی اس کی ضرورت باقی ہے؟ اسی پس منظر میں مولانا عبدالرحمن قاسمی نے ''اجتہاد و تقلید'' کے نام سے ایک مقالہ ترتیب دیا ہے، جس میں اجتہاد وتقلید کی حقیقت، شرائط ، شرعی حیثیت ، موجودہ دور میں اجتہاد کی شکل اور تقلید کی ضرورت پر تفصیلی روشنی ڈالی ہے، موصوف نے اس مقالہ کو ترتیب دینے میں قرآن و حدیث کے علاوہ اجتہاد و تقلید سے متعلق مستند کتابوں سے استفادہ کیا ہے، موصوف کا یہ مقالہ ۱۵۰ صفحات پر مشتمل ہے ، موصوف ۱۴۲۴ ھ میں معہد کے شعبہ تخصص فی الفقہ میں داخل تھے۔
عمرہ کے احکام
قرآن مجید میں جہاں حج کی فرضیت کا ذکر ہے وہیں پر عمرہ کا بھی ذکر کیا گیا ہے ، جس سے عمرہ کی فضیلت معلوم ہوتی ہے، قرآن میں ہے : '' وأتمو الحج والعمرۃ ﷲ'' ۔۔۔ آیت مذکورہ میں حج و عمرہ دونوں کے اہتمام کا حکم دیا گیا ہے ، نیز احادیث میں بھی عمرہ کی فضیلت مذکور ہے ؛ چنانچہ موضوع کی اہمیت کے پیش نظر ضرورت اس بات کی تھی کہ عمرہ کے احکام و مسائل ایک جگہ جمع کردیئے جائیں ؛ تاکہ اس سے استفادہ آسان ہو ، اسی پس منظر میں معہد کے ایک فاضل مولانا غلام یزدانی اشاعتی نے احکام العمرہ کے عنوان سے یہ مقالہ ترتیب دیا ہے ، اس مقالہ میں موصوف نے عمرہ کی فضیلت، عمرہ کا حکم اور عمرہ سے متعلق تمام مسائل کو جمع کردیا ہے ، موصوف کا یہ مقالہ ۲۰۰ صفحات پر مشتمل ہے ، موصوف ۱۴۲۲ میں معہد سے فارغ ہوئے۔
قضایا فقھیۃ في المعاملات المالیۃ المعاصرۃ
( مالی معاملات سے متعلق جدید مسائل کے شرعی احکام)
علماء نے احکامات کی درجہ بندی کی ہے اور معاملات کی نوعیت کے اعتبار سے اس کی مختلف قسمیں کی ہیں، انھیں میں سے ایک قسم وہ ہے جس کو '' معاملات '' سے تعبیر کیا جاتا ہے، اس میں دراصل دو اشخاص کے درمیان مالی معاہدہ پر مبنی تعلقات کو زیربحث لایا جاتا ہے۔
عصر حاضر میں جب کہ معاملات کی نئی نئی شکلیں وجود میں آرہی ہیں اور لوگ اسلام کے مالی نظام کو سمجھنا ؛ بلکہ برتنا چاہ رہے ہیں، اس موضوع کی اہمیت کافی بڑھ جاتی ہے اور علماء پر یہ ذمہ داری عائد ہوتی ہے کہ وہ اس موضوع کواور زیادہ منفح اور قابل عمل انداز میں پیش کریں ؛ تاکہ آج دنیا جس طرح سود میں ملوث ہے ، اس سے اس کو نکالا جاسکے ، گو اس عنوان پر ایک معتدبہ لٹریچر موجود ہے ؛ لیکن اب بھی اس میدان میں جدید انداز سے مزید تحقیق کی ضرورت تھی ؛ چنانچہ معہد کے ایک فاضل مولانا ولی الدین رشادی نے مالی معاملات سے متعلق جدید مسائل کے شرعی احکام پر عربی میں کام کیا ہے اور بیع کی تمام قسموں کو کافی تفصیل سے لکھا ہے ، درمیان میں نئے معاملات پر ان کی تطبیقی شکلوں کو بھی واضح کیا ہے ، اس طرح کرنسی نوٹ ، چیک کی شرعی حیثیت وغیرہ جیسے عنوانات کو بھی انھوں نے اپنی بحث و تحقیق کا موضوع بنایا ہے ، مقالہ کل ۲۲۵ صفحات پر مشتمل ہے ، موصوف کی فراغت معہد سے ۱۴۲۳ھ کی ہے۔
احکام زکوٰۃ فقہ شافعی کی روشنی میں !
اسلام کے پانچ ارکان میں سے ایک رکن زکوۃ ہے، زکوۃ کی اہمیت کا اندازہ اس بات سے لگایا جاسکتا ہے کہ قرآن میں جہاں جہاں نماز قائم کرنے کاحکم دیا گیا ہے تقریباً ہر جگہ زکوٰۃ ادا کرنے کا بھی حکم دیا گیا ہے ، قرآن پاک اور احادیث میں زکوٰۃ ادا نہ کرنے والوں کے لئے سخت وعیدیں بھی وارد ہوئی ہیں ؛ لیکن عجیب بات ہے کہ مسلمانوں کی ایک بڑی تعداد ایسی ہے جو اس سلسلہ میں اب بھی بہت زیادہ کوتاہیوں کی شکار ہے ، اس لئے ضرورت اس بات کی تھی کہ کتابت و خطابت کے ذریعہ اس کی اہمیت لوگوں میں پیدا کی جائے؛ چنانچہ معہد کے ایک فاضل مولانا محمد عادل علی حسینی نے ''احکام زکوٰۃ'' کو اپنے سندی مقالہ کا موضوع بنایا اور فقہ شافعی کی روشنی میں احکام زکوۃ کو جمع کرنے کی ایک کامیاب کوشش کی ہے، موصوف نے مقالہ کی تیاری میں فقہ شافعی کی اہم ترین کتابیں مثلاً روضۃ الطالبین، اعانۃ الطالبین، المجموع، المھذب وغیرہ کے علاوہ دیگر مصادرفقہیہ سے بھی استفادہ کیا ہے ، مقالہ تقریباً ۲۵۰ صفحات پر مشتمل ہے ، موصوف کی فراغت معہد سے ۱۴۲۴ھ کی ہے۔
اعتکاف کے احکام
اللہ تعالیٰ نے انسانوں کو اس دنیا میں اپنی عبادت کے لئے پیدا کیا ہے ، اور عبادت کے مختلف طریقے بتائے ہیں ، جن کے ذریعہ انسان اپنی بندگی کا اظہار اور اللہ سے اپنے تعلق کو استوار کرتا ہے ؛ لیکن چوں کہ انسان کے ساتھ اور دیگر ضروریات بھی لگی ہوئی ہیں اس لئے بسااوقات یکسوئی کی وہ کیفیت باقی نہیں رہتی جو مطلوب ہے ؛ اس لئے اللہ نے عبادت کی ایک ایسی شکل بھی عطا کی ہے ، جس میں انسان تمام تعلقات سے کٹ کر اللہ کے دربار میں پڑجاتا ہے ، جس کو اعتکاف سے تعبیر کرتے ہیں ، اعتکاف چوں کہ ایک اہم عبادت ہے ؛ لہٰذا اس کے تعلق سے بھی ایک تفصیلی کتاب کی ضرورت تھی ؛ چنانچہ معہد کے ایک فاضل مولانا عبیداللہ قاسمی نے ''احکام الاعتکاف'' کے عنوان سے اس موضوع پر تفصیلی مقالہ لکھاہے ، موصوف نے اعتکاف سے متعلق تمام مسائل کا احاطہ کرنے کی کوشش کی ہے ، مقالہ تقریباً ۱۳۸ صفحات پر مشتمل ہے ، موصوف کی معہد سے فراغت ۱۴۲۲ ھ کی ہے۔
احکام الاعضاء فی الفقہ الاسلامی
اسلامی احکام کا ایک حصہ وہ ہے جس میں اس بات سے بحث کی گئی کہ انسان کی ظاہری ہیئت کس انداز کی ہو، فقہاء عام طور پر ان بحثوں کو ''کتاب الحظر والاباحۃ'' یا ''کتاب الکراہیۃ '' وغیرہ کے عنوان سے بیان کرتے ہیں ؛ چنانچہ معہد کے ایک فاضل مولانا مظفرالدین قاسمی نے بھی احکام الاعضاء کے عنوان سے سر کے بال سے لے کر پیر کے ناخن تک تمام انسانی اعضاء سے متعلق فقہی احکام کو اپنے مقالہ کا موضوع بنایا ، موصوف کا مقالہ تقریباً ۱۵۰ صفحات پر مشتمل ہے ، موصوف کی فراغت معہد سے ۱۴۲۲ ھ کی ہے۔
احکام رمضان المبارک ۔۔ فقہ شافعی کی روشنی میں !
روزہ خدا سے اظہار محبت کی ایک پیاری شکل ہے ، روزہ کا مقصد روح و نفس کا تزکیہ ، اور رضائے خداوندی کے لئے صبر و شکیب کی کیفیت کا حاصل کرنا اور اپنی زندگی کو تقویٰ کی خوشبو سے معطر کرنا ہے، روزہ سے متعلق جو احکام قرآن و حدیث میں وارد ہیں اور جنھیں فقہاء نے ایک مرتب نظام کی شکل دی ہے، اس کا منشاء یہ ہے کہ ہر انسان کے لئے اس پر عمل آسان ہو ؛ تاہم ضرورت تھی کہ ان مسائل کو اُردو کا قالب دیا جائے اور لوگوں کے لئے عام فہم بنایا جائے ؛ چنانچہ مولانا محمد اشفاق قاضی حسین نے اپنا سندی مقالہ انھیں احکام پر مرتب کیا ہے، موصوف نے اس مقالہ کو فقہ شافعی کے موافق ترتیب دیا ہے ، جس میں رویت ہلال ، روزہ کے واجبات، روزہ نہ رکھنے کے اعذار، روزہ سے متعلق نئے مسائل، نماز تراویح، اعتکاف، صدقۃ الفطر، عیدالفطر وغیرہ سے متعلق مسائل پر روشنی ڈالی گئی ہے ، موصوف کا یہ مقالہ تقریباً ۲۵۰ صفحات پر مشتمل ہے، موصوف ۱۴۲۳ ھ میں معہد کے شعبہ تخصص فی الفقہ میں داخل تھے۔
احکامِ میت
اسلام ایک ایسا دستور ہے جو پیدائش سے لے کر موت تک بلکہ موت کے بعد تک انسانوں کی رہنمائی کرتا ہے ؛ چنانچہ کتبِ فقہ میں بہت سے ایسے مسائل اور احکام ہیں جو میت سے متعلق ہیں ، جیسے تجہیز، تکفین اور تدفین وغیرہ ،گو فقہی کتابوں میں یہ احکام درج ہیں ؛ لیکن ضرورت تھی کہ احکام میت سے متعلق کوئی مقالہ مستقل تیار ہو ؛ چنانچہ مولانا رئیس احمد شافعی نے ''احکام میت'' کے عنوان سے یہ مقالہ تیار کیا ، جس میں تجہیز ، تکفین و تدفین اور ان کے علاوہ وراثت و وصیت سے متعلق مسائل و احکام پر تفصیلی روشنی ڈالی گئی ہے، موصوف کا یہ مقالہ تقریباً ۱۵۰ صفحات پر مشتمل ہے ، موصوف ۱۴۲۲ ھ میں معہد کے شعبہ تخصص فی الفقہ میں داخل تھے۔
اسلام کا قانون تعزیر
اسلام جہاں یہ چاہتا ہے کہ ساری دنیا شرک و بت پرستی سے پاک ہوجائے اور ساری انسانیت خدائے وحدہ لاشریک کی متبع و پیروکار ہوجائے، وہیں یہ بھی چاہتا ہے کہ ساری دنیا میں انسانی معاشرہ صالح ، معیاری اور مثالی اور جرائم و فواحش اور دیگر منکرات سے پاک وصاف ہوجائے ، اسلام نے جن جرائم پر سزا جاری کرنے کا حکم دیا ہے دراصل ان سزاؤں کا مقصد حقوق انسانی کاتحفظ ہے ، اسی مناسبت سے مولانا مناظر احسن قاسمی نے ''اسلام کا قانون تعزیر'' کے عنوان سے یہ مقالہ ترتیب دیا ہے ، موصوف ۱۴۲۵ ھ میں المعہد کے شعبہ تخصص فی الفقہ دوم میں داخل تھے ، اس مقالہ میں تعزیر ، حدود اور قصاص کی تعریف ، ان کا ثبوت، حکمت ومصلحت، ان کے فوائد و اقسام اور ان سے متعلق اسلامی احکام پر تفصیلی روشنی ڈالی گئی ہے ، نیز اسلامی تعزیرات اور دیگر مذاہب میں جرائم پر مقرر کردہ سزاؤں کا تقابل کرتے ہوئے مخالفین کے اعتراضات کا جواب بھی دیا گیا ہے ، مؤلف کا یہ مقالہ پانچ ابواب اور ۲۰۵ صفحات پر مشتمل ہے۔
اسلام میں تشبہ کے احکام
اسلام ایک ایسا نظام حیات ہے، جس نے مسلمانوں کی ہر سمت میں رہنمائی کی ہے اورمسلمانوں کو کسی دوسرے نظام کی اتباع کا محتاج نہیں رکھا ؛ اس لئے مسلمانوں کے لئے جائز نہیں کہ وہ کسی غیر قوم مذہبی شعار میں ان کی مشابہت اختیار کریں ، جیسا کہ حضور اکرم صلی اللہ علیہ و سلم کا ارشاد ہے : '' من تشبہ بقوم فھو تنھم'' اسی پس منظر میں مولوی نورالاسلام اشاعتی نے ایک مقالہ ''اسلام میں تشبہ کے احکام'' کے عنوان سے تیار کیاہے ، جس میں تشبہ سے متعلق احکامات کو جمع کردیا ہے، موصوف کی یہ کاوش تقریباً ۱۸۰ صفحات پر مشتمل ہے ، موصوف ۱۴۲۴ ھ میں معہد کے شعبہ تخصص فی الفقہ میں داخل تھے۔
استحالہ ۔۔ احکام فقہیہ میں تبدیلئ حقیقت کے اثرات
اسلام میں طہارت و نظافت کو نصف ایمان سے تعبیر کیا گیا ہے اور ہر طرح کی نجاست سے بچنے کا حکم دیا گیا ہے ، اسی لئے فقہاء کتب فقہ کا آغاز اسی طرح اصحاب سنن اپنی کتابوں کا آغاز عام طور سے ابواب الطہارۃ سے ہی کرتے ہیں ،یوں تو ہر طرح کی نجس اور حرام چیزوں سے اجتناب ہر مومن کی ذمہ داری ہے ؛لیکن موجودہ زمانے میں ایک اہم مسئلہ یہ سامنے آیا ہے کہ بعض روز مرہ کے استعمال کی چیزوں میں بھی نجس اور حرام چیزوں کا استعمال مختلف تبدیلیوں سے گزارنے کے بعد کیا جانے لگا ہے۔ اب فقہاء کے قدیم سرمایہ کو سامنے رکھ کر اس بات کا فیصلہ کرنا ہے کہ آیا ان چیزوں سے کلی طور پر اجتناب کیا جائے ، یا پھر ان چیزوں کے استعمال کی گنجائش اس وجہ سے نکل سکتی ہے کہ ان میں حرام چیزوں کا استعمال بعینہٖ نہیں کیا جاتا ؛ بلکہ کئی تبدیلیوں سے گزارنے کے بعد کیا جاتا ہے ؛ معہد کے ایک فاضل مولانا محمد قاسم برطانوی نے ''استحالہ'' کے عنوان سے اسی موضوع پر اپنا مقالہ مرتب کیا ہے ، موصوف نے استحالہ فقہاء کی نظر میں ، چربی آمیز صابن کا استعمال ، الکحل کی حقیقت وغیرہ جیسے عنوانات کو سامنے رکھ کر ۱۰۶ صفحات کا مقالہ تیار کیا ہے ، موصوف کی معہد سے فراغت ۱۴۲۶ھ کی ہے۔
أصول السرخسی تحقیقاًو تعلیقاً
اُصولِ فقہ کی کتابوں کو لکھنے کے جو تین اُسلوب ہیں ان میں سے ایک اُسلوب وہ ہے جس کو ''طریقۃ الفقھاء'' یا ''طریقۃ الحنفیۃ'' کہا جاتا ہے ، جس میں جزئیات کو بنیاد بناکر اُصول مرتب کئے جاتے ہیں ، اس اُسلوب پر لکھی جانے والی کتابوں میں سے ایک اہم کتاب اصول السرخسی( از ابوبکر محمد سرخی م : ۴۹۰ھ) ہے ، یہ کتاب پہلی بار مولانا ابوالوفاء افغانی کی تحقیق سے شائع ہوئی ہے ، کتاب کی اہمیت کے پیش نظر معہد کے ایک فاضل مولانا ابو قمر صدیقی ندوی نے اس کو اپنی تحقیق کا موضوع بنایا اور احادیث و آیات کی تخریج ، رجال کی تحقیق، مشکل الفاظ کی تشریح اور اصطلاحی کلمات کی توضیح کاکام کیا ہے ،کتاب کے آخر میں آیات و احادیث ، اماکن اور اصطلاحات حدیث و فقہ کی فہرست بھی دی ہے ، یہ مقالہ ۲۱۹ صفحات پر مشتمل ہے ، موصوف کی فراغت معہد سے ۱۴۲۵ ھ کی ہے۔
التحقیق والتعلیق علی الفتاوی الغیاثیۃ
فتاویٰ غیاثیۃ کا شمار فقہ حنفی کی مختصر ؛ لیکن جامع کتابوں میں ہوتا ہے ، جس میں مصنف علیہ الرحمہ نے ایک ہی جلد میں تمام ابواب فقہ کے اہم مسائل کو جمع کردیا ہے ؛ اس لئے ضرورت اس بات کی تھی کہ اس کتاب پر جدید انداز میں تحقیق و تعلیق کا کام کیا جائے ؛ تاکہ اس کی افادیت دو چند ہوجائے ؛ چنانچہ معہد کے دو فاضل مولانا الیاس احمد اور مولانا طفیل احمد قاسمی نے مل کر اس اہم کام کو انجام دیا ، ان دونوں حضرات نے کتاب میں واقع آیات و احادیث کی تخریج، فقہی مسائل کی توثیق، رجال کا ترجمہاور مشکل الفاظ کی تشریح بڑے اچھے انداز سے کی ہے ، تحقیق و تعلیق کے لئے تفسیر، احادیث، فقہ، اسماء الرجال اور لغت کی اہم کتابوں سے استفادہ کیا گیا ہے ، دونوں حضرات کے کام کی مجموعی مقدار ۱۰۰۰ صفحات کے قریب ہے ، معہد سے مولانا الیاس احمد کی فراغت ۱۴۲۷ ھ کی اور مولانا طفیل احمد قاسمی کی فراغت ۱۴۲۸ ھ کی ہے۔
التحقیق علی الأدلۃ الشریفۃ علی مذھب الإمام أبی حنیفۃ
مسلک حنفی پر ایک اعتراض یہ کیا جاتا ہے کہ یہاں قیاس سے زیادہ کام لیاجاتا ہے اوراحادیث پر قیاس کو مقدم کیا جاتا ہے ؛ حالاں کہ احناف کا اُصول یہ ہے کہ اگر کسی مسئلہ میں مرسل روایت بھی مل رہی ہو تو اس پر عمل کیا جائے گا اور اس وقت قیاس سے کام نہیں لیا جائے گا اور مسلک کی تدوین میں اسی اُصول کو اپنا کر مسائل کا استنباط ہوا ہے ؛ چنانچہ نویں صدی ہجری کے ایک عالم دین محمد بن عبداللہ الوری الحنفی نے ''الأدلۃ الشریفۃ علی مذھب الإمام أبی حنیفۃ'' کے عنوان سے ایک کتاب تصنیف فرمائی ، جس میں اُنھوں نے حدیث کی معتبر کتابوں سے اختلافی مسائل میں احناف کے مستدلات کو جمع کرکے احناف پر ہونے والے اس اعتراض کا علمی جواب پیش کیا ہے۔ یہ کتاب اب تک مخطوطہ کی شکل میں ہے ، اس کتاب کی پہلی جلد (جو عبادات اور احوالِ شخصیۃ پر ہے) کا مخطوطہ مدینہ منورہ کے ایک کتب خانہ سے حاصل ہوا ، جو تقریباً ۵۵۰ صفحات پر مشتمل ہے ، اس کتاب پر تحقیق و تعلیق کے لئے حضرت الاستاذ مولانا خالدسیف اللہ رحمانی دامت برکاتہم نے معہد کے آٹھ فضلاء کو مقرر کیا ، ان حضرات نے احادیث کی مختلف مستند کتابوں سے احادیث کی تخریج ،رجال کا ترجمہ، مشکل الفاظ کا حل ،اہم فقہی مراجع سے مسائل کی توثیق کا کام بڑے اچھے ڈھنگ سے انجام دیا ہے ، ان تمام فضلاء کی فراغت معہد سے ۱۴۲۸ ھ کی ہے ، ذیل میں فضلاء کے نام، کام کی مقدار اور مخطوطہ کے کتنے صفحات پر کن کن فضلاء نے کام کیا ہے ، اس کو ذکر کیا جاتا ہے :
فرقان احمد فلاحی
۴۸
( مخطوطہ : ۱تا۱۵)
عبداللہ دکتور شفیق احمد
۲۱۰
( مخطوطہ : ۲۴تا ۴۸)
محفوظ الرحمن حافظ سراج احمد
۲۰۹
( مخطوطہ : ۴۸تا ۷۷ ، ۲۶۹تا ۳۲۷ )
بلال احمد آکولہ
۳۰۰
( مخطوطہ : ۷۷ تا ۱۴۱)
منصور احمد بشیر
۳۴۶
( مخطوطہ : ۲۰۴تا ۲۶۹ )
عرفان عبدالشکور
۱۶۹
( مخطوطہ : ۳۲۸ تا ۳۸۹ )
جابر خان اشاعتی
۳۰۰
( مخطوطہ : ۴۴۹ ۔۵۲۷ )
محمد محبوب الرحمن
۳۲۱
( من باب تکبیر التشریق الی الجنائز ومن نوافض الوضوء )
التحقیق والتعلیق علی الفوائد الظھیریۃ
مسالک اربعہ میں فقہ حنفی کو یہ امتیاز حاصل ہے کہ ایک زمانے تک اسے سرکاری مسلک کے طور پر اختیار کیا گیا اور اس کی روشنی میں تمدنی ترقی کی بنیاد پر مختلف شعبہ ہائے زندگی میں اُٹھنے والے نئے مسائل کا جواب تلاش کیا گیا ، فقہ حنفی کی جزئیات کا احاطہ بہت سی کتابوں میں کیا گیا ہے ، جن میں فتاوی ہندیہ ، ردالمحتار، البحر الرائق، الفتاوی التاتارخانیۃ اس سلسلہ کی اہم کتابیں مانی جاتی ہیں ، ساتویں صدی ہجری کے عالم دین علامہ محمد بن احمد بن عمر ظہیرالدین بخاری (متوفی : ۶۱۹ھ) کی کتاب ''فوائد ظہیریۃ'' میں بھی فقہ حنفیکی جزئیات کی کثرت ہے ؛ لیکن افسوس کہ یہ اب تک مخطوطہ کی شکل میں تھی ، حضرت الاستاذ مولانا خالد سیف اللہ رحمانی دامت برکاتہم نے اس اہم کتاب پر تحقیق و تعلیقکے لئے معہد کے چند فضلاء مولانا محمد احمد قاسمی، مولانامحمد نہال اختر مظاہری، مولانامحمد سلمان قاسمی، مولانامحمد منصور باندوی، مولانامحمد طارق الواجدی، مولانامحمد عامر مظہری، مولانامحمد شمیم نظامی قاسمی، مولاناعبدالجبار ندوی، مولاناصابر آزاد قاسمی، مولانامحمد افروز قاسمی کو مقرر کیا ، ان حضرات نے آیات و احادیث کی تخریج، مسائل کی توثیق، رجال کا ترجمہ اور تحقیق کا کام بحسن و خوبی انجام دیا ، کتاب کی تحقیق میں حدیث و فقہ اور اسماء الرجال کی اہم کتابوں سے استفادہ کیا گیا ہے ان حضرات کی فراغت معہد سے ۱۴۳۱ ھ کی ہے۔
تحقیق حسامی
اُصولِ فقہ کی مشہور کتابوں میں ایک نام حسامی کا بھی ہے ، شروع سے ہی علماء نے اس سے اعتناء کیا ہے اور آج بھی اس کی مقبولیت میں کوئی کمی نہیں آئی ہے ؛ چنانچہ اکثر مدارس اسلامیہ میں یہ کتاب داخل نصاب ہے ، علماء و محققین نے اس پر مفید حواشی لکھے ہیں ؛ لیکن پھر بھی جدید انداز میں تحقیق کا کام باقی تھا ، معہد کے ایک فاضل مولانا عبیداللہ کٹکی نے اس کتاب پر بڑی محنت سے کا کام کیا ہے ، کتاب میں واقع آیات و احادیث کی تخریج ، مشکل الفاظ کی تشریح، رجال کی تحقیق اور حالات کا مختصر تذکرہ کیا ہے ، کتاب کی تحقیق میں موصوف نے اہم مراجع سے استفادہ کیا ہے ، موصوف کا کام تقریباً ۲۰۰ صفحات پر مشتمل ہے ، معہد سے موصوف کی فراغت ۱۴۲۲ھ میں ہوئی۔
تحقیق مختصر القدوری
فقہ حنفی میں جن چار متون کو سب سے زیادہ مستند قرار دیا گیا ہے ، ان میں سے ایک مختصر القدوری بھی ہے ، یہ کتاب علامہ ابوالحسین احمد بن محمد قدوری بغدادیؒ (متوفی : ۴۲۸ھ) کی ہے ، جو برصغیر میں واقع اکثر مدارس میں شامل نصاب ہے ، علماء نے اس کتاب کے مختلف حواشی بھی لکھے ہیں ؛ لیکن پھر بھی جدید انداز سے تحقیق کا کام باقی تھا ؛ چنانچہ معہد کے ایک فاضل مولانا محمد الیاس فلاحی نے اس کتاب پر تحقیق کا کام کیا ہے ، کتاب میں واقع آیات و احادیث کی تخریج، مشکل الفاظ کی تشریح ، رجال کی تحقیق اور مختصر حالات کا تذکرہ، دوسرے اہم مراجع سے مسائل کی توثیق میں موصوف نے بڑی دقت نظر سے کام لیا ، کتاب کی تحقیق میں موصوف نے اہم مراجع کو سامنے رکھا ہے ، خصوصی طور پر مسائل کی تحقیق میں موصوف نے بدائع ، البحرالرائق ، فتح القدیر وغیرہ اہم مراجع سے استفادہ کیا ہے ، یہ تحقیق کا کام تقریباً ۳۰۰ صفحات پر مشتمل ہے ، معہد سے موصوف کی فراغت ۱۴۲۱ھ کی ہے۔
تصویر ۔۔ صورتیں اور احکام
اللہ کے رسول صلی اﷲ علیہ وسلم کا ارشاد ہے کہ قیامت کے دن تصویر بنانے والے کو سخت عذاب ہوگا ، (بخاری باب التصاویر : ۵۹۵) اس کے علاوہ اور بھی حدیثیں ہیں ، جن میں تصویر بنانے والوں کے لئے وعیدیں وارد ہوئی ہیں ؛ لیکن کیا یہ حکم مطلق ہے یا مقید ؟ اسی طرح موجودہ زمانے میں جو ڈیجیٹل تصاویر چلتی ہیں ، کیا وہ بھی اس میں شامل ہیں؟ اگر ضرورت شدیدہ کی بنیاد پر تصویر کھینچوانی ضرورت پڑے تو اس کا کیا حکم ہے؟ یہ وہ مباحث ہیں جن کے تعلق سے منتشر مواد تو مل جاتا ہے ؛ لیکن ضرورت اس بات کی تھی کہ ان سب مباحث کو اکٹھا کردیا جائے ، خصوصی طور پر اردو میں اس موضوع پر کسی تفصیلی کتاب کی ضرورت تھی ؛ چنانچہ معہد کے ایک فاضل مولانا امتیاز احمد سبیلی نے ''تصویر ۔۔ صورتیں اور احکام'' کے عنوان سے اپنا سندی مقالہ مرتب کیا ، موصوف نے مسائل کو ائمہ اربعہ کے اقوال کی روشنی میں ذکر کیا ہے اور تمثال، رسم، وثن، اقسام تصویر، سایہ دار تصویر، غیر سایہ دار تصویر، تصاویر کی خرید و فروخت، ٹی وی کی تصویر وغیرہ جیسے عنوانات کے تحت تصویر سے متعلق زیادہ سے زیادہ مسائل کا احاطہ کرنے کی کوشش کی ہے ، مقالہ کل ۵۶۵ صفحات پر مشتمل ہے ، مقالہ کی تیاری میں موصوف نے تفسیر ، حدیث اور فقہ کے اہم مراجع کے علاوہ فتاوی کی کتابوں سے خصوصی طور پر استفادہ کیا ہے ، موصوف کی فراغت معہد سے ۱۴۲۹ھ کی ہے۔
جدول المذاہب الاربعۃ
حضرت الاستاذ مولانا خالد سیف اللہ رحمانی دامت برکاتہم کو اللہ تعالیٰ نے جدید علمی تصنیف و تالیف کا جو ملکہ عطا فرمایا ہے اس کا اعتراف تمام اہل علم حضرات کرتے ہیں ، اسی طرح آپ کی نگرانی میں ہونے والے تصنیفی و تالیفی کام بھی منفرد نوعیت کے ہوتے ہیں، فقہی جزئیات میں مسالک اربعہ کے درمیان جو اختلافات پائے جاتے ہیں ان سے ہر صاحب علم واقف ہے کہ بسا اوقات ان کا یاد رکھنا اور بوقت ضرورت ان کے اصل مصادر سے استخراج بڑا مشکل مرحلہ ہوتا ہے ، اسی وجہ سے بعض ایسی فقہی تالیفات وجود میں آتی ہیں جن میں مسالک اربعہ کے مسائل و دلائل کو ذکر کیا گیا ہے ؛ تاکہ بوقت ضرورت ان سے استفادہ آسان ہو۔
معہد کے چند فضلاء مولانا عبداللہ مظاہری ، مولانا منور سلطان ندوی ، مولانا نثار احمد ندوی قاسمی، مولانا نعمت اللہ قاسمی اور مولانا ابرار احمد قاسمی ( فراغت : ۱۴۲۳ ھ ) پر مشتمل ایک ٹیم نے بھی اسی طرح کے ایک اہم کام کا آغاز کیا اور ''جدول المذاہب الأربعۃ'' کے عنوان سے مواد جمع کرنا شروع کیا ، ۱۵۰ صفحات میں مواد جمع کیا گیا ؛ لیکن یہ کام چوں کہ کافی وسیع تھا ، اس لئے مدتِ تعلیم کے درمیان یہ کام مکمل نہ ہوسکا ، اگر یہ کام مکمل ہوجائے تو افتاء کا کام کرنے والوں کے لئے یہ عظیم سرمایہ ہوگا۔
حیوانات کے فقہی احکام
زندگی کے ہر ہر شعبہ اور کائنات کی ہر ہر مخلوق کے متعلق جتنی واضح اور آسان تعلیمات اسلام میں ملتی ہیں وہ کہیں اور نہیں ملتیں ، اسلام نے جہاں انسانوں کے حقوق و فرائض کی نشاندہی کی ہے وہیں حیوانات سے متعلق بھی اس کی تعلیمات بالکل صاف اور بے غبار ہیں ، جیسے جانوروں کی زکوٰۃ، جانوروں کی خرید و فروخت ، جانوروں کی پاکی و ناپاکی اور جانوروں کے علاج و معالجہ کے احکام وغیرہ ، اسی لئے جہاں اسلام نے انسان کو اشرف المخلوقات بناکر دوسری مخلوقات کو اس کا خادم بنایا ہے ، وہیں انسان کو اس بات کا بھی مکلف بنایا ہے کہ جب وہ کسی جانور کو پالے ، یا اس سے خدمت لے تو اس کی تمام ضروریات کا پورا پورا خیال رکھے ، اسی پس منظر میں ''حیوانات کے فقہی احکام'' کے عنوان سے مولانا ابرار احمد قاسمی نے ایک مقالہ تیار کیا ہے ، جس میں حیوانات کو ایذا رسانی کی ممانعت ، حلال و حرام پرندے اور جانوروں کی تفصیل، ذبح کے مختلف طریقے اور ان سے متعلق احکام ، جانوروں کے اجزاء بدن سے متعلق احکام ، جانوروں کی زکوٰۃ اور جانوروں کی خرید و فروخت سے متعلق احکام تفصیل سے بیان کئے ہیں ، یہ مقالہ ۱۱۵ صفحات پر مشتمل ہے ، مقالہ نگار ۱۴۲۳ھ میں معہد کے شعبہ تخصص فی الفقہ دوم میں شامل تھے۔
خواتین کے احکام
اسلام دین فطرت ہے، اس میں انسانوں کی فطری صلاحیتوں کو سامنے رکھ کر احکام مشروع کئے گئے ، خواتین پر فطری طور پر کچھ ایسے حالات پیش آتے ہیں جو اسی صنف کے ساتھ خاص ہیں ؛ لہٰذا اسلام نے ان حالات کے لئے الگ سے ان کی رہنمائی کی ہے ؛ چنانچہ معہد کے ایک فاضل مولانا ابو قمر قاسمی نے اپنے سندی مقالہ کے لئے ''خواتین کے احکام'' کا عنوان منتخب کیا اور طہارت ، عبادات، نکاح، طلاق، عدت اور میراث وغیرہ سے متعلق اہم مسائل کو جمع کیا ہے ، مقالہ تقریباً ۳۵۰ صفحات پر مشتمل ہے ، مقالہ کی تیاری میں موصوف نے تفسیر ، حدیث اور فقہ کے تقریباً ۱۵۰ اہم مراجع سے استفادہ کیا ہے، موصوف کی معہد سے فراغت ۱۴۲۳ ھ کی ہے۔
دکن کی فقہی خدمات
ہندوستان کے جن علاقوں میں اب بھی عہد اسلامی کے نقوش اور عظمت رفتہ کی علامتیں پائی جاتی ہیں ان میں ایک نمایاں نام دکن کا ہے ، دکن کا علاقہ شروع ہی سے اپنی علم دوستی اور تہذیب و شائستگی کی وجہ سے مشہور رہا ہے، اس علاقے میں بھی بے شمار علماء و فضلاء پیدا ہوئے جن کے علم کا دنیا نے لوہا مانا ؛ چنانچہ معہد کے ایک فاضل مولانا محمد آصف ندوی نے اپنے سندی مقالہ کے لئے جو مقالہ لکھا ، اس کا عنوان ہے ''دکن کی فقہی خدمات'' موصوف نے علوم اسلامی میں سے ایک فن کو منتخب کرکے اسی کو اپنی بحث و تحقیق کا موضوع بنایا اور اہل دکن کے قلم سے نکلی ہوئی تقریباً ۷۲ فقہی کتابوں کا تعارف پیش کیا ہے ، مقالہ کی تیاری میں مقالہ نگار نے حیدرآباد میں واقع اہم کتب خانوں سے استفادہ کیا ، مقالہ تقریباً ۱۵۰ صفحات پر مشتمل ہے ، موصوف معہد سے ۱۴۲۴ ھ میں فارغ ہوئے ۔
تخریج احادیث رسالہ 'فضائل نماز'
فضائل اعمال حضرت مولانا شیخ زکریا صاحبؒ کی گرانقدر اور مقبول عام تصنیف ہے ، حضرت ؒ نے اس کتاب میں مختلف ابواب سے متعلق فضائل پر بحث کی ہے اور احادیث سے ان فضائل کو ثابت کیا ہے اور چوں کہ فضائل اعمال کی اکثر احادیث جو شیخ نے فائدہ کے ذیل میں ذکر کی ہیں ، ان کی تخریج نہیں ہوئی تھی ، جس کی وجہ سے بعض لوگوں کی طرف سے یہ پروپیگنڈہ کیا گیا کہ فضائل اعمال کی احادیث موضوع ہیں ؛ اس لئے ضرورت محسوس کی گئی کہ ان احادیث کی تخریج کردی جائے ؛ تاکہ حضرت شیخ کا جو فیض فضائل اعمال کے ذریعہ جاری ہے وہ دائم رہے ، اسی کے پیش نظر مولانا وسیم الدین رشادی نے جو ۱۴۲۲ ھ میں معہد کے شعبہ حدیث دوم میں داخل تھے ،' رسالہ فضائل نماز ' کے نام سے فضائل اعمال کے ایک حصہ فضائل نماز کی احادیث کی تخریج کردی ہے ، موصوف کا یہ رسالہ ۷۷ صفحات پر مشتمل ہے۔
سوداور سودی مروج معاملات
قرآن مجید میں صراحت و تاکید کے ساتھ سود کی ممانعت کا حکم آیا ہے اور حدیثیں بھی بکثرت اس کی مذمت میں وارد ہوئی ہیں ، ان سب کے باوجود آج دنیا سودی معاملات میں اتنا آگے بڑھ چکی ہے کہ دنیاوی زندگی کے کسی بھی موقع و مرحلہ میں بظاہر اس سے بچنا مشکل معلوم ہوتا ہے، حتیٰ کہ آج بہت سے مسلمان اور بعض اہل علم بھی طرح طرح کی تاویلوں کے ذریعہ ان معاملات کو جائز قرار دینے کے درپے ہیں ، اسی پس منظر میں مولانا محمد شفیق قاسمی نے ''سود اور سودی مروج معاملات'' کے عنوان سے یہ مقالہ تیار کیا ہے ، جس میں قرآن و حدیث کی روشنی میں سود کی مذمت ، سود کی معاشرتی خرابی اور سود کی مروجہ صورتوں پر تفصیلی روشنی ڈالی ہے ، مقالہ کی ضخامت ۲۰۰ صفحات کے قریب ہے ، موصوف ۱۴۲۳ھ میں شعبۂ تخصص فی الفقہ میں داخل تھے ۔
شب و روز ۔۔ فضائل و احکام
اللہ تعالیٰ نے اُمت محمدیہ ا کو اُمت وسط بنایا ہے، لیکن عصر حاضر میں اسلام سے دوری کی وجہ سے بعض افراد افراط و تفریط کا شکار ہیں ، ایسے ہی بعض لوگ مقدس دنوں اورمتبرک راتوں کے بارے میں یا تو حد سے زیادہ عقیدت کا اظہار کرتے ہیں یا سرے سے ان دنوں اور راتوں کی اہمیت ہی کے منکر ہیں ؛ چنانچہ اہل علم حضرات نے اس افراط و تفریط سے لوگوں کو بچانے کے لئے تحریر و تقریر کے ذریعہ لوگوں کی رہنمائی کی ہے ، اسی سلسلہ میں مولانا احمد حسین رشادی کا یہ مقالہ بھی ہے ، جس میں دنوں اور راتوں کے فضائل کو قرآن و حدیث اورفقہ اسلامی سے ثابت کیا ہے اور اس سلسلہ میں صحابہ کرام ث اور اسلاف کے معمول ، نیز فقہاء کرام کے نظریہ کو پیش کیا ہے ، اس کے بعد عصر حاضر میں ہونے والی بدعات و خرافات کا ذکر کرکے شریعت کی روشنی میں اس کی تردید کی ہے ، موصوف کا یہ مقالہ ۲۳۰ صفحات پر مشتمل ہے۔ موصوف ۱۴۳۰ ھ میں معہد سے فارغ ہوئے۔
طہارت اور نماز کے احکام ۔۔ فقہ شافعی کی روشنی میں !
اسلام کے بنیادی ارکان میں توحید و رسالت کے بعد سب سے اہم رکن نماز ہے، نماز کی فضیلت و اہمیت جتنی زیادہ ہے، اس سے متعلق احکام و مسائل کا باب بھی اسی قدر وسیع ہے، کوئی بھی حدیث یافقہ کی کتاب اٹھالی جائے، اس میں سب سے زیادہ جگہ احکام نماز ہی کے لئے وقف نظر آئے گی، کیوں کہ یہ عبادت بندہ کو اپنے مالک سے جوڑتی ہے اور اسے بار بار اپنی بندگی کا سبق یاد کراتی ہے، تاکہ خود فراموش بندے اپنے خدا کو فراموش نہ کردیں اور نماز جیسی اہم عبادات کو ادا کرنے کے لئے طہارت و پاکی ضروری ہے ؛ چنانچہ اسی پس منظر میں مولانا عبدالعزیز لحجیقاسمی نے طہارت و نماز کے احکام کو فقہ شافعی کی روشنی میں جمع کیا ہے، موصوف شافعی مسلک پر عامل ہیں، وہ المعہد کے پہلے بیچ کے فارغین میں سے ہیں ، موصوف نے ان مسائل کو جمع کرنے میں فقہ شافعی کی مستند کتابوں بالخصوص شرح مہذب سے استفادہ کیا ہے ، نیز اس سلسلے میں جو جدید مسائل ہیں ان پر بھی روشنی ڈالی ہے اور اس کے لئے ''الفقہ المنہجی''اور ''الفقہ الإسلامی و أدلتہ''وغیرہ سے استفادہ کیا ہے ، موصوف کی یہ کاوش تقریباً ۳۰۰ صفحات پر مشتمل ہے۔
عربی زبان میں علماء احناف کی تصانیفِ احادیث
شریعت اسلامی کے بنیادی مصادر کتاب و سنت ہیں اور اسی پر دین کی اساس و بنیاد ہے ، احادیث پاک دراصل کتاب اللہ کی تفسیر ہونے کے ساتھ ساتھ مستقل شرعی مصدر ہے، اس لئے اس کی تدوین و ترتیب اور اس کی چھان پھٹک میں علماء نے جس دقت نظر سے کام لیا ہے وہ اپنی نظیر آپ ہے ،اور امکانی حد تک کسی بھی گوشہ کو تشنہ نہیں چھوڑا ، بعض اسباب کی بناء پر احناف پر یہ الزام عائد کیا جاتا ہے کہ ان کے یہاں احادیث سے زیادہ اعتناء نہیں پایا جاتا، حالاں کہ اگر احناف کے اُصول استخراج پر غور کیا جائے تو یہ اشکال خود بخود رفع ہوجاتا ہے ؛ کیوں کہ یہاں مرسل روایت کی موجودگی میں قیاس کی گنجائش نہیں ، جب کہ دوسرے مکاتب فقہ میں اس کی اجازت ہے ؛ چنانچہ علماء احناف نے فن حدیث کی جو خدمت انجام دی ہے ، ضرورت تھی کہ اس کو مستقل عنوان بناکر پیش کیا جائے ؛ تاکہ یہ اس بے جا الزام کا علمی جواب ہوسکے ، اسی پس منظر میں معہد کے ایک فاضل مولانا محمد ضیاء اللہ نے '' عربی زبان میں علماء احناف کی تصانیفِ احادیث'' کو اپنے مقالہ کا موضوع بنایا اور معہد کے کتب خانہ میں دستیاب کتابوں کی روشنی میں ایک اچھا تعارف نامہ پیش کیا، اس میں متون حدیث، شروح حدیث، اُصولِ حدیث ، اسماء الرجال وغیرہ کی تقریباً ۴۳۴ کتابوں کا تعارف آگیا ہے ، مقالہ کل ۳۴۴ صفحات پر مشتمل ہے ، موصوف نے ۱۴۳۰ھ میں معہد سے فراغت حاصل کی ہے ۔
علاج و معالجہ ۔۔ احکام و مسائل
اللہ نے انسان کوجہاں بہت سی نعمتیں دی ہیں ان ہی میں سے ایک نعمت دوائیں بھی ہیں کہ اگر کوئی بیمار پڑجائے تو دواؤں کا استعمال کرے اور اپنا علاج کروائے اور پھر اللہ پر بھروسہ کرے اور بعض مرتبہ علاج و معالجہ نہ صرف یہ کہ مستحسن ہوتا ہے ؛ بلکہ شرعاً بھی ضروری ہوجاتا ہے ؛ کیوں کہ انسان کا وجود اور اس کی حیات امانت خداوندی ہے اور امانت کی حفاظت لازمی ہے۔
اسی پس منظر میں مولانا سید عتیق الرحمن اشاعتی نے علاج و معالجہ سے متعلق احکام ومسائل کو جمع کیا ہے، اس مقالہ میں علاج کے مختلف طریقے اور ان کے احکام پر روشنی ڈالی گئی ہے، اس مقالہ کو ترتیب دیتے وقت قرآن و حدیث اور فقہ کی کتابوں کے علاوہ طب کی کتابوں سے بھی استفادہ کیا گیا ہے ، یہ مقالہ ۲۳۰ صفحات پر مشتمل ہے ، موصوف ۱۴۲۴ میں معہد کے شعبہ تخصص فی الفقہ سال دوم کے طالب علم تھے۔
علماء دیوبند اور افتاء بمذہب الغیر
شریعت اسلامی کی بنیاد یسر پر ہے ، اللہ تعالیٰ کا ارشاد ہے : ''یریداﷲ بکم الیسر ولایرید بکم العسر'' اگر اسلامی احکام کا جائزہ لیا جائے تو یہ بات واضح ہوجاتی ہے کہ اللہ نے ہر مشقت کے موقع پر بندوں کے لئے رخصتیں بھی رکھی ہیں ؛ تاکہ شریعت پر عمل بھی ہوجائے اور انسان تنگی میں بھی نہ پڑے ۔
مسالک اربعہ کے فقہاء کرام نے جو فقہی جزئیات مستنبط کئے ہیں ، ظاہر ہے وہ سب قرآن و حدیث اور اسلامی اُصولوں کی روشنی میں کئے ہیں ؛ لیکن بسا اوقات حالات زمانہ کے تغیر یا پھر فقہی جزئیہ میں سختی کی وجہ سے ان پر عمل دشوار ہوتا ہے ؛ لہٰذا ایسے موقع پر دوسرے مسلک کی طرف عدول اور اس سے اخذ و استفادہ کی علماء نے گنجائش رکھی ہے ،قدیم فقہاء نے بھی اس کو اپنایا اور موجودہ زمانے میں نئے مسائل خصوصی طور پر معاشی مسائل کے حل میں بھی اس کی بڑی اہمیت ہے؛ چنانچہ معہد کے ایک فاضل مولانا جمیل اختر ندوی نے ''علماء دیوبند اورافتاء بمذہب الغیر'' کے عنوان سے دیوبندی مکتبہ فکر کے علماء کے ان مسائل کو جمع کیا ہے ، جس میں انھوں نے مسلک احناف سے ہٹ کر دوسرے مسلک پر فتوی دیا ہے ، موصوف نے ''کتاب الطہارۃ ، کتاب العبادات، کتاب المعاملات، کتاب المعاشرۃ، کتاب الاوقات'' جیسے عنوانات کے تحت تقریباً ۸۰ مسائل جمع کئے ہیں ، مقالہ ۱۵۰ صفحات پر مشتمل ہے ، موصوف کی فراغت معہد سے ۱۴۲۷ھ کی ہے۔
علماء بہار کی فقہی خدمات
اسلامی علوم و فنون میں سے جس فن کو لے لیجئے، اللہ نے ہر فنکے لئے ایسی نابغۂ روزگار شخصیات پیدا کیں ، جو عام انسانی دنیا کے لئے بھی قابل رشک تھیں ، فقہ اس کا تعلق براہ راست عملی احکام سے ہوتا ہے اور نصوص کو سمجھنا، اس سے علت کا استخراج اور غیر منصوص مسائل میں اس کی تطبیق ، اسی طرح اُصول و کلیات کو سمجھنا پھر فروعیات و جزئیات میں اس کو منطبق کرنا واقعی بڑی دیدہ ریزی چاہتا ہے ؛ اسی لئے اللہ نے اس کے لئے جن علماء کو منتخب کیا وہ اپنے زمانے کے ذہین ترین لوگوں میں شمار ہوتے تھے اور اس فن کی خدمت کرنے والے علماء آج بھی اپنے پیش رو کی بہترین جانشینی ادا کررہے ہیں ۔
بہار کی سرزمین جو قدیم زمانے سے بڑی مردم خیز واقع ہوئی ، وہاں سے بھی اس فن کی خدمت کرنے والی بے شمار شخصیات پیدا ہوئیں ؛ بلکہ تاریخی کتابوں میں اس بات کی صراحت ہے کہ فتاویٰ عالمگیری کے مرتبین میں سے چار کا تعلق اسی صوبہ سے تھا ؛ چنانچہ معہد کے ایک فاضل مولانا محمد اظہرالدین مظاہری نے ''علماء بہار کی فقہی خدمات'' کے عنوان سے یہ علمی تاریخ پر مشتمل مقالہ تیار کیا ہے ، موصوف نے اصل موضوع کے ذکر سے پہلے بہار کی سیاسی وعلمی تاریخ کا بھی ایک جائزہ پیش کیا، اس کے بعد ''ہندوستان میں فقہاء کا ورود'' کے عنوان سے ۱۵۰ فقہاء کا مختصر سوانحی خاکہ اور فقہی خدمات کا تذکرہ کیا ہے ، اس کے بعد علماء بہار کی فقہی تالیفات کا تعارف ہے ، پھر موجودہ عہد کے فقہاء اور فقہی ادارے کا اجمالی تعارف ہے ، مقالہ کل ۲۱۲ صفحات پر مشتمل ہے ، موصوف کی معہد سے فراغت ۱۴۲۸ھ کی ہے۔
عہد مغلیہ کا نظام قضاء اور قضاۃ
مغلوں کی حکومت سے قبل ہندوستان پر سلاطین دہلی کا قبضہ تھا اور پورے ہندوستان پر ان کی بالادستی قائم تھی ؛ چوں کہ اس حکومت کی بنیاد اسلامی تھی ؛ اس لئے ان سلاطین نے قوانین اسلامی کو برقرار ہی نہیں رکھا ؛ بلکہ اس کو نافذ بھی کیا اور حکومت کے ہر شعبہ میں اسلامی احکام کو داخل کرنے کی پوری کوشش کی ، اس کے بعد سلطنت مغلیہ نے بھی اسلامی نظام قضاء کو باقی رکھا اور عدالتی فیصلے شریعت اسلامی کی روشنی میں فیصل ہوتے رہے ، اسی پس منظر میں اس بات کی ضرورت محسوس ہوئی کہ یہ معلوم کیا جائے کہ مغلیہ سلطنت نے نظام عدالت کے لئے کیا طریقہ کار اپنایا تھا اور اُمور عدلیہ میں کن چیزوں کا التزام کیا تھا ؛ چنانچہ اس اہم موضوع پر مولوی ہمایوں اقبال نے ایک اہم مقالہ تیار کیا ، جس میں مغلوں کے عہد کی علمی و تمدنی ترقی، عہد مغلیہ کا نظام عدالت ، عہد مغلیہ کے سلاطین اور قضاۃ کے حالات کو تفصیلی انداز سے بیان کیا گیا ہے ، اس مقالہ سے جہاں عہد مغلیہ میں نظام قضاء کے بارے میں پتہ چلتا ہے ، وہیں مغلیہ سلطنت کی تاریخ بھی معلوم ہوتی ہے ، یہ مقالہ ۱۴۰ صفحات پر مشتمل ہے ، موصوف ۱۴۲۷ھ میں معہد کے شعبہ تخصص فی الفقہ سے فارغ ہوئے۔
غیر مسلم ممالک میں آباد مسلم اقلیتوں کے کچھ اہم فقہی مسائل
یہ تو ایک معروف و مسلم بات ہے کہ مسلمان جہاں کہیں بھی ہوں احکام اسلام کے پابند ہیں، چاہے اس شہر یا ملک میں مسلمان اقلیت میں ہوں یا اکثریت میں ؛ البتہ بعض ممالک کی اکثریت چوں کہ غیر مسلموں کی ہے اور ان کو سیاسی، اقتصادی اور تہذیبی اعتبار سے پر غلبہ حاصل ہے ؛ لہٰذا وہاں کے مسلمان اس موقف میں نہیں کہ نظام مملکت کو شریعت مطہرہ کے سانچے میں ڈھال سکیں؛ چنانچہ ان مسلم اقلیتوں اور عام مسلمانوں کے دیگر مسائل کو مدنظر رکھتے ہوئے ہر دور کے فقہاء نے قرآن و حدیث کی روشنی میں کچھ قواعد مقرر فرمائے ہیں۔
اسی بناء پر '' فقہ الاقلیات '' کے عنوان سے مولانا الیاس بن ہاشم نے بھی ''غیر مسلم ممالک۔۔۔'' کے عنوان سے یہ مقالہ تیار کیا ، اس مقالہ میں غیر مسلموں کے ساتھ سودی معاملات ، غیر مسلموں کے الیکشن میں حصہ لینا ، غیر مسلم قاضی کے فیصلہ سے زوجین کے درمیان تفریق کا حکم ؟ عیسائی کورٹ میں BIBLE پر حلف اٹھانے کا شرعی حکم اور غیر مسلموں کے تہواروں میں شرکت وغیرہ جیسے مسائل کو تفصیلی انداز میں بیان کیا گیا ہے ، موصوف کا مقالہ ۹۸ صفحات پر مشتمل ہے ، موصوف ۱۴۲۶ھ میں معہد سے فارغ ہوئے۔
غیر مسلموں سے متعلق فقہی احکام
قرآن و حدیث میں جن احکام کی کلیات کو بیان کیا گیا ہے ، فقہا اُمت نے اپنے اجتہاد کے ذریعہ ان کی جزئیات کو بیان کیا ہے، جس کو '' فقہ '' کہا جاتا ہے، فقہ چوں کہ تمام عملی احکام کا احاطہ کرتا ہے ؛ لہٰذا اس کے بہت سے مسائل ایسے ہیں جن میں غیر مسلموں کے ساتھ مسلمانوں کے معاملات کا حکم بھی بیان کیا گیا ہے ، اس پس منظر میں ضرورت محسوس ہوئی کہ ایسے مسائل کو ایک جگہ پر جمع کردیا جائے ؛ تاکہ استفادہ آسان ہو ؛ چنانچہ مولانا خالد سیف اللہ قاسمی نے '' غیرمسلموں سے متعلق فقہی احکام '' کے عنوان سے یہ مقالہ ترتیب دیا ، جس میں ایسے تمام مسائل کو جمع کردیا ہے جن کا تعلق غیر مسلموں سے ہے ، موصوف نے اس مقالہ کو ترتیب دینے میں قرآن و حدیث کے علاوہ فقہ کی مستند کتابوں سے استفادہ کیا ہے ، موصوف کا یہ مقالہ ۲۰۰ صفحات پر مشتمل ہے ، موصوف ۱۴۲۴ھ میں شعبہ تخصص فی الفقہ میں داخل تھے۔
التحقیق والتعلیق علی الفتاوی السراجیۃ
چھٹی صدی ہجری کے ایک معروف عالم دین سراج الدین اوشی کی ایک کتاب ' فتاوی سراجیہ 'ہے ، یہ کتاب مختصر مگر جامع ہے ، جس میں اعتقادات ، عبادات اور معاملات کو مختصر انداز میں بیان کیا گیا ہے ، یہ کتاب ایسی ہے جس میں ہر مسئلہ بہ آسانی مل سکتا ہے ، اس کتاب کی اتنی اہمیت کے باوجود اس پر تحقیق و تعلیق کا کام نہیں ہوپا یا ، یا اگر ہوا تو وہ ناقص تھا ؛ چنانچہ ضرورت محسوس ہوئی کہ اس پر تحقیق و تعلیق کا کام کیا جائے ؛ چنانچہ معہد کے تخصص فی الفقہ (۱۴۲۵ھ) کے چند فضلاء مولانا رحمت اللہ اشاعتی ، مولاناعبدالحفیظ اشاعتی، مولانا عبدالمعید رشادی، مولانا زاہد خان ندوی ، مولانا ریاض الرحمن رشادی اور مولانا شاہ نواز نے اس کام کو انجام دیا ، کتاب میں واقع آیات و احادیث کی تخریج ، مشکل الفاظ کی تشریح ، نیز دوسرے اہم فقہی مراجع سے مسائل کی توثیق اور ان کے حوالہ جات میں مذکورہ اسکالرس نے بڑی عرق ریزی سے کام لیا ہے ، مسائل کی توثیق کے لئے جن اہم مراجع کو ذکر کیا ہے ، وہ مندرجہ ذیل ہیں : خانیہ ، ہندیہ ، البحرالرائق ، بدائع الصنائع ، ردالمحتار ،ہدایہ ، تاتارخانیہ ، مصنف کی کتاب جو ۱۶۰ صفحات پر مشتمل تھی اور مذکورہ اسکالرس کی تحقیق و تعلیق کے بعد اس کے مجموعی صفحات ۹۰۰ تک پہنچ گئے ہیں۔
'' فتاویٰ عالمگیری پر ایک تحقیقی نظر'' کا تحقیقی جائزہ
اسلامی علوم کی خدمت میں ہندوستانی علماء نے جو خدمات انجام دی ہیں وہ یقیناًتاریخ کا ایک زرین باب ہے، شروع ہی سے ہندوستان میں بعض ایسے علماء پیدا ہوئے جن کے علم کی خوشبو پورے عالم میں پھیلی اور بعض ایسی نمایاں خدمات انجام دیں جسے اسلامی کتب خانہ میں نادر تصور کیا گیا، ہندوستان کی ان ہی نوادر تصنیفات میں سے ایک تصنیف ''فتاویٰ عالمگیری'' بھی ہے جو جزئیات کے احاطہ میں بے مثال کتاب تسلیم کی گئی، یہ کتاب اورنگ زیب عالمگیرؒ کے دور حکومت میں ہندوستان کے جید علماء کی نگرانی میں تیار کی گئی اور اس وقت سے اب تک ارباب قضاء و افتاء کا مرجع ثابت ہوئی۔
بسا اوقات ناقدانہ و مخالفانہ ذہنیت کی وجہ سے لوگ فریق مخالف کے بارے میں بغیر تحقیق و جستجو کے غلط رائے قائم کرلیتے ہیں ؛ حالاں کہ یہ بات علمی اُصول کے خلاف ہے ، فتاویٰ عالمگیری کے سلسلہ میں ایک غیر مقلد عالم نے اپنے اعتراضات کا دفتر ''فتاویٰ عالمگیری پر ایک تحقیقی نظر'' کے عنوان سے شائع کیا ؛ لہٰذا ضرورت تھی کہ ان اعتراضات کا علمی جائزہ لیا جائے تاکہ بات پوری وضاحت سے سامنے آئے ؛ چنانچہ معہد کے ایک فاضل مولانا محمد ارشد فلاحی نے ان اعتراضات کے جوابات بڑے اچھے انداز سے مرتب کیا ہے ، موصوف نے نمبر وار تقریباً ۱۲۵ اعتراضات کا علمی جواب ۲۲۷ صفحات میں تیار کیا ہے ، مراجع کے طور پر تفسیر وحدیث اور فقہ کی مشہور کتابوں سے استفادہ کیا گیا ہے ، موصوف معہد سے ۱۴۲۵ ھ میں فارغ ہوئے ہیں۔
التحقیق والتعلیق علیفتاویٰ النوازل
چوتھی صدی ہجری کے عالم دین امام ابواللیث نصر بن محمد بن ابراہیم السمرقندی الحنفی (متوفی ۳۷۵ ھ) کی مشہور تصنیف ''فتاویٰ النوازل'' مختصر لیکن انتہائی جامع کتاب ہے، اس کتاب کی اہمیت کا اندازہ اس بات سے لگایا جاسکتا ہے کہ ایک زمانے میں علماء کہتے تھے کہ کسی شخص کے لئے منصب قضاء پر بیٹھنا اس وقت تک جائز نہیں جب تک کہ وہ اس کتاب کو پڑھ کر سمجھ نہ لے۔
یوں تو اس پر تحقیق کا کام السید یوسف احمد نامی ایک محقق نے کیا ہے اور وہ کتاب دارالکتب العلمیۃ (بیروت) سے ۲۰۰۲ء میں شائع ہوچکی ہے ؛ لیکن اس میں موصوف نے انتہائی اختصارسے کام لیا ہے ؛ لہٰذا ضرورت تھی کہ اس کتاب پر تفصیلی تحقیق کا کام کیا جائے ۔
معہد کے تین فضلاء مولانا عبداللہ خالد، مولانا محمد مجاہد الاسلام قاسمی اور مولانا فضل الرحمن قاسمی نے احادیث کی تخریج ، رجال پر کلام اور خصوصی طور پر دوسری اہم فقہی کتابوں سے مسائل کی توثیق کا کام کیا ہے ، مختلف جگہوں میں اُصولی بحثیں بھی آگئی ہیں ، تحقیق میں احادیث و فقہ کے اہم مراجع سے استفادہ کیا گیا ہے ، تینوں حضرات کے کام کی مجموعی مقدار ۱۰۰۰ صفحات پر مشتمل ہے ۔
کھیل کود کے جدید شرعی مسائل
اسلام نے زندگی کا جو تصور دیا ہے اس سے واضح ہوتا ہے کہ زندگی بڑی قیمتی چیز ہے، اس کا ایک ایک لمحہ گراں قدر ہے، یہ ایسی دولت ہے جو ایک ہی بار ملتی ہے، اس لئے انسان کو چاہئے کہ وہ اس محدود زندگی میں اپنی آخرت کو سنوارنے کے ساتھ ساتھ اپنی دنیاوی زندگی کو بھی بامقصد، باوقار اور حتی الوسع آرام دہ بنائے اور اپنی پوشیدہ صلاحیتوں کو اُجاگر کرکے گلشن ہستی کے حسن اور بہار کو مزید نکھار دے۔
جو دین زندگی کو اتنی اہمیت دے اس سے یہ بات بعید ہے کہ وہ اپنے ماننے والوں کو عیش و عشرت کی کھلی چھوٹ دے گا اور انھیں لہو و لعب میں مبتلا دیکھے گا اور انھیں بے مقصد زندگی گزارنے کی اجازت دے گا ؛ لیکن اس کا یہ مطلب ہرگز نہیں کہ اسلام نے کھیل کود اور تفریح وغیرہ سے بالکل منع کردیا ہے ؛ بلکہ اسلام نے ایسے تمام کھیل کی اجازت دی ہے جن سے احکام الٰہی کی خلاف ورزی لازم نہ آتی ہو ؛ چوں کہ آج کے دور میں کھیل کی نئی نئی شکلیں پیدا ہوگئی ہیں اس لئے ضرورت تھی کہ ان کھیلوں کی تاریخ اور ان کے احکام پر کچھ لکھا جائے تاکہ اُمتِ مسلمہ حلال و حرام میں تمیز کرسکے ، اس اہم کام کو مولانا سید ارشد علی نے کیا ہے اور کھیل کود کے جدید شرعی مسائل کے عنوان سے ایک مقالہ تیار کیا، اس مقالہ میں کھیلوں کی تاریخ کو بھی بیان کیا ہے اور ان کی اچھائیاں اور بُرائیاں بھی ذکر کی ہیں، جدید کھیلوں پر کافی اچھی بحث کی ہے ، اولمپک کے بارے میں بھی لکھا ہے، غرض یہ کہ اس موضوع پر جامع مقالہ ہے جن کے صفحات کی مجموعی تعداد ۳۳۰ ہے ، موصوف نے تفسیر حدیث، فقہ کی کتابوں کے علاوہ رسائل و اخبار، ہندی ، انگریزی اورمراٹھی زبان کی کتابوں سے استفادہ کیا ہے ، موصوف ۱۴۲۴ھ میں معہد کے شعبہ تخصص فی الفقہ سال دوم سے فارغ ہوئے۔
مساجد ۔۔ احکام و مسائل
اسلام کے تصور عبادت میں مسجد کو بلاشبہ ایک مقام حاصل ہے ، یہ مسجدیں رشد و ہدایت کا مرکز اور برکتوں کا سرچشمہ ہیں، مسلم معاشرہ میں اس کی حیثیت دھڑکتے ہوئے دل کی ہے ؛ چنانچہ ابتداء سے ہی اس کی حیثیت مسلم رہی ہے ، ساتھ ساتھ یہ سماج سے بُرائی مٹانے کا اہم مرکز ثابت ہوئی ؛ چنانچہ مساجد میں جہاں عبادات کے ساتھ احکام اسلام کی تعلیم کا اہتمام کیا جاتا رہا ہے وہیں اسے اسلام کی دعوت کا مرکز بھی تصور کیا گیا ہے ؛ جیسا کہ آپ علیہ الصلوٰۃ والسلام باہر سے آنے والے وفود کو مساجد میں ٹھہراتے اور اسلام کی تعلیم سے بہرہ ور فرماتے۔
مساجد کی اہمیت و تقدس کے عنوان سے اُردو اور عربی میں بہت سی کتابیں منظر عام پر آچکی ہیں ، ضرورت تھی کہ مساجد کے احکام و مسائل کو مسالک اربعہ کے مطابق جمع کیا جائے ، اس اہم کام کو مولانا عبداللہ پٹیل گجراتی ( فاضل دارالعلوم لوناواڑہ) نے ''مساجد ۔۔ احکام ومسائل'' کے عنوان سے جمع کیا ہے ، موصوف نے اپنے مقالہ میں مساجد کی تعمیر، مساجد کے اشیاء کا استعمال اور مساجد کے اعمال وغیرہ پر تفصیلی بحث کی ہے ، ان کا یہ مقالہ پانچ ابواب اور ۲۲۵ صفحات پر مشتمل ہے ، موصوف نے کل ۷۲ مصادر و مراجع سے استفادہ کیا ہے ، جن میں سے ۱۴ کتابیں تفسیر سے متعلق ہیں ۲۱۰ کتابیں احادیث سے متعلق ہیں اور بقیہ فقہ اربعہ سے متعلق کتابیں ہیں۔
موصوف ۱۴۳۰ میں المعہد العالی الاسلامی حیدرآباد کے شعبہ تخصص فی الفقہ سال دوم میں زیرتعلیم تھے۔
المسائل المتفقہ بین المذاہب الاربعۃ
اللہ تبارک و تعالیٰ نے جناب محمد رسول اللہ صلی اللہ علیہ و سلم کو آخری نبی بناکر اس دنیا میں مبعوث فرمایا اور آخری کتاب کی حیثیت سے قرآن کریم نازل فرمائی ، جس کی تشریح آپ نے اپنے اقوال اور افعال کے ذریعہ فرمائی جس کو سنت یا حدیث کہا جاتا ہے ، اس اعتبار سے کتاب و سنت کے اندر انسانی زندگی میں پیش آنے والے تمام مسائل کا حل موجود ہے ؛ لہٰذا ان احکام کو اس طرح مرتب کرنا کہ اس میں زندگی کے تمام مسائل جمع ہوجائیں یہ ایک ضروری اوراہم کام تھا جس کو فقہاء اربعہ اور ان کے شاگردوں نے بحسن و خوبی انجام دیا ، فقہاء کے درمیان جہاں کچھ مسائل میں اختلاف ہے وہیں بہت سارے مسائل پر یہ ائمہ متفق بھی ہیں ، ہمارے چند مسلم بھائیوں کی طرف سے یہ آواز اٹھائی جارہی ہے کہ چاروں ائمہ کسی مسئلہ پر متفق نہیں ہے، ہر مسئلہ اختلافی ہے ، اس لئے اس بات کی ضرورت محسوس ہوئی کہ چاروں فقہ سے ان مسائل کی تخریج کی جائے جو چاروں ائمہ کے درمیان متفق علیہ ہیں ؛ چنانچہ ان مسائل کو معہد کے چار فضلاء نے فقہی ابواب کے اعتبار سے جمع کردیا ہے ، مولانا عبداللہ مدبر صدیقی نے کتاب الطہارۃ اور کتاب الصلاۃ ، مولانا محمد جنید گجراتی نے کتاب الحج اور احوالِ شخصیہ ، مولانا نورالدین قاسمی نے کتاب الصیام والزکوٰۃ اور مولانا محمد مظفرالدین قاسمی نے کتاب البیوع تاکتاب الفرائض کے تمام مسائل کو جمع کردیا ہے اس کو جمع کرنے میں چاروں دبستان فکر کی کتابوں سے استفادہ کیا گیا ہے ،مقالہ نگاروں میں سے آخرالذکر ۱۴۲۸ھ میں معہد سے فارغ ہوئے اور بقیہ حضرات ۱۴۲۶ھ میں فارغ ہوئے اور یہ اہم کام پندرہ سو سے زائد صفحات پر مشتمل ہے۔
(الف) المسائل التی انفردبہا أبو یوسف عن الطرفین
(ب) المسائل التی انفرد بہا الامام محمد عن الشیخین
(ج) المسائل التی انفردبہا الصاحبان عن أبی حنیفۃ
فقہ حنفی کی تدوین و ترتیب میں جن نمایاں شخصیات کا ذکر آتا ہے ان میں امام ابویوسفؒ و امام محمدؒ کی شخصیتیں نہایت اہم ہیں، ان دونوں حضرات کے تذکرہ میں علماء نے لکھا ہے کہ ان کے اندر مجتہد مطلق ہونے کی پوری صلاحیت موجود تھی ؛ لیکن انھوں نے الگ سے اپنا مکتبہ فقہ قائم نہیں کیا ؛ بلکہ ازراہ ادب اپنے استاذ ہی کے وضع کردہ اُصولوں کی روشنی میں استنباط واستخراج مسائل کا کام انجام دیا ؛ لیکن اس کا یہ مطلب نہیں کہ ان میں باہم کوئی اختلاف ہی نہیں پایا جاتا تھا ؛ بلکہ حقیقت یہ ہے کہ دلائل کی روشنی میں ان میں بہت سے مسائل میں اختلاف پایا جاتا تھا ، امام ابو یوسفؒ جو اپنے زمانے میں قاضی القضاۃ کے عہدہ پر فائز تھے ، انھوں نے بہت سے مسائل میں امام ابو حنیفہ سے اختلاف کیا اور امام محمد کے ساتھ رہے ، اسی طرح بہت سے مسائل میں امام ابو حنیفہ و امام محمد دونوں سے اختلاف کیا ۔
امام محمدؒ جن کے بارے میں امام ابو عبیدؒ فرماتے ہیں کہ میں نے امام محمدؒ سے بڑھ کر کسی کو کتاب اللہ کا عالم نہیں دیکھا، انھوں نے بہت سے مسائل میں امام ابو حنیفہ سے اختلاف کیا اورامام ابو یوسف کے ساتھ رہے، اسی طرح ان مسائل کی بھی ایک بڑی تعداد ہے جس میں امام محمدؒ نے امام ابو یوسف و امام ابو حنیفہؒ دونوں سے اختلاف کیا۔
ان حضرات کے اسی طرح کے مسائل کو الگ سے جمع کرنا واقعی ایک اہم علمی کام تھا ؛ کیوں کہ اس سے ایک طرف تو نئے مسائل کو حل کرنے میں مدد ملتی ہے ؛ کیوں کہ بسا اوقات معمول بہ قول کے مطابق اگر نئے مسائل کو حل کیا جائے تو کافی دشواری پیش آتی ہے ؛ لہٰذا اصحاب مذہب میں سے کسی کے قول پر فتویٰ دیا جاتا ہے ؛ بلکہ ضرورت پڑنے پر دوسرے مذاہب فقہ سے بھی استفادہ کیا جاتا ہے ، دوسری طرف ہر شخصیت کا الگ الگ علمیت و فقاہت کا عکس اُمت کے سامنے جلوہ گر ہوگا۔
یہ اہم علمی کام معہد کے تین فضلاء نے انجام دیا ہے ، مولانا محمد شاکر ندوی نے ''المسائل التی انفرد بھا الامام محمد عن الشیخین'' کے تحت امام محمدؒ کے تفردات کو جمع کیاہے ، ان کا مقالہ تقریباً ۴۰۰ صفحات پر مشتمل ہے ، مولانا معین الدین نے ''المسائل التی انفرد بھا الامام ابو یوسف عن الطرفین''کے تحت امام ابو یوسفؒ کے تفردات کو جمع کیا ہے ، ان کا مقالہ تقریباً ۵۰۰ صفحات پر مشتمل ہے ، مولانا اسرار احمد ندوی نے ''المسائل التی انفرد بھا الصاحبان عن أبی حنیفہ'' کے تحت صاحبین کے امام ابو حنیفہ سے اختلافات کو ذکر کیا ہے ، ان کا مقالہ تقریباً ۴۰۰ صفحات پر مشتمل ہے ، ان مسائل کو زیادہ تر بدائع الصنائع سے اور کچھ کو ہدایہ ،شامی ، البحر الرائق ، الفتاویٰ التاتار خانیہ وغیرہ جیسے اہم مراجع سے جمع کیا گیا ہے ، یہ مسائل تقریباً تمام ابواب فقہ پر مشتمل ہیں ، معہد سے ان حضرات کی فراغت ۱۴۲۷ھ کی ہے۔
احکام سے متعلق شرعی حکمتیں
شریعت اسلامی تمام تر حکمت و مصلحت سے پُر ہے، اس کا کوئی بھی حکم فائدہ سے خالی نہیں، شریعت کے اکثر مصالح تو ظاہر و باہر ہیں ؛ البتہ کچھ ایسے ہیں جن کو سمجھنے کے لئے غور و فکر کی ضرورت ہوتی ہے، علماء نے شروع سے اس کو اپنی بحث کا موضوع بنایا ہے اور شاہ ولی اللہ محدث دہلویؒ نے ''حجۃ اﷲ البالغۃ''لکھ کر گویا اس فن کو اوج کمال پر پہنچادیا ، موجودہ زمانہ میں اس فن پر بہت مفید کتابیں منظر عام پر آچکی ہیں۔
معہد کے ایک فاضل مولانا محمد شاہد حسین قاسمی نے بھی '' احکام سے متعلق شرعی حکمتیں'' کے عنوان سے ایک مقالہ مرتب کیا ، مقالہ تقریباً ۲۵۰ صفحات پر مشتمل ہے ، موصوف نے مقالہ کی تیاری میں فقہ اور مصالح شریعت کے موضوع کی اہم کتابوں سے استفادہ کیا ہے ، موصوف کی معہد سے فراغت ۱۴۲۴ھ کی ہے۔
منشیات کے شرعی احکام
مقاصد شریعت پر لکھنے والے علماء کرام نے اس بات کی صراحت کی ہے کہ شریعت میں جن پانچ چیزوں کی حفاظت کے پیش نظر احکام مشروع کئے گئے ہیں ، ان میں ایک عقل بھی ہے ، عقل اللہ کی دی ہوئی ایک بیش بہا نعمت ہے، تسخیر کائنات کا کارنامہ انسان نے اسی عقل سے انجام دیا ، اسی عقل کے بدولت انسان ہواؤں کے دوش پر سوار ہوا، ستاروں پر کمندیں ڈالنا اسی عقل کے ذریعہ آسان ہوا ، مختصر یہ کہ انسانی زندگی کے ارتقاء و ترقی میں عقل و شعور کا بڑا کردار ہے ، یہی وجہ ہے کہ شریعت میں وہ تمام چیزیں حرام و ممنوع قرار دی گئیں جو کسی بھی طرح سے عقل کو نقصان پہنچانے والی ہیں۔
مغربی تہذیب و تمدن کے پھیلاؤ سے انسانی معاشرہ جہاں بہت سی برائیوں کاشکار ہوا ان میں سے ایک نشہ آور چیزوں کا استعمال بھی ہے ، دھیرے دھیرے لوگوں کی بڑی تعداد نشہ آور چیزوں کی عادی ہوتی چلی جارہی ہے ؛ حالاں کہ شریعت اسلامی میں کسی بھی طرح کے نشہ کو حرام قرار دیا گیا ہے ، ضرورت اس بات کی تھی کہ نشہ آور چیزوں کے استعمال کے تعلق سے شریعت کے کیا احکام ہیں اسی طرح اس کے اخلاقی و معاشرتی کیا نقصانات ہیں اس کو پوری وضاحت کے ساتھ پیش کیا جائے، موضوع کی اسی اہمیت کے پیش نظر معہد کے ایک فاضل مولانا محمد خلیل کوثرقاسمی نے ''منشیات کے شرعی احکام'' کو اپنے مقالہ کا موضوع بنایا اور بہت مرتب انداز میں ۱۶۵ صفحات پر مشتمل ایک مقالہ تیار کیا ، موصوف نے صرف شرعی احکام کے بیان پر اکتفا نہیں کیا ؛ بلکہ نشہ آور چیزوں کے استعمال سے جو جسمانی ، اخلاقی اور اقتصادی نقصانات پہنچتے ہیں اسی کی بھی وضاحت کی ہے ، موصوف معہد سے ۱۴۲۵ھ میں فارغ ہوئے ہیں ۔
موافقات الإمام أبی حنیفۃ ؒ والامام مالکؒ
وموافقات الإمام أبی حنیفۃ والشافعیؒ
اسلام کے قانون کو فقہاء نے قرآن و سنت کی روشنی میں مرتب کیا ہے جس کو فقہ کہا جاتا ہے ، فقہاء نے اپنے اجتہاد کے ذریعہ قرآن و سنت سے مسائل کا استنباط کیا ہے ؛ لیکن ان میں اختلاف رائے بھی پیدا ہوئی ؛ البتہ جہاں اختلاف پیدا ہوا وہیں فقہاء بہت سے مسائل پر متفق بھی ہیں اور بعض مسائل ایسے ہیں جس میں بعض تو متفق ہیں ؛ لیکن بعض کا اختلاف ہے ؛ چنانچہ جن مسائل میں امام ابو حنیفہ اور امام مالکؒ متفق ہیں اور دوسرے ائمہ کا ان میں اختلاف ہے ان مسائل کو مولانا صاحب احسن ندوی نے فقہی ابواب کی ترتیب پر جمع کردیا ہے اور جن مسائل میں امام ابو حنیفہ اور امام شافعیؒ متفق ہیں اور دوسرے ائمہ کا اختلاف ہے، ان مسائل کو مولانا سہیل رومی نے جمع کیا ہے ،لیکن کام طویل ہونے کی وجہ سے یہ کام کتاب الطہارۃ تا کتاب الزکوٰۃ تک ہی ہوا ،دونوں حضرات کا یہ کام تقریباً ۳۰۰ صفحات پر مشتمل ہے ، دونوں حضرات ۱۴۲۸ھ میں معہد سے فارغ ہوئے۔
مہر ۔۔ احکام و مسائل
اسلام ایک آفاقی مذہب ہونے کے ساتھ ابدی پیغام حیات بھی ہے ، اس نے ایک دوسرے کے ساتھ تعاون کا حکم دیا ؛ لیکن اس شرط کے ساتھ کہ یہ تعاون علی البر( نیکیوں پر تعاون) ہو تعاون علی الاثم (برائی پر تعاون) نہ ہو۔
اسلام ہی ایک ایسا مذہب ہے جو ایک دوسرے کے حقوق کی رعایت اور عزت نفس کا خیال رکھتا ہے ، اسلامی قانون کی روشنی میں بلا خوف تردید یہ کہا جاسکتا ہے کہ عورت جیسی جنس لطیف کو اسلام نے جتنے حقوق دیئے ، ان کو جتنا انسانی فضائل و محاسن کا حق دار ٹھہرایا اور باعزت وآبرومند بناکر جتنے حقوق مالکانہ ان کو دیئے ہیں ، اس کی نظیر دنیا کے کسی جدید و قدیم مذہب میں نہیں ملتی ؛ بلکہ تقریباً سارے مذہبوں نے عورتوں کے ساتھ ظلم روا رکھا ہے، بہرحال اسلام نے جہاں عورتوں کو بہت سارے حقوق عطاء کئے وہیں حق نفس کا بھی خیال رکھا ہے اور عورتوں کے لئے مہر کو لازم قرار دیا ؛ چنانچہ ارشاد باری تعالیٰ ہے : وآتوالنساء صدقتھن نحلۃ کہ عورتوں کا مہر خوشدلی سے ادا کرو، زمانہ جاہلیت میں لڑکی کو مہر نہیں دیا جاتا تھا، آج ہمارا معاشرہ زمانہ جاہلیت کی طرف لوٹ چکا ہے لوگ زیادہ سے زیادہ مہر مقرر کرتے ہیں اور ادا کرنے کا نام نہیں لیتے ، اسی پس منظر میں مولانا عزیز مظاہری نے اس موضوع پر ایک اہم مقالہ تیار کیا جس میں مہر کی شرعی اہمیت، مہر ادا کرنے کے سلسلہ میں قرآن کا حکم، ادا نہ کرنے کے بارے میں وعید وغیرہ تفصیل سے بیان کیا ہے، اس مقالہ میں مہر کی موجودہ اوزان میں جو مقدار ہے اس کی طرف بھی اشارہ کیا گیا ہے، ازواج مطہرات کے مہر کا بھی تذکرہ ہے، کونسی چیزیں مہر بن سکتی ہیں اس کی طرف بھی رہنمائی کی گئی ہے ، اُمید ہے کہ اس کتاب کو پڑھنے سے لوگوں کے دلوں میں مہر کی اہمیت جاگزیں ہوگی ، موصوف کا یہ مقالہ ۱۴۵ صفحات پر مشتمل ہے ، موصوف ۱۴۲۸ھ میں معہد سے فارغ ہوئے ۔
نوافل کے شرعی احکام
شب و روز میں پانچ نمازیں فرض کی گئی ہیں اور وہ گویا اسلام کا رکن رکین اور لازمۂ ایمان ہیں اور ان کے علاوہ ان ہی کے آگے پیچھے اور دوسرے اوقات میں بھی کچھ رکعتیں پڑھنے کی ترغیب و تعلیم رسول اللہ صلی اللہ علیہ و سلم نے دی ہے ، اللہ تعالیٰ نے نفل نمازوں کی طرح دیگر نفلی عبادتوں کو مشروع فرماکر اُمت محمدیہ پر احسان عظیم کیا ہے؛ لہٰذا اس بات کی ضرورت محسوس کی گئی کہ نوافل کے احکام و مسائل ایک جگہ جمع کردیئے جائیں ؛ تاکہ اس سے متعلق احکام و مسائل کے جاننے میں سہولت پیدا ہو ؛ چنانچہ اس اہم علمی کام کو مولانا سعید احمدمظاہری نے ''نوافل کے شرعی احکام ''کے عنوان سے انجام دیا ہے ، موصوف ۱۴۲۵ھ میں معہد کے شعبۂ تخصص فی الفقہ میں داخل تھے ، موصوف کا یہ مقالہ چار ابواب اور ۳۱۵ صفحات پر مشتمل ہے ، جس میں سنن موکدہ اور اس میں نماز تراویح اور سنن غیر موکدہ اور اس میں اشراق، چاشت،تہجد وغیرہ پر تفصیلی بحث کی ہے، اس کے علاوہ نماز حاجت، نماز استخارہ، نماز کسوف وخسوف، نماز استسقاء اور نماز توبہ کے احکام و مسائل پر بھی روشنی ڈالی ہے۔
نو مسلموں کے مسائل ۔۔ فقہ اسلامی کی روشنی میں
ایمان اس دنیا میں اللہ کی سب سے بڑی نعمت ہے اور یہ نعمت اللہ تعالیٰ انھیں بندوں کو عطا کرتا ہے جس کو اللہ تعالیٰ پسند کرتا ہے: ''وماکان لنفس أن تؤمن إلا باذن اﷲ'' یہ ایمان کی دولت اللہ کبھی تو پیدائشی طور پرعطا کرتا ہے اور کبھی ایک عرصہ دوسرے مذہب میں گزار کر انسان کو دین حق اپنانے کی توفیق ہوتی ہے ، جو حضرات بھی اس طرح دین میں داخل ہوتے ہیں ان کا دل کی گہرائیوں سے استقبال اوربوقت ضرورت مدد و اعانت مسلمانوں کی اہم ذمہ داری ہے، نو مسلموں سے متعلق شرعی احکام کیا ہیں؟ کیا شرعی احکام کی بجاآوری میں ان کے لئے کچھ رخصت رکھی گئی؟ اس بات کی تحقیق وقت کی ایک اہم ضرورت تھی۔
معہد کے ایک فاضل مولانا محمد عاشق صدیقی ندوی نے انھیں احکام سے متعلق اپنا سندی مقالہ ''نو مسلموں کے مسائل ۔۔ فقہ اسلامی کی روشنی میں'' کے عنوان سے مرتب کیا ہے اور ''نو مسلمین کے چند بنیادی احکام'' ، ''ولادت سے وفات تک کے مسائل'' ، ''نو مسلمین کے ختنہ کے احکام'' اس کے علاوہ نکاح ، طلاق ، نفقہ ، وصیت ، میراث وغیرہ کے تعلق سے بہترین مواد جمع کردیا ہے ، ان شاء اللہ یہ کتاب نو مسلموں کے لئے بڑی مفید ہوگی ، مقالہ کل ۲۶۵ صفحات پر مشتمل ہے ، مقالہ کی تیاری میں موصوف نے تفسیر و حدیث کے بنیادی مراجع سے استفادہ کیا ہے، موصوف کی سن فراغت ۱۴۲۴ھ ہے۔
اسلامی اوقاف کی تاریخ ۔۔ فقہ شافعی کی روشنی میں
اسلام دنیا کا وہ واحد مذہب ہے جس نے انسانوں کے سامنے ''فلاح دارین'' یعنی دونوں جہانوں کی کامیابی و کامرانی کا نظریہ بھرپور اور جامع طریقہ سے پیش کیا ہے ، اسی لئے اسلام میں جہاں عاقبت سنوارنے اور اس میں کامیابی حاصل کرنے کے طریقے سکھائے گئے ہیں وہاں موجودہ زندگی میں بھی کامیابی و ترقی حاصل کرنے کے زرین اُصول بیان کئے گئے ہیں۔
اوقاف کا نظام بھی اسی سلسلے کی ایک کڑی ہے جس کے ذریعہ معاشرے کی کمزوریوں کی اصلاح کرکے اسے توانائی بہم پہنچائی گئی ہے اور یوں ایک سبق دیا گیا ہے کہ ''چلو تو زمانے کو ساتھ لے کے چلو'' نظام اوقاف سے جس طرح انسانوں کی دینی اور مذہبی ضروریات پوری ہوتی ہیں (مثلاً مساجد، مدارس اور خانقاہیں وغیرہ تعمیر ہوتی ہیں) اسی طرح اوقاف سے انسانوں کی طبعی و معاشی ضروریات کی بھی کفالت ہوتی ہے۔
اس پس منظر میں مولانا فیض احمد آدم ملا نے فقہ شافعی کی روشنی میں وقف کے موضوع پر ایک مقالہ تیار کیا ہے ، جس میں وقف سے متعلق سارے احکام اور اوقاف مسلمین کی تاریخ کو بیان کیا ہے ، اس میں عہد نبوی اور عہد خلافت راشدہ کے اوقاف اور ان کے علاوہ موجودہ زمانے تک کے اوقاف پر روشنی ڈالی ہے۔
موصوف کایہ مقالہ ۲۷۰ صفحات پر مشتمل ہے ، موصوف نے قرآن و حدیث کے علاوہ فقہ شافعی اور تاریخ کی کتابوں سے استفادہ کیا ہے ، موصوف ۱۴۲۴ھ میں شعبہ فقہ دوم میں داخل تھے۔
خطبوں سے متعلق احکام و مسائل
انسانی زندگی کی اصلاح و تربیت میں جہاں بہت سے عوامل کام کرتے ہیں ، ان میں سے ایک یہ ہے کہ بسا اوقات کسی کی مؤثر بات انسانی زندگی کی کایہ پلٹ دیتی ہے، یہ مؤثر بات کبھی تو تحریر کے ذریعہ وجود میں آتی ہے تو کبھی تقریر کے ذریعہ، اسی تقریر کو اصطلاحی زبان میں ہم خطاب سے تعبیر کرتے ہیں، یہ ایسا وسیلہ ہے جس سے اصلاح و تربیت کے میدان میں کافی کام لیا جاتا ہے ، تمام انبیاء علیہ السلام نے اس وسیلہ کو استعمال کیا، اللہ کے رسول نے اس کی اہمیت کو بیان کرتے ہوئے فرمایا ''إن من البیان لسحرًا'' اسلام میں اس کی اہمیت کا اندازہ اس سے لگایا جاسکتا ہے کہ بعض عبادتوں کے لئے اسے شرط قرار دیا گیا ہے اور بعض دیگر عبادات کے لئے مسنون مانا گیا ہے، مثلاً جمعہ کے لئے خطبہ واجب ہے ، جب کہ عیدین، حج، نکاح اور استسقاء وغیرہ کے لئے یہ سنت ہے، یہ بات ہمارے لئے صد افتخار ہے کہ کوئی بھی ایسا عنوان نہیں ہے جس کو ہمارے اسلاف نے تشنہ چھوڑا ہو، اسلامی کتب خانہ میں بھی خطبات سے متعلق کافی مواد دیا جاتا ہے ؛البتہ اس کام کی ضرورت تھی کہ ایک ہی جگہ مختلف مواقع کے خطبات اور اس سے متعلق ضروری احکامات کو جمع کردیا جائے ؛ تاکہ اس سے متعلق احکام ایک جگہ مل جائیں ، اس اہم علمی کام کو معہد کے ایک طالب علم مولانا حسین احمد نعمانی قاسمی نے انجام دیا ، مقالہ کل چھ ابواب پر منقسم ہے ، صفحات کی تعداد ۳۴۷ ہے ، موصوف نے مقالہ میں بعض اہم عنوان مثلاً خطبہ کا عربی زبان میں ہونا ، خطبہ کا ترجمہ دوسری زبانوں میں ، دوران خطبہ مقتدی کیا کرے اور ممنوع اوقات کب سے کب تک ہیں ، دوران خطبہ اگر سجدہ کی آیت پڑھ دی جائے تو کیا حکم ہوگا ، ٹیپ سے نشر ہونے والے خطبے کے حکم کو بھی چھیڑا ہے اور اس سے متعلق اچھا خاصہ مواد جمع کردیا ہے ، موصوف نے اس کتاب کی تیاری میں کل ۱۲۶ مراجع سے استفادہ کیا ہے ، جن میں تفسیر کے ۱۳ ، احادیث کی ۲۰ مختلف دبستان فقہ کے تقریباً ۸۰ کتابوں سے استفادہ کیا ہے ، مقالہ علمی ہونے کے ساتھ ساتھ زبان عام فہم ہے ، اختلافی مسائل میں ائمہ اربعہ کے مسائل کو ذکر کیا ہے اور کہیں کہیں راحج قول کو بھی ذکر کردیا ہے ،موصوف کی فراغت معہد سے ۱۴۳۰ ھ ۲۰۰۹ء کی ہے۔
محمد ضیاء الرحمان الأعظمی کی کتاب ''أدیان الہند'' کا اُردو ترجمہ
مسلمان بحیثیت مجموعی دعوت اسلامی کے ذمہ دار ہیں ، ان کو یہ ذمہ داری سپرد کی گئی ہے کہ وہ چاہے دنیا کے کسی کونے میں رہیں اپنے ارد گرد بسی ہوئی آبادی کو دین اسلام سے روشناس کرائیں ؛ لیکن داعی کے لئے ہمیشہ ضروری ہوتا ہے کہ وہ مدعو کی ذہنیت اس کے معتقدات، زندگی گزارنے کے اس کے فکر و فلسفہ کو سمجھ کر دعوت دے تاکہ اس کی دعوت زیادہ سے زیادہ مؤثر ہوسکے اور اس میں بنیادی طور پر یہ ضروری ہوتا ہے کہ مدعو جس مذہب پر عمل پیرا ہے اس کے بنیادی معتقدات و مسلمات سے واقفیت حاصل کی جائے ؛ چوں کہ دعوتی نقطۂ نظر سے ان ادیان سے واقفیت ضروری ہے اس لئے ان ادیان کے تعارف پر بے شمار کتابیں منظر عام پر آئی ہیں ، ان ہی میں سے ایک اہم کتاب : ''فصول فی أدیان الھند''ڈاکٹر ضیاء الرحمان اعظمی کی بھی ہے ، جو مختصر ہونے کے ساتھ ساتھ جامع بھی ہے ؛ لیکن یہ کتاب چوں کہ عربی میں ہے اس لئے اُردو داں طبقہ اس کے استفادہ سے محروم ہے ، ضرورت تھی کہ اس کتاب کو اُردو میں منتقل کیاجائے ، اس اہم کام کو معہد کے ایک فاضل مولانا محمد عالمگیر قاسمی نے انجام دیا ، یہ ترجمہ ۲۷۶ صفحات پر مشتمل ہے ، تقریباً پوری کتاب کا ترجمہ اس میں آگیا ہے ؛ البتہ خاتمۃ البحث کا ترجمہ باقی ہے ، موصوف معہد سے ۱۴۲۲ھ میں فارغ ہوئے ہیں۔
اسلام اور جدید ذرائع ابلاغ
عربوں کی تاریخ کا اگر مطالعہ کیا جائے تو اس میں یہ بات ملتی ہے کہ بسا اوقات ایک ایک شعر پورے قبیلہ میں ایک جوش پیدا کردیتا اوردشمنوں کے مقابل اسے آمادۂ جنگ کردیتا تھا ، ایک شاعر ایسی شاعری کے ذریعہ کسی قبیلہ کو انتہائی عزت دار ثابت کردیتا تو کسی قبیلہ کو انتہائی پست و ذلیل قرار دیتا ، تقریباً یہی کردار آج کل الیکٹرانک اور پرنٹ میڈیا کے ذریعہ ادا کیا جاتا ہے ، شروع میں اس کا استعمال صرف خبروں کی ترسیل کے لئے ہوتا تھا ؛ لیکن اب جب کہ میڈیا پر پوری طرح اسلام دشمن ہی نہیں ؛ بلکہ انسانیت دشمن لوگ قابض ہیں ، جو میڈیا کا استعمال اپنے استعماری منصوبوں کے لئے کرتے ہیں ،ذرائع ابلاغ کی حیثیت دراصل دو دھاری تلوار کی ہے ، اگر اس سے اچھا کام لیا جائے تو واقعی اچھائی کے پھیلانے کا انتہائی کامیاب ذریعہ ثابت ہوسکتا ہے اور اگر برائی کو پھیلایا جائے تو وہ بھی بڑی سرعت کے ساتھ پھیلتی ہے ، افسوس کہ آج اس کا زیادہ تر استعمال برائی کی تبلیغ میں ہورہا ہے۔
معہد کے ایک فاضل مولانا محمد مجتبیٰ حسین قاسمی نے '' اسلام اور جدید ذرائع ابلاغ'' کے عنوان سے ایک مقالہ مرتب کیا ہے ، جس میں موصوف نے ذرائع ابلاغ کے متعلق شرعی حکم اسی طرح اس کو کس طرح اسلامی مقاصد کے لئے استعمال کیا جاسکتا ہے، اس کی وضاحت کی ہے ، موصوف کا مقالہ تقریباً ۲۰۰ صفحات پر مشتمل ہے ، موصوف نے مقالہ کی تیاری میں قدیم وجدید مراجع سے استفادہ کیا ہے، معہد سے موصوف کی فراغت ۱۴۲۲ ھ کی ہے۔
خطبات بنگلور کا بنگلہ ترجمہ
اللہ کے رسول ا کی سیرت تمام انسانوں کے لئے اُسوہ اور نمونہ ہے ، آپ اکے بتائے ہوئے اُصولوں کی روشنی میں انسان دنیا وآخرت کی کامیابی سے ہمکنار ہوسکتا ہے، یوں تو احادیث کے مجموعہ میں آپ اکے ارشادات و ہدایات اور اقوال و افعال کو محفوظ کرلیا گیا ؛ لیکن شروع ہی سے علماء اسلام نے آپ اکی زندگی کے واقعات کو الگ سے قلم بند کیا ہے ، جس میں آپ اکی خانگی زندگی ، معاشرتی زندگی، سیاسی زندگی اورآپ اکے اخلاق وعادات کا تفصیلی تذکرہ ملتا ہے ،سیرت کی بے شمار کتابیں منظر عام پر آچکی ہیں ، جس میں آپ اکی زندگی کے مختلف گوشوں کو واضح کیا گیا ہے ، سیرت کی اہم کتابوں میں سے ایک کتاب حضرت الاستاذ مولانا خالد سیف اللہ رحمانی دامت برکاتہم کی خطبات بنگلور (پیغمبر انسانیت ا) ہے ، یہ کتاب دراصل ان خطبات کا مجموعہ ہے جو ۱۹۹۷ء میں سنٹر فار آبجکٹیو اسٹڈیز (بنگلور) کے زیراہتمام اہل علم ودانشور طبقہ خواص کے سامنے حضرت الاستاذ نے دیئے ، بعد میں افادہ عام کی غرض سے اسے کتابی شکل میں شائع کیا گیا ۔
خطبات ''پیغمبر اسلام ا۔۔پوری انسانیت کے لئے اُسوۃ'' پیغمبراسلام ا اوربنیادی انسانی حقوق، پیغمبر اسلام ا اور غیر مسلم، پیغمبر اسلام ا اور خواتین، پیغمبر اسلام ا اور کمزور طبقات و حیوانات جیسے اہم عنوانات کو سامنے رکھ کر دیئے گئے تھے ، کتاب کی پذیرائی کا اندازہ اس بات سے لگایا جاسکتا ہے کے اُردو میں اس کے دو ایڈیشن شائع ہوچکے ہیں ، تلگو ، انگریزی و فرانسیسی میں بھی اس کا ترجمہ کیا گیا،کتاب سے استفادہ کو اور زیادہ عام کرنے کے لئے بنگلہ زبان میں اس کا ترجمہ معہد کے ایک فاضل مولانا ہلال الدین قاسمی نے کیا ہے اوراسی کو انھوں نے اپنے سندی مقالہ کا موضوع بنایا ہے ، کتاب کا ترجمہ ۲۲۵ صفحات پر مشتمل ہے ، موصوف کی فراغت معہد سے ۱۴۲۲ ھ کی ہے۔
دعوت و تبلیغ کے اُصول و احکام
قرآن کریم خدا کی مقدس ترین کتاب ہے ، رشد و ہدایت کا چشمہ اسی سے پھوٹتا اوراُبلتا ہے، کفر و شرک کے زہریلے اثرات سے آلودہ دلوں کو ایمان و ہدایت کے آبِ حیات سے غسل دے کر انھیں صیقل کرتا ہے، اس کا وجود پوری انسانیت کے لئے سراپا ہدایت ہے، اس کی ہر آیت ہدایت کے نور سے منور اور اس کا ہر لفظ حق و سچائی کا پیکر ہے، اس کو ابتداء سے انتہا تک پڑھتے جائیں اور دعوت و تبلیغ کی فضیلت اور رشد و ہدایت کی اہمیت و ضرورت کو محسوس کرتے جائیں ، کہیں تو صریح طور پر اس کی اہمیت و فضیلت کو بیان کیا گیا تو کہیں اُمم سابقہ کے حالات اور انبیاء کرام کی دعوتی جدوجہد کو ذکر کرتے ہوئے اس پر روشنی ڈالی گئی ہے، غرض کہ قرآن کا یہ ایک اہم اور وسیع موضوع ہے، اسلام ایک آفاقی مذہب ہے اورمحمد صلی اللہ علیہ و سلم کا مشن بھی آفاقی تھا، پس اُمت مسلمہ کا کردار اور اس کی جدوجہد بھی آفاقی ہونی چاہئے ، اس اہم کام کے لئے یہ اُمتِ مسلمہ پیدا کی گئی ہے، دعوت و تبلیغ ایک ہمہ گیر اور اہم فریضہ ہے ، اس کے لئے سعی بلیغ کی ترغیب دی گئی ہے ، نیز اس کی انجام دہی پر خدا کی طرف سے انعامات کی بارش ، اجر و ثواب کے وعدے اور اس سے پہلوتہی اختیار کرنے پر سخت وعیدیں بھی سنائی گئی ہیں ، اس لئے ضرورت تھی کہ دعوت و تبلیغ کے اُصول و احکام پر مفصل انداز میں کلام کیا جائے تاکہ داعیان حق اس سے استفادہ کرسکیں ، اس کے پیش نظر مولانا ادریس فلاحی نے ''دعوت وتبلیغ کے اُصول و احکام'' کے عنوان سے ایک مقالہ ترتیب دیا ہے ، موصوف کا یہ مقالہ ۲۳۰ صفحات پر مشتمل ہے ، آپ نے قرآن و حدیث اور فقہ کی کتابوں سے استفادہ کیا ہے ، موصوف ۱۴۲۵ھ میں معہد سے فارغ ہوئے۔
دعوت سے متعلق فقہی احکام
اس اُمت کی اہم ذمہ داریوں میں سے ایک ذمہ داری دعوت الی اللہ ہے ، اللہ تبارک وتعالیٰ نے قرآن پاک میں اس کو خصوصی طور پر بیان کیا ہے : ( کنتم خیر امۃ اخرجت للناس تأمرون بالمعروف وتنھون عن المنکر) (آل عمران : ۱۱۰) لیکن افسوس اس بات کا ہے کہ علماء نے جس طرح عبادات و معاملات کے متعلق بہت کچھ لکھا، اس طرح دعوت کے متعلق نہیں لکھا، اس پس منظر میں ضرورت محسوس ہوئی کہ دعوت کے اُصول اور منہج کے متعلق کچھ لکھا جائے ؛ چنانچہ مولانا ادریس ندوی نے اس موضوع پر ایک مقالہ مرتب کیا ، جس میں دعوت کے اُصول اور آداب کو بیان کیا ہے ، اس مقالہ کو مرتب کرنے میں موصوف نے قرآن وحدیث کے علاوہ مستند کتابوں سے استفادہ کیا ہے ، موصوف کا یہ مقالہ تقریباً ۲۰۰ صفحات پر مشتمل ہے ، موصوف ۱۴۲۴ ھ میں معہد کے طالب علم تھے۔
خوشی کی بات یہ ہے کہ ماضی قریب میں استاذ محترم مولانا خالد سیف اللہ رحمانی نے اس موضوع سے متعلق عربی زبان میں ایک کتاب ''فقہ الدعوۃ'' کے عنوان سے تصنیف کی ہے ۔
مرزا غلام احمد قادیانی کا دعویٰ مسیحیت اور ان کی قرآن دانی
آپ صلی اللہ علیہ و سلم آخری نبی ہیں ، آپ ا کے بعد کوئی نبی آنے والا نہیں، آپ ا کے بعد جو بھی نبوت کادعویٰ کرے گا وہ شخص کذاب ہے، یہ ہے وہ قرآنی عقیدہ جس سے ذرہ برابر اِدھر اُدھر ہونے کی گنجائش نہیں، مسلمانوں کو اس اہم عقیدے سے پھیرنے کی جو کوششیں کی گئیں اس کی تاریخ بڑی پرانی ہے، خود حضور ا کی حیات ہی میں کتنے لوگ دعوائے نبوت لے کر نمودار ہوئے، قریبی دور میں بھی اسی طرح کا ایک لعین شخص صوبہ پنجاب کے ایک علاقہ ''قادیان'' سے نمودار ہوا جس نے کبھی اپنے آپ کو حضرت مہدی کہا تو کبھی حضرت مسیح ، یہاں تک کہ اس نے اللہ کی طرف ایسی نازیبا باتیں بھی منسوب کیں جس سے اللہ مکمل طور پر پاک ہے، دشمنوں کی طرف سے پشت پناہی کی وجہ سے یہ باطل تحریک دھیرے دھیرے کمزور عقیدہ مسلمانوں میں جڑ پکڑنے لگی اور رفتہ رفتہ اس نے ایک فتنہ کی شکل اختیار کرلی،اللہ جزائے خیر دے ہمارے علماء کرام کو جنھوں نے اس چیلنج کا منھ توڑ جواب دیا اورتقریر و تحریر کے ذریعہ عوامی بیداری پیدا کی، قادیانی فرقہ اور اس کے باطل عقیدے کے تعارف میں مختلف انداز سے کتابیں لکھی گئیں، بعض اہل علم کے قول کے مطابق اس موضوع پر سب سے جامع کتاب ''قادیانیت از ابوالحسن علی ندویؒ '' ہے ، معہد کے ایک فاضل مولانا بشیرالدین قاسمی نے بھی اس کو اپنے مقالہ کا موضوع بنایا اور غلام احمد قادیانی کے حالات کا مقابلہ حضرت عیسیٰ ں سے کرکے کھرے کھوٹے کو الگ کر دکھانے کی کامیاب کوشش کی ہے، اسی ضمن میں موصوف نے غلام احمد قادیانی کے قرآن فہمی کا بھی جائزہ پیش کیا ہے ، مقالہ تقریباً ۱۵۰ صفحات پر مشتمل ہے ، موصوف نے مقالہ کی تیاری میں مختلف مراجع سے استفادہ کیا ہے ، موصوف کی سن فراغت ۱۴۲۳ ھ ہے۔
مستشرقین اور علمی خیانت
میدانی جنگ میں شکست فاش کے بعد اسلام دشمن طاقتوں نے جو محاذ اسلام کے خلاف کھولا اسے فکری جنگ سے تعبیر کیا جاتا ہے، اس فکری جنگ میں سب سے زیادہ منظم شکل میں اسلام کو نقصان پہنچانے کی جو کوشش کی گئی اس میں تحریک استشراق کا بڑا حصہ ہے ، اس تحریک سے وابستہ لوگوں نے اسلامی موضوعات کو اپنی بحث و تحقیق کا موضوع بنایا ؛ لیکن ان کا یہ عمل مخلصانہ یا خدمت علم کی غرض سے نہ تھا ؛ بلکہ اصل مقصد یہ تھا کہ اس علمی راستہ سے اسلام اور مسلمانوں کو بدنام کیاجائے ، اسلامی عقائد و مسلمات کے متعلق ذہنوں اور دلوں میں شک وشبہ پیدا کیا جائے اوردین اسلام کے بنیادی مآخذ کو کمزور کیا جائے۔
اس تحریک کے خطرناک اثرات سے مسلمانوں کو بچانے کے لئے بے شمار کتابیں استشراق اور مستشرقین کے تعارف پر منظر عام پر آچکی ہیں ، دارالمصنفین اعظم گڑھ سے مضامین کا مجموعہ کئی جلدوں میں شائع ہوچکا ہے ۔
معہد کے ایک فاضل مولانا تنویر عالم قاسمی نے بھی ''مستشرقین اور علمی خیانت'' کو اپنے سندی مقالہ کا موضوع بنایا اور کل ۳۳ صفحات میں مواد جمع کیا ، موصوف نے اس میں اسلامی تعلیمات پر مستشرقین کی طرف سے کئے جانے والے عقلی اعتراضات کا جواب پیش کیا ہے ، معہد سے موصوف کی فراغت ۱۴۲۳ ھ کی ہے۔
مسلم سلاطین کی مذہبی رواداری
رواداری کا مطلب یہ ہے کہ انسان کو ہر اعتبار سے آزادی حاصل ہو ، مثلاً ذہنی، فکری، مذہبی ، معاشرتی وغیرہ ، رسول اکرم صلی اللہ علیہ وسلم میں کتنی رواداری تھی آپ اس کا اندازہ اس بات سے لگا سکتے ہیں کہ مدینہ میں جب اسلامی حکومت قائم ہوئی تو وہاں کے مشرکوں اوریہودیوں کو آپ نے وہاں سے نکالا نہیں ؛ بلکہ ان کو مکمل مذہبی آزادی اور شہری حقوق عطا کئے، آپ کے بعد صحابہ کرام رضی اللہ عنہم ، مسلم خلفاء وسلاطین نے بھی اسی طرز عمل کو اختیار کیا ؛ لیکن عجیب بات ہے کہ اس سلسلہ میں بعض تعصب پسند مؤرخین نے غلط فہمیاں پیدا کرنے کی کوشش کی ہے ۔
اسی پس منظر میں مولانا نقیب عالم قاسمی نے مسلم سلاطین کی مذہبی رواداری کے عنوان سے ایک تفصیلی مقالہ تیار کیا ہے ، موصوف نے اپنے مقالہ کو چھ ابواب میں تقسیم کیا ہے ، اس مقالہ میں دور نبوت اور دور خلافت راشدہ اور دور بنو اُمیہ ، دور عباسی اور دور عثمانی کے سلاطین کی مذہبی رواداری کو تفصیل کے ساتھ بیان کیا ہے ، دور نبوی میں آپ صلی اللہ علیہ و سلم کی مشرکوں، یہودیوں اور نصرانیوں کے ساتھ جو رواداری کے واقعات ہیں ان کو بھی تفصیل سے بیان کیا ہے ، موصوف کا یہ مقالہ ۲۱۱ صفحات پر مشتمل ہے ، موصوف ۱۴۲۳ ھ میں تخصص فی الدعوہ میں داخل تھے۔
مشرک اقوام اور ان میں انبیاء کی دعوت ۔۔ اُسلوب و نتائج
اللہ تبارک و تعالیٰ نے اس کائنات کو پیدا فرمایا اور پھر انسانیت کی ہدایت کے لئے انبیاء علیہم الصلوۃ والسلام کو مبعوث فرمایا ؛ چنانچہ سب سے پہلے حضرت آدم علیہ السلام کو نبی بناکر بھیجا اور پھر جب لوگوں میں بگاڑ آجاتا تو اللہ تبارک و تعالیٰ انبیاء کو بھیجتے ، یہ سلسلہ جاری رہا یہاں تک کہ سیدالانبیاء صلی اللہ علیہ و سلم کو اللہ تبارک و تعالیٰ نے خاتم النبیین بناکر بھیجا ، جتنے انبیاء کرام آئے سب کا مقصد ایک ہی تھا کہ ان کی قوم اللہ کو ماننے والی ہوجائے اور بتوں کی پوجا چھوڑ کر اللہ کی عبادت میں لگ جائے ۔
اسی پس منظر میں مولانا سید مزمل اشاعتی نے انبیاء کرام کی دعوت کے متعلق ایک مقالہ لکھا ہے ، جس میں انبیاء کے دعوت کے اُسلوب و طریقوں کو بیان کیا ہے اور پھر ان کے کیا نتائج سامنے آئے ان کا بھی تذکرہ کیا ہے ، موصوف کا یہ مقالہ ۲۵۰ صفحات پر مشتمل ہے ، موصوف ۱۴۲۳ ھ میں شعبہ تخصص فی القرآن میں داخل تھے۔